宜家暫時未有航空公司復辦香港直航去馬爾代夫嘅航線，大多數都要去曼谷或者新加坡等地方轉機。好消息黎啦！新航空公司BeOnd將會推出直飛馬爾代夫 (馬累) 嘅航班，佢嘅一大賣點就係使用全商務艙嘅空中巴士A321neo，並且為乘客帶黎一系列嘅豪華服務。啱晒有budget想去個奢華旅行嘅旅客！
【新航空公司BeOnd】香港直飛馬爾代夫！
BeOnd提供嘅豪華馬爾代夫航線計劃於2023年夏季首航，由杜拜往返馬爾代夫韋拉納國際機場（前稱馬累國際機場）嘅航班已經確認為首條航線。及後將會提供多個熱門城市往返馬爾代夫嘅航班，包括香港、台北、新加坡、杜拜、米蘭、慕尼克、巴黎、蘇黎世、維也納及利雅得。航線將會使用68座單走道嘅空中巴士A321neo (A321LRs)，座位為2-2佈局而且一律係商務艙。
▼空中巴士A321neo
【BeOnd航班豪華服務】登機前後都有五星級享受！
BeOnd主打豪華旅遊市場，無論上機前定係上機後都可以享受到佢嘅服務。首先，旅客安坐家中就可以辦理登機手續，行李將會由司機運送到機場並且寄艙，旅客亦可享用高級轎車接送服務往返機場。
▼在家check-in及專車接送服務
上機後機艙內除咗配備可以完全平躺嘅座椅，機上面仲會提供Wi-Fi同埋藍芽連接功能。
▼機艙內舒適座椅
除此之外，機上仲會係提備米芝蓮級數嘅美食。
▼米芝蓮級數飛機餐
相信呢間新航空公司嘅出現會令將來去馬爾代夫嘅旅客更加方便，出年計劃會去馬爾代夫玩嘅話記得留意住啦！
來源：BeOnd官方網站