國泰航空新航線｜國泰航空｜國泰航空最新消息｜國泰又有新航線消息，繼早前宣布今年夏季將會開辦慕尼黑航線將及復飛布魯塞爾後，今日 (1月8日) 宣布將於今年6月5日至10月25日，復飛羅馬航線！早前國泰CEO 林紹波表示預計今年來，國泰航空及HK Express 兩間航空公司將會突破100個航點，唔知下一個新/復飛航點係邊一到呢？
國泰航空新航線｜2025年夏季直飛慕尼黑、復飛布魯塞爾
今年夏季將會開辦慕尼黑航線將及復飛布魯塞爾後，今日 (1月8日) 宣布將於今年6月5日至10月25日，復飛羅馬航線！3條航線將以空中巴士 A350-900 客機執飛。
- 去程：CX293 00:45-07:50 (逢星期一、四、六)
- 回程：CX292 11:45-05:20 +1 (逢一、四、六)
- 去程：CX301 01:10-07:55 (逢星期一、二、四、六)
- 回程：CX300 14:00-06:50+1 (逢一、二、四、六)
- 去程：CX291 23:35-07:05+1 (逢星期一、三、五、日)
- 回程：CX294 16:15-09:45 (逢一、二、四、六)
國泰航空新航線｜國泰正積極考慮重飛日本小松！有望明年3月底後復飛！
石川縣議員福村章最近到訪香港後，向石川縣知事報告稱，國泰正積極考慮重飛日本小松，並有望明年3月尾後復飛！
2019年4至10月期間，國泰曾經短暫營運過小松航線，疫情後一直都無復飛消息傳出，如果今次成事的話，日本航點將增加至7個！除咗國泰之外，未知福村章議員係今次到訪期間，有無接觸過另外幾間本地航空公司，之後會唔會出現好似爭相開辦仙台線嘅局面？
已停辦的國泰航空小松季節性航班時間 (19年4月3日至10月26日)
- 去程：CX574 09:45-14:55 （逢星期三、六)
- 回程：CX575 16:30-20:00 （逢星期三、六)
▼ 石川縣議員福村章到訪香港後，向縣知事馳浩報告稱國泰正積極考慮復飛小松航線。
▼ 開通高松線後，大家去白川鄉或者立山黑部就近多少少，可以慳返啲時間！
國泰航空新航線｜澳媒報導指，有望年尾飛阿德萊德/新坎培拉飛線
國泰航空又有新航點消息傳出，今次又係澳洲線！最近有澳洲傳媒報導指，國泰航空有望係年尾或明年年頭復飛澳洲阿德萊德航線，預計每週將提供5班航班往來香港至阿德萊德。國泰航空係疫情時停飛阿德萊德至今一直都未復飛。如果成事的話，大家相隔4年多後，可以再次坐直航航班飛往阿德萊德喇！
阿德萊德機場航班資訊
目前阿德萊德機場8間航空公司提供國際航班，包括捷星航空、新西蘭航空、新加坡航空、馬來西亞航空、巴澤航空、越捷航空、阿聯酋航空及卡塔爾航空，主要往來東南亞、紐西蘭及中東。
▼阿德萊德
另外，坎培拉機場航空主管Michael Thomson 於近日表示，目前正與多間航空公司商討開辦或復飛直航澳洲首都坎培拉，包括新西蘭航空、越捷航空、新加坡航空及國泰航空。國泰CEO林紹波早前係股東大會上透露，下半年將會陸續公布新航點，更會包括香港未曾有直飛航班嘅航點！
國泰就未曾飛過坎培拉，未知係唔係傳聞中嘅新航點。假如成事嘅話，有望會係今年12月至2月期間提供季節性航班！
坎培拉機場航班資訊
疫情後，坎培拉機場拉只有飛往斐濟(斐濟航空)及峇里(巴澤航空)兩條國際航班，而卡塔爾航空早前亦同意將坎培拉作下一個澳洲首選航點，亦有望係第三間航空公司於當地提供國際航線。
▼ 坎培拉
▼ 國泰航空未曾直飛過坎培拉，未知今次會唔會係傳聞中嘅新航線！
