先講明呢個方法有啲複雜，怕麻煩既可以Skip！最近有一個近乎 BUG 既神招，可以等大家直接以超低成本「買」到澳洲航空里數，換到澳航及寰宇一家聯盟機票！最近第三方旅遊預訂平台 Rove Miles 再次推出超誇張里數回贈優惠。繼早前 50%日航及土航額外里數後，今次 Rove 推出澳航 50% 額外加贈優惠（到8 月 14 日），計落每里成本只需要約 HK$0.1！用呢個方法換到阿聯酋航空奢華商務艙、寰宇一家機票，甚至係日本同澳洲內陸機都得！
點樣玩？「預訂酒店」變相買分
Rove Miles 表面係一個 OTA（網上預訂平台），實際理念係「訂酒店送里數」。雖然佢啲酒店房價比一般平台貴，但重點係回贈極高，實際上係俾錢「買」里數！Rove Miles 積分平常係1:1里數，可以兌換至多間航空公司，包括國泰、日航、漢莎、 北歐、 卡塔爾航空等等 (下面為簡單計， 一律以1分等於1 Rove Miles / 1里數表示)
- 搵高倍回贈酒店： 例如有東京一間快捷酒店有 55 倍積分，用約 US$4,060 就可以訂到並拎到 225,000 Rove Points (平常係1分：1里數)
- 限時澳航 50% 轉分加倍 (至8月14日)： 將呢 225,000 分轉去澳洲航空，加上有 50% bonus，會變成 337,500 澳航里數！
已過期：限時土航 50% 轉分加倍 (至6月30日)： 將呢 225,000 分轉去土耳其航空，加上有 50% bonus，會變成 337,500 土航里數！已過期：限時日航 50% 轉分加倍 (至3月31日)： 將呢 225,000 分轉去 JAL，因為有 50% bonus，會變成 337,500 JAL 里數！- 成本超低： 計返轉頭，你就係用 4,000 幾美金買咗成 33 萬里，平均每里成本極平！
步驟：
第一步： 註冊一個可以接收 SMS 的美國電話號碼（例如Fanytel) (成本約2美金)
第二步：登記成為 Rove Miles 會員（用推薦連結登記，不用訂酒店都即時有 500 分/里數）。
第三步：揀選高倍數回贈酒店（建議最少 40x 以上）。實測 吉隆坡、東京、雅加達、馬爾代夫 最容易搵到高倍數房源，建議揀連住幾日會更易見到 (不要糾結會唔會住到酒店，目標明確，只需高倍數回贈) (因為唔少人都一齊搵梗酒店，系統好慢下，要比啲耐性)
第四步：點選房間後，使用 Boost 功能加大倍數（最多可加 10x），最後比對實際每里數成本，約$0.1/里數是相當不錯的匯率。
重要貼士：點樣即時收分？ 喺付款頁面一定要點選 “Earn your Rove Miles instantly”！咁樣張單會變成「不可取消」，但優點係可以即時收到積分。
如果酒店本身寫可取消，你都可以喺呢一頁手動更改，喺付款頁面一定要點選 “Earn your Rove Miles instantly”！咁樣張單會變成「不可取消」
如果有實際需要，可以揀貴啲既酒店 (突然之間變為百萬富翁)
始終 Rove Miles 係新平台，小編建議即時轉去自己的航空公司戶口。Rove Miles既好處係可以即時兌換至航空公司，小編實測日航里數同限時50%既獎勵，都係即時入左日航戶口。
注意事項
- 限時優惠： Rove 轉 澳洲航空 嘅 50% 加贈只到 2026 年 8 月 14 日。
- 手速要快： 高倍數回贈（50x 以上）嘅酒店隨時會被訂完或者落架，想上車就要快手！
- 風險自理： 呢類玩法屬於較進階嘅里程操作，記得睇清楚 Rove Miles 條款。若果無實里數際需要，建議不要大量囤積。再安全一點，可以先上 航空公司官網查詢機位，有位才轉換里數。
澳洲航空（澳航）的飛行常客計劃「Qantas Frequent Flyer」在亞洲不算主流，但卻有不少捧場客。澳航計劃最吸引的玩法，莫過於用來兌換阿聯酋航空（Emirates）的頂級奢華體驗，以及兌換寰宇一家的環球機票，大家可以用澳航里數兌換以下不同行程！但無論如何，買里數前建議先查詢機位，不要大量囤積里數。
詳情》【澳航飛行常客計劃】最新改制三大表格拆解！精選 2026 實戰兌換阿聯酋豪華航線與環球機票攻略
1. 兌換阿聯酋航空 (Emirates) 商務艙（亮點之一）
這是澳航計劃其中最大的亮點，主流一般使用阿聯酋航空 或 澳航里數兌換這家中東土豪航空公司的機位。由於一般較難獲得阿聯酋航空里數，所以利用澳航里數兌換相對容易一點，而且在兌換特定區域的商務艙位非常具吸引力。
2. 兌換澳洲航空自家航班
此表格適用於兌換澳洲航空（Qantas）自家營運的航班。雖然換長途商務/頭等的里數比夥伴表更高，但在兌換澳洲內陸航線時仍有其定位，尤其是獨家或非常熱門的觀光路線。除此以外，此表格適用於美國航空及斐濟航空。
3. 兌換寰宇一家 或 夥伴單程（國泰/日航等單程直飛）
對於香港出發的讀者，這張表適用於兌換國泰航空、日本航空、卡塔爾航空、英國航空等 oneworld 寰宇一家成員，以及夥伴如法國航空、新西蘭航空、中華航空、中國東方航空、以色列航空、皇家荷蘭航空、南美航空及西捷航空的單程航班，優勢並不算太明顯，除非當刻有轉換澳航積分的優惠，令里數來源成本可以降低。
4. 兌換捷星航空廉航（短途接駁神器）
只要轉個彎用這張表來單獨換 Jetstar（捷星航空） (包括澳洲及日本) 的航班，對比澳航同一航線能節省約 10-20% 里數，是活用零碎里數的絕佳工具。
5. 兌換oneworld 環球獎勵機票
除了上述單程機票外，澳航最難得的是保留著隱藏的 oneworld 環球獎勵機票（oneworld Classic Flight Reward）。只要行程包含兩個或以上的 oneworld 夥伴航空公司（不含阿聯酋），且總飛行距離在 35,000 哩以內，就可以一口氣開出最多包含 5 個停留點（Stopovers）的環球機票。
留意：買里數前建議先查詢機位，不要大量囤積里數。