嘩嘩嘩！早前AirAsia 傳出將使用第五航權，開辦香港直飛日本航線！宜家終於揭曉邊一個航點，就係香港人非常鍾意去嘅沖繩喇！6月1日起，每日一班香港直飛沖繩航班！最正就係可以午機去，傍晚機返，時間靚到爆啊！
宜家更加推出早鳥優惠，單程飛沖繩低至HK$126 起(來回連稅HK$675 起)！抵啊！坐AirAsia航班可享7kg手提行李，寄艙行李更加不限件數，買手信就唔洗就住就住啦！想夏天去沖繩享受陽光與海灘，記得立即下載AirAsia MOVE或者上AirAsia官網搶飛啦！
【AirAsia優惠】萬眾期待！AirAsia 開辦香港直飛沖繩航線！每日一班，連稅低至HK$675 起！
AirAsia 宣布6月1日起，將開辦香港直飛沖繩航線，提供每日一班直飛航班！宜家更推出早鳥優惠，單程飛沖繩低至HK$126 起(來回連稅HK$6751 起)！重點係航班時間靚到不得了，午機去傍晚機返！坐AirAsia航班可享7kg手提行李，寄艙行李更加不限件數，買手信就唔洗就住就住啦！大家去沖繩玩又多一個選擇！
【優惠日期】即日起至25年4月20日
【出發日期】25年6月1日至10月25日
優惠票價
- 單程HK$126 起(來回連稅HK$801 起)
航班時間(每日一班)
- 去程：FD518 12:55-16:25 (當地時間)
- 回程：FD519 17:45-19:20 (當地時間)
▼ 經我們測試，6月1日至8日出發，AirAisa 香港直飛沖繩，單程HK$126 起(來回連稅HK$6751 起)。
沖繩景點推介
最新景點 – 沖繩主題樂園「JUNGLIA」(7月25日開幕)
沖繩北部最新大型主題樂園「JUNGLIA」將於2025年7月25日開幕，選址屬世界自然遺產的「山原（やんばる）」地區，以虛擬實境完全相反的「真實」娛樂體驗，讓遊客遠離城市喧囂，融入山原的壯麗風光。「JUNGLIA」是主打恐龍主題的侏羅紀樂園，佔地達60公頃，提供叢林冒險、熱氣球體驗及鞦韆等利用大自然的活動，另外更有地下溫泉水療及度假村等設施。
▼遊樂設施｜恐龍探險之旅 DINOSAUR SAFARI
▼遊樂設施｜高空滑索 HUMAN ARROW
那霸市 – 國際通
國際通係沖繩那霸非常知名嘅景點。原名「新縣道」，喺1944年沖繩島戰役之後，改名為國際通，之後隨著唔少百貨、商場建立，逐漸成為沖繩最繁華地段，係遊客必去嘅購物勝地，唔少人都鍾意去RYUBO琉貿百貨Shopping！小編之前去沖繩旅行時亦有到訪國際通，大家可以睇下小編嘅沖繩遊記，望下牧志公設臨時市場 、壺屋通、泊港漁市場有咩玩！
▼國際通
國際通
本島南部 – 沖繩世界文化王國
沖繩世界文化王國分為王國村、鐘乳石玉泉洞、毒蛇博物館三個區域，可以購買包含三個園區嘅門票，亦可單買某個區域。三個園區當中最出名嘅就係鐘乳石玉泉洞，玉泉洞全長約5公里，係日本第二大鐘乳石洞，被稱經歷30萬年歲月所形成嘅自然雕刻博物館，為非常壯觀。
而王國村可以欣賞傳統琉球舞蹈表演 (EISA太鼓舞)，仲有唔少沖繩文化體驗，例如藍染手提袋、編織杯墊等。至於毒蛇博物館裡面就有唔少沖繩特有嘅毒蛇展示，仲可以欣賞精彩嘅毒蛇表演，最後更會俾客人與無毒性嘅大蟒蛇影相留念。
▼沖繩世界文化王國
▼鐘乳石玉泉洞
沖繩世界文化王國
- 地址：沖縄県南城市玉城前川1336 (地圖)
- 電話：+81 098-949-7421
- 開放時間：早上9點 – 中午5點半 (最後入場時間中午4點)
- 沖繩世界文化王國官方網站
本島中部 – 萬座毛
萬座毛係位於恩納村內，係沖繩熱門嘅打卡景點。萬座毛因受海浪長年侵蝕，石灰岩嘅海岸形成遠看猶如象鼻般嘅獨特造型。萬座毛高20米嘅懸崖峭壁上係一片寬闊地帶，可以喺度眺望蔚藍嘅大海，一望無際！唔少人都鍾意係呢度欣賞夕陽景色。萬座毛海灘海水清澈，仲係浮潛、海濱垂釣嘅好地方。
▼萬座毛
萬座毛
本島中部——美國村
沖繩曾被美國統治，因此有唔少地方至今仍然感受到美國風情，當中最有代表性嘅一定係美國村。美國村係一個大型購物娛樂區，唔止有幾間大型商場、藥妝店，如AEON、SAN-A Hamby Tow，仲有一啲歐美風情嘅特色小店，大家可以喺官方網站查看有咩店鋪。
▼美國村AEON
美國村
本島中部 – 殘波岬
殘波岬係沖繩本島最西端海岬，仲係沖繩嘅三大岬之一，以高30米、綿延2公里嘅斷崖絕壁聞名。呢度未經人工整理嘅天然海岸線，係釣客嘅釣魚天堂。天氣好嘅時候，仲可以喺殘波岬眺望慶良間群島。另外，約31米高嘅白色燈塔亦係殘波岬代表性嘅地標。燈塔開放入內參觀，如果對自己嘅體力有信心嘅話，不妨挑戰行到燈塔最頂端！
▼殘波岬
殘波岬
本島北部 – 美麗海水族館
話美麗海水族館係沖繩必去嘅景點一定當之無愧！沖繩美麗海水族館位於海洋博公園內，係全亞洲最大、全世界排名第二！館內有將近 30,000種海洋生物，其中名為「黑潮之海」嘅大型水族箱裡面展示長達 8.8 米長嘅鯨鯊，遊客可以近距離觀賞海洋生物。
▼美麗海水族館
美麗海水族館
- 地址：沖縄県国頭郡本部町石川424 (地圖)
- 電話：+81 098-926-4455
- 開放時間：早上8點半 – 晚上6點半 (最後入場中午5點半)
- 美麗海水族館官方網站