南美洲優惠|巴西優惠|每次想去南美都會覺得又遠、機票又貴。想飛少幾個鐘,小編就幫唔到你啦,但今次呢個優惠就可以幫你平幾千啦!英航推出吉隆坡出發優惠,經倫敦轉機,好多中美、南美航點都有平,包括哥倫比亞、秘魯、巴西等都有平,最$5,600就可以飛一轉南美洲。好處係唔使經美國轉機,無美簽都可以!
【南美洲優惠】吉隆坡來回巴西聖保羅只需$5,600!
每次想去南美都會覺得又遠、機票又貴。想飛少幾個鐘,小編就幫唔到你啦,但今次呢個優惠就可以幫你平幾千啦!英航推出吉隆坡出發優惠,經倫敦轉機,好多中美、南美航點都有平,包括哥倫比亞、秘魯、巴西等都有平,最$5,600就可以飛一轉南美洲。好處係唔使經美國轉機,無美簽都可以!
英國航空南美優惠重點:
- 優惠日期:即日起
- 出發日期:集中係2027年4至6月
- 優惠價錢:吉隆坡來回聖保羅連稅HK$5,600 起
- 寄艙行李:機票本身只包手提行李,另加$570來回程都包23kg行李
【優惠日期】即日起
【出發日期】集中係2027年4至6月
▼ 經我們測試,5月26日至6月6日出發,英航吉隆坡來回巴西聖保羅連稅$5,640 起。

由香港出發,可以坐 馬來西亞航空、國泰航空、AirAsia 直飛吉隆坡,單程約4小時,來回連稅約 $1,200至$2,000。加埋英航吉隆坡往返聖保羅機票價格,大約7千幾蚊,行李費另加。
▼英國航空波音787-9客機飛越雲層

聖保羅景點推介|第一次去可以點玩?
聖保羅可以先留兩日。一日逛保利斯塔大道同公園,另一日去市立市場同自由區,由巴西本地小食食到日式甜品。落機後可由瓜魯柳斯機場接駁鐵路站,再搭 Expresso Aeroporto 入市中心 Luz 站。
保利斯塔大道|睇地標建築同巴西藝術
沿保利斯塔大道(Avenida Paulista)行,可以先去聖保羅藝術博物館(MASP)。博物館嘅紅色支架同懸空展館,本身已係大道嘅地標。睇完展覽,可以行去 Sesc Avenida Paulista 嘅觀景台,由高處望返成條大道。
▼保利斯塔大道旁嘅聖保羅藝術博物館

伊比拉布埃拉公園|湖邊散步 順路睇展
伊比拉布埃拉公園(Parque Ibirapuera)有湖、有草地,想慢慢行可以留半日。公園內有現代藝術博物館(MAM)同非裔巴西博物館(Museu Afro Brasil),可以揀一間睇完展,再去湖邊散步。
▼伊比拉布埃拉公園

聖保羅市立市場|試巴西水果同肉腸三文治
市立市場(Mercado Municipal)係舊城區嘅食物市場,可以邊行邊睇巴西水果、香料同熟食。肚餓就試當地出名嘅 mortadela 三文治,厚厚一疊意式肉腸夾入麵包,兩個人分一份之後仲有位試其他嘢。
▼聖保羅市立市場嘅拱頂同彩色玻璃窗

自由區|日式街景、甜品同週末市集
自由區(Liberdade)由廣場一帶行起,沿途見到日式街燈、雜貨店同食肆。想了解巴西嘅日本移民歷史,可以加埋日本移民史博物館。週末到訪亦可逛自由廣場嘅手作市集。
▼聖保羅自由區 Galvão Bueno 街

巴西延伸行程|里約熱內盧、伊瓜蘇瀑布
想睇海岸同城市景色,可以由聖保羅再飛里約熱內盧。上基督像所在嘅科科瓦多山睇城市全景,另留半日搭纜車上糖麵包山,望住瓜納巴拉灣同科帕卡巴納海岸。
▼里約熱內盧嘅糖麵包山同博塔福戈海灣

鍾意自然景觀就可以去伊瓜蘇市(Foz do Iguaçu)。巴西一側嘅伊瓜蘇瀑布步道約1.5公里,沿途可以從幾個觀景台望瀑布全景,尾段有伸出去嘅步道,可以近距離感受瀑布水霧。
▼巴西一側嘅伊瓜蘇瀑布步道

英航飛聖保羅及巴西行程 Q&A
Q1: 吉隆坡飛巴西聖保羅要經邊度?
A: 呢個英航行程由吉隆坡出發,經倫敦希思路轉一次機,抵達聖保羅瓜魯柳斯國際機場(GRU)。
Q2: 香港出發去聖保羅,兩張機票大約幾錢?
A: AirAsia 香港至吉隆坡來回約HK$1,800,加上英航吉隆坡至聖保羅來回參考價HK$5,600,合計約HK$7,400。兩段係分開查價,寄艙行李另計。
Q3: 英航基本經濟艙包寄艙行李嗎?
A: Economy Basic 包手提行李,如要寄艙就要另購,來回加$570 包來回23kg行李。
Q4: 第一次去聖保羅,兩日可以去邊?
A: 第一日可逛保利斯塔大道、聖保羅藝術博物館同伊比拉布埃拉公園,第二日去市立市場同自由區。
Q5: 聖保羅之後去里約熱內盧定伊瓜蘇瀑布?
A: 想睇海岸、基督像同城市天際線,可揀里約熱內盧。想行步道同睇瀑布,可揀伊瓜蘇市。
