捷星日本航空 Jetstar Japan 係1月11日宣布，將於3月31日起復飛台北至大阪航線，每日營運一班。係相隔五年後捷星日本再次營運該條航線。宜家官網亦正式開賣，單程最平$878(大阪至台北)，來回連稅最平$2,246起，包一件7kg手提行李。價錢以廉航嚟講唔算平，相信過一段時間後會回落。現時捷星日本嘅國外航線只有上海、馬尼拉同台北，而香港航線於20年因為疫情而停飛差不多有四年，唔知幾時有機…
宜家大家要去巴塞隆拿旅行暫時都要轉機先去到，不過出年大家就可以舒舒服服直飛喇！國泰航空Cathay Pacific 將會係明年6月17日起，復飛香港直航巴塞隆拿航線，會以A350-900 執飛！宜家亦都已經開賣，來回$5,222 起 (連稅$7,988 起)，Asia Miles 亦同時開始放位！如果出年夏天想去巴塞玩，可以等1月1號燃油附加費下調後再入手都唔遲！
如果你係一個潛水發燒友，相信斐濟一定係你心目中嘅潛水Bucket List 之一！斐濟由超過300多個島嶼組成，水質清澈之餘，水底更有80多種軟珊瑚物種及多樣性生物，令斐濟有「世界軟珊瑚之都」嘅美譽。係特定季節仲可以同鯊魚及魔鬼魚一齊潛水！小編就幫大家整合5大潛水熱點，想完成人生嘅潛水Bucket List，就要睇下小編嘅介紹！
如果你嫌今年聖誕香港天氣仲未夠凍，不如考慮吓一月尾飛冰島睇極光？瑞士航空Swiss1月23日至30日飛冰島雷克雅未克連稅$4,501 起！加多幾百包埋23kg行李！ 一月份係非常適合去睇極光嘅月份，如果想去平平地去睇極光就要把握機會喇！
仲有差唔多半個月就踏入新一年，過去呢一年返工返到好攰，1月想下旅行獎勵下自己？如果今年儲落唔少「亞洲萬里通」里數，想用嚟兌換下機票嘅話，國泰航空推出嘅里數回贈優惠就啱晒大家！由即日起至12月31日前，用里數兌換高雄、布吉、巴黎、阿姆斯特丹等20多個精選目的地航班，單程或來回經濟客艙機票，可額外享10%里數回贈！再加購埋旅遊保險仲可以賺多10%，總共可享20%里數回贈！咁多目的地揀同埋咁多里數回贈，…
仲有幾個禮拜就到聖誕，大家諗到送咩禮物俾身邊摯愛未呢？宜家經國泰假期預訂任何「機票+酒店」旅遊套票，可以額外賺取2,024里數！除此之外，用里數兌換任何國家嘅酒店住宿亦可享2,024里數折扣。如果你持有渣打國泰Mastercard®，仲可以享有額外9折里數兌換優惠！旅行日期到24年4月30日，去外國過白色假期或者計劃定去日韓睇櫻花就啱晒！
馬來西亞航空 Malaysia Airlines 平時唔多減價，今次馬航推出年終優惠，香港來回吉隆坡只需$984 (連稅$1,611)，價錢同另一半傳統航空公司馬印航空相約，亦平過國泰之前既2人同行優惠，但留意今次只包10kg寄艙行李，唔太大要求都可以既。如果想平，亦可以考慮廉航AirAsia，不時都有約$1,000來回機票。
經過連日預告，香港航空Hong Kong Airlines 推出17週年優惠，合共有5萬張單程機票，未連稅低至$210 起！航點包括中、日、韓、泰14個航點，熊本及米子新航線都有，價錢未包行李。
作為熱門旅遊勝地，斐濟除咗有唔少現代化景點之外，同時亦保留住唔少傳統文化原素。大部分酒店夜晚都可以欣賞到原住民嘅表演同傳統舞蹈。當然要了解斐濟嘅傳統文化，淨係睇表演係唔夠！當地有唔少體驗活動，會帶大家探訪傳統部落，了解原始嘅風土人情。就等小編為大家講解一下斐濟傳統文化啦！
正煩惱緊年尾出走大計？究竟去日本浸溫泉，睇合掌村點燈好？定係挑戰一日滑雪場呢？放心無問題！打開香港快運 HK Express 網站即刻搜尋多個亞洲航點，而大家最愛嘅日韓航點亦超過10個，東京、名古屋、首爾每日共有多達13班直航航班，輕輕鬆鬆就搵到心水目的地，想幾時出發都無問題！凍冰冰可以去浸下溫泉睇雪景諗起都開心，即刻捉埋朋友或另一半一齊Gotta Go盡情去飛啦！