唔使統計都知，東京絕對係香港人最愛嘅外遊城市首位，真係一年閒閒地都飛幾轉東京！除咗國泰、日航、全日空等傳統航空公司之外，唔少人都會選擇坐票價較平嘅航空公司，例如HK Express、香港航空、大灣區航空，慳得幾多就幾多！小編今日就同大家比較一下三間航空公司嘅東京線啦！
東京攻略｜三大平價航空公司東京航線比較｜邊間最多航班、價錢最平、行李費最平！
除咗國泰、日航、全日空等傳統航空公司之外，唔少人都會選擇坐票價較平嘅航空公司，例如HK Express、香港航空、大灣區航空，慳得幾多就幾多！三間航空各有優點，小編就同大家一一比較！
機票價錢 (來回連稅)
以機票價錢作比較，HK Express 價錢比較上抵，其後為港航及灣航。HK Express 及港航不定時都有日本優惠，大家可以多留意Flyday 報導！
| HK Express | 香港航空 | 大灣區航空 |
| 東京(羽田) $2,116 起 東京(成田) $2,173 起 |
東京(成田) $2,888 起 | 東京(成田) $2,715 起 |
*以2023年10月份三間航空公司官網最低票價計算。(截至2023年7月3日價錢)
航點
東京有兩個機場，包括成田及羽田機場。唔少人都鍾意飛羽田，一來相對比較近市區，可以玩耐少少先去機場，二來羽田機場周邊景點同配套比較多，去程/回程坐凌晨機都有地方可以消磨時間！不過以平價航空公司計，暫時只有HK Express 一間會飛羽田機場。
| HK Express | 香港航空 | 大灣區航空 |
| 東京(羽田) 東京(成田) (勝) |
東京(成田) | 東京(成田) |
航班班次
彈性選擇航班對於鍾意去旅行嘅我哋好重要，放工即刻衝去機場就飛返轉爭取時間玩，或一大班人去旅行方便揀選心儀嘅出發時間。疫情後飛東京嘅航班需要未及之前咁頻密，但亦算唔少。HK Express 每日最多有7班航班飛往東京 (成田/羽田)，包括早午晚甚至凌晨機等；港航則每日3班，而大灣區暫時只有一班。
| HK Express | 香港航空 | 大灣區航空 |
| 平均每日5至6班，部分日子7班 (羽田 + 成田) (勝) |
每日4班 | 每日2班 |
行李費用
三間航空公司基本票價都唔包寄艙行李，去東京單靠手提行李絕對唔夠！大家如果有需要加購寄艙行李，記得係訂購機票嘅時候買，因為購買機票之後補買會貴少少！留意三間以香港航空預訂機票時，揀選包20kg行李票價略較經濟 (來回加$420)。！
| HK Express (單程) | 香港航空 (單程) | 大灣區航空 (單程) |
| 20kg : $290 25kg : $360 30kg : $425 40kg : $550 (勝) |
20kg : $324 25kg : $405 30kg : $506 40kg : $637 |
20kg : $300 |
*以上費用以預訂期間訂購行李為準
機上餐飲
平價航空公司多數都唔會包飛機餐，最多都係包一支水；而香港航空就有一個麵包！不過東京機程唔算好長，有無飛機餐都唔太緊要。如果真係怕肚餓，可以預購額外飛機餐，三間以HK Express最為實惠，而且選擇最多。
| HK Express | 香港航空 | 大灣區航空 |
| 需額外加購 另可加購豚肉薑汁燒丼、芝士雞胸牛油果醬三文治、港式咖喱魚蛋等，價錢由$20至$55不等 (打和) |
輕食 (麵包＋1支水) 另可加購番茄火腿芝士意大利軟包、蘑菇茄子千層麵配意式蕃茄醬、乾蔥豆豉雞球配白飯等，價錢由$56至$78不等 (打和) |
一支水 另可加購秘製港式焗豬扒飯、港式XO醬炒蘿蔔糕、日式吉列豬扒咖喱飯、雞肉凱撒沙律，價錢由$48至$68不等 (打和) |
客機
雖然飛東京4個鐘頭左右，但係坐位舒適度都好重要，雖然三間航空公司所用嘅客機經濟艙腿部空間相差唔算好多。不過大多數人都認為大灣區航空嘅坐位椅背比較上薄，可仰後角度比較少，值得一提的是大灣區航空座位設有USB差電。
| HK Express | 香港航空 | 大灣區航空 |
| 空中巴士 A321 空中巴士 A320 |
空中巴士 A320 空中巴士 A330 (勝) |
波音 737-800 |
如果想確保同朋友一齊坐，可以在買飛時預購座位，三間以HK Express選購普通座位最為經濟。
| HK Express | 香港航空 | 大灣區航空 |
| 普通座位：$60靠前座位：$120加闊座位：$215 | 普通座位：$85加闊座位：$320 | 普通座位：$80加闊座位：$180 |
*以上費用以預訂期間預購座位為準
使用里數/兌換
平時用信用卡簽賬儲埋咁多積分，用嚟兌換航空公司里數就最好！香港人最鍾意儲亞洲萬里通里數，可以「里數加現金」的方式購買HK Express機票及其他服務！而香港航空主要使用海航集團的金鵬俱樂部里數為主；大灣區航空就暫時無里數兌換計劃。
| HK Express | 香港航空 | 大灣區航空 |
| 亞洲萬里通 | 金鵬俱樂部 | 無 |
總結
三間平價航空公司都各有自己優點，大家買機票之前可以參考一下小編為大家做嘅比較！作為鍾意飛東京嘅我地，當然希望以上三間航空公司可以增加更多航班，推出更多優惠同埋越做越好啦！