漢莎呢套摩洛哥飛認真無得彈！4至10月出發，來回卡薩布蘭加$2,100 (連稅$4,115)！價錢入得手之餘，最正喺正暑假出發，玩一星期又得，玩足成個月又得，視乎大家使唔使搏老命返暑期工搵錢咋！
尼泊爾優惠停咗一排，終於又有喇！12月31日前出發，坐中國東方航空來回加德滿都只需$1,173 (連稅$1,948)！票價已經包咗20KG行李，連稅唔使二千蚊就飛到去睇雪山喇！
就快復活節，S7航空竟然有冷門平飛直航去伊爾庫茨克！限指定日子出發，S7航空直航來回伊爾庫茨克$1,904 (連稅$2,281)。優惠票價不包行李，需要行李要另購，同埋平飛出發日子數量唔多，想睇溶冰就入黎睇詳情啦。
黎緊復活節去復活島夠哂應節啦掛！不過向來淨係南美＋內陸機果程、已經嚇到唔少人卻步！好彩天無絕人之路，小編搵到坐聖地牙哥來回復活島只需$1,805 (連稅$1,980) 起！平時唔減價都要3千幾蚊程，同飛歐洲差唔多價錢架！
嘩！真係超級超級抵啊！11月30日前出發(視乎航點)，斐濟航空直航楠迪只需$1,720 (連稅$3,761)，轉飛其他太平洋島國都係$2,230 (連稅計瓦努阿圖$3,872、所羅門群島$3,881、湯加$4,763、薩摩亞$5,013)！超爆抵！平時直航斐濟最平講緊四千幾，島國六千幾起跳架！即刻搶喇！
講起蒙古國最佳旅遊時間就係春夏時分，天氣溫度剛剛好！而呢段時間至10月31日前出發，坐蒙古航空飛過去都係$3,129 (連稅$3,456)！票價包咗23KG 行李同機上餐飲！仲有搵到復活節出發都有平，復活節假去蒙古睇星星都幾浪漫呀！
美航減價減埋去墨西哥，價錢夠哂Surprise兼且優惠好罕見呀！只限3月出發，來回墨西哥城$1,609 (連稅$3,843)、坎昆$1,631 (連稅$3,697) 咋！從未見過咁平，其中飛墨西哥城只係需要轉一次機，不過等轉機要成18個鐘都幾攞命！
今次呢個優惠夠冷門啦！3月出發，海南航空深圳來回烏魯木齊$2,206 (連稅$2,332)！票價包20KG 行李，早去晚返，不過就要喺深圳出發！烏魯木齊一般視作為「絲綢之路」起點，具有濃厚宗教氛圍，沿途亦會見到各大名勝及自然風光架！
俄航獨市嘅直航優惠又有平飛喇！今次堅係平到笑，4月25日前出發，用埋折扣代碼後，俄羅斯航空直航來回莫斯科$2,403 (連稅2,659)！機票價錢已經抵玩，仲要包1件23 KG行李！俄國消費咁抵，絕對係平飛之選！
被稱為「印度洋上的珍珠」嘅斯里蘭卡擁有美麗海灘、自然與人文風景，宜家有平飛可以去遊覽啦！11月15日前出發，坐馬印航空來回科倫坡只需$1,536 (連稅計$2,194)。斯里蘭卡有著好多珍貴嘅自然風景及歷史遺跡，初次去必定要乘搭海上火車兼欣賞途經茶園景色，自問有體力可以挑戰登上神山亞當峯 (Adam’s Peak) 朝聖架！