鍾意去旅行嘅你，相信都有儲開航空公司嘅里數，最多香港人儲嘅當然就係國泰嘅「亞洲萬里通」 Asia Miles！儲到嘅里數可以兌換機票、酒店同一票難求嘅演唱會門票等等，用途非常之多。以來回台北機票為例，只需要15,000里就可以兌換到，啱啱開始儲里數嘅你可能覺得好遙遠！但其實係日常生活當中，有好多方法可以儲到里數，無論係碌卡簽賬、網上購物、餐廳食飯等都可以賺到！就等小編話俾大家聽有咩方法啦！
國泰Asia Miles 里數攻略｜從日常生活中輕鬆賺取里數，兌換機票話咁易！
日常生活當中，有好多方法可以幫大家輕鬆䁠取到里數，誇張到連飲啖水都可以賺到！留意以下方法，快一步可以兌換到機票去旅行啦！
信用卡簽賬
儲里數最快、最簡單直接嘅方法當然係用信用卡簽賬啦！有唔少信用卡係簽賬賺到里數，銀行亦不定時都會推出簽賬、迎新優惠，大家買野、食飯前可以睇返邊張信用卡可以儲多啲！
▼用渣打國泰Mastercard®，簽賬可以賺取更多里數！
經國泰預訂旅遊套票
大家可以係國泰網站預訂機票之外，一次過book埋酒店、套票或租車，一個網站搞掂晒，預訂仲可以再賺取里數！網站入面仲有多間人氣星級酒店，連河口湖溫泉酒店都有得訂！
▼ 連河口湖溫泉旅館嘅一泊二食都可以預訂到！
身心健旅
國泰應用程式內，可以加入身心健旅計劃，並達成六大日常健康目標 (步行一萬步、飲8杯水等)，每日可賺取7里，每年最多可賺取2,555里，每日keep 住做保持健康生活，飲啖水都賺到里數啊！
網上購物
係國泰可以邊購物邊賺里數，商品包括各種人氣品牌、化妝品、電子產品、家品、演唱會門票及國泰限定商品等多款產品，以現金消費可賺取高達$3/里，有推廣活動時，消費滿指定金額仲有機會賺取額外里數！平時鍾意網購嘅你，記得上去國泰shopping 兼賺里數喇！
▼ 部份產品可以係國泰新開嘅太古城中心實體店買到，仲有額外500里添啊！
另外經國泰網上合作夥伴 (ishop) 去其他品牌網購及飛機上購物都可以賺到里數！
▼ 網購之前，記得經國泰網上合作夥伴 (ishop)網站去到合作夥伴網站，Shopping同時賺里數！
餐廳訂座及消費
大家平時book枱食飯，可能都會直接打去餐廳訂座。其實宜家透過OpenRice 訂座，每次可以獲取15里！埋單時向店員表示想儲里數並出示國泰會員二維碼，可以賺到$2/里（用渣打國泰Mastercard®俾錢可賺$4/3里）！平時去食飯記得爭住俾錢同埋將自己嘅國泰帳戶連結OpenRice，賺晒啲里數！
▼ 係OpenRice 訂座記得揀返Asia Miles 做訂座獎賞啊！
▼國泰手機應用程式首頁右上角就可以搵到你嘅會員二維碼
積分轉換
國泰同唔少商戶或平台都有合作，可以將唔同嘅會員積分轉換為Asia Miles，例如Shell、Marriott Bonvoy、易賞錢、中電等。平時入油、去超市買嘢或者book 酒店記得用會員卡儲低積分，之後再轉返做里數！
▼現有中電客戶，登入中電度度賞並註冊帳戶，可以透過每期賬單慳電獎賞、選用電子服務等，賺取到度度賞積分。
實用工具推薦
講咗咁多日常生活賺里數嘅方法，仲有方法幫你計算點樣可以賺足夠里數去兌換機票，同俾啲實例大家參考賺里數嘅方法！
里數計算機
單單淨係話你知一張機票要幾多里數就無咩意義，相信大家都好清楚！國泰網站內嘅「里數計算機」幫你分析3個月內點樣賺取足夠里數兌換機票！如果真係想兌換機票去旅行，絕對值得參考一下！
▼里數計算機
我的里賞一天
每個人消費模式都唔同，日常生活都擔當住唔同嘅角色，可以參考「我的里賞一天」頁面內唔同人每一日儲里數嘅方式，例如上班族、家庭主婦/主夫等，學下點樣日常生活中賺最大里數！
▼ 我的里賞一天
