已經買咗機票但又想飛得再舒服啲，但未捨得直接買特選經濟艙或商務艙？其實國泰有個隱藏功能智選升級 Upgrade Bid！只要你手上持有符合要求的國泰機票，就可以喺出發前自由決定競投金額出價！只要競投成功，就可以用超值價升級去特選經濟艙或商務艙！特別係飛長途航線，要喺機上坐足十幾個鐘，如果可以伸展雙腿、享受更寬敞嘅空間，歎住飛真係非常重要，成個旅程嘅疲勞感即刻減半！今次就同大家送上智選升級完整教學，教你點樣享受奢華飛行體驗！
【國泰飛行體驗升級】買國泰機票，用智選升級自由出價，升級去特選經濟艙或商務艙！自由定價，極高性價比升級
簡單3步！國泰智選升級 Upgrade Bid 教學：
買咗經濟艙或特選經濟艙嘅朋友，快啲跟住以下步驟競投智選升級，將有機會升級至下一個客艙級別，部分無特選經濟艙嘅短途航班可以直接由經濟艙機票upgrade bid去商務艙，享受升級的飛行體驗。
步驟 1：查核航班資格
登入國泰航空「智選升級」網頁，輸入姓氏及預訂參考編號，系統會即時顯示你嘅航班是否符合競投資格。
步驟 2：出價競投
如果符合資格，系統會提供一個競投金額範圍，可以根據預算自由出價。
步驟 3：接收結果通知，愉快出發！
國泰會喺航班預定出發時間前最少24小時發送電郵通知結果。只有競投成功先會喺信用卡扣款！收到成功通知後，就可以喺出發當日直接去特選經濟艙或商務艙專屬櫃位辦理登機，準備享受升級旅程！ (票價細則及行李限額會根據你的原有機票而定，里數及會籍積分亦會根據原有機票累積。)
直接購買特選經濟艙 vs 用Upgrade Bid 競投升級
Upgrade Bid升級最正嘅地方，莫過於可以用極高性價比享受高一級客艙嘅奢華服務，對於想旅行對自己好啲、但又想精打細算嘅朋友嚟講絕對係神級功能！
以珀斯 (10月30日至11月8日出發) 為例：
– 直接購買特選經濟艙：來回機票價格約HK$18,000。
– 使用 Upgrade Bid 競投升級：如果先購買約 HK$7,400 嘅來回經濟艙機票，再透過 Upgrade Bid 出價競投，有機會每程比多 HK$3,000 至 HK$4,000 就可以成功升級至特選經濟艙，來回兩程成功upgrade連埋本身經濟艙機票嘅價格都係大約 HK$15,000，有機會平過直接買特選經濟艙機票架。每張機票顯示嘅出價範圍可能唔同，實際所需金額亦會因航線、需求及座位供應情況而有所差異。
計算返比起一開始直接買特選經濟艙慳返唔少，但一樣可以享受到專屬 Check-in 櫃位、優先登機同更寬敞舒適嘅空間，用最少預算，發揮出最大嘅旅遊價值！下次心思思想upgrade，記得第一時間試下用 Upgrade Bid 自由競投升級啦！
【國泰飛行體驗升級】買經濟艙機票，用智選升級自由出價，搭長途機升級去特選經濟艙性價比極高！優先登機、米芝蓮食府餐單、4K大屏幕！
國泰特選經濟艙亮點：
國泰波音 777-300ER 客機嘅特選經濟艙，每個細節都窩心設計，提供私隱度高嘅客艙座椅及奢華飛行體驗。寬敞私人空間＋超大傾斜度：座位私密感提升，設有具承托力頭枕與伸展腿靠，搭配獨立閱讀燈，不論想專注工作定休息都超舒服！
15.6 吋 4K 闊螢幕＋藍牙音訊：屢獲殊榮嘅機上娛樂系統，支援連接收藏嘅藍牙耳機，沉浸式睇 Disney+ 同荷里活大片！
高空米芝蓮級饗樂：在高空中享用國泰特製的Betsy beer手工淡啤酒，或細味逸東軒等知名夥伴餐廳呈獻嘅特色的「港式滋味」菜單，飛機餐都變成享受！選乘特選經濟艙嘅國泰會員只要喺預訂或Check-in時輸入會員號碼，高空三萬呎一樣可以免費連線跟家人朋友保持聯繫或處理公事！
暢通無阻地面禮遇：享用專屬Check-in櫃位及優先登機，令大家抵達目的地時依然保持精神！
