Club Med度假村｜Club Med布吉｜泰國全包式度假村｜去到泰國布吉梗係要去游水曬太陽啦！入住一價全包度假村就唔駛煩惱，Club Med嘅精緻全包式假期(Premium All-inclusive Holiday)概念，顧名思義就係包晒酒店住宿、全日三餐、酒吧無限享用飲品或小食、水陸活動、仲有每晚唔同表演及party可以參加，連小朋友都有兒童俱樂部，照顧一家大細所需！入住時只要用My Club Med 手機app就可以睇到幾日內嘅體驗課程同節目時間表，由Club Med幫你plan哂所有活動！今次小編入住Club Med布吉度假村， 每日都不停飲飲食食，仲參加咗幾個體驗班同自費活動， 過咗一個”泰”悠閒度假之旅，想知更多入住體驗就睇埋內文啦！
相關優惠：2024年最新北海道滑雪酒店Club Med Kiroro Grand｜一價全包！滑雪滑到飽，適合全家大小！主打溫泉、特色火煱、燒肉餐廳
Club Med布吉｜度假村介紹及全新升級客房
Club Med布吉位於泰國南部卡塔灣 Kata Beach 內，亦有「泰國珍珠」之稱，岩哂同另一半或家人一同體驗亞熱帶法式海島度假之旅！度假村有多樣水陸活動，包括攀岩、浮潛、空中飛人、泰拳、射箭、高爾夫球等活動可免費參加，亦有專業G.O (Gentle Organizer) 或教練從旁教導及協助。今次入住全新升級標準房連陽台，房內設計以泰絲裝潢同天然柚木打造，呈現暖色調及細節位處處都有泰式風格！
▼ Club Med布吉
▼ 全新升級標準房連陽台，面積為26平方米，分開睡眠區及沙發區，空間闊落。
▼ 沙發區
▼ 浴室設計乾濕分離，分開獨立廁所及淋浴間。
Club Med布吉｜1日3餐國際自助餐！無限量供應酒精及其他飲品
入住Club Med的房間價錢已經包括全天候多餐飲食，講緊係除咗包1日3餐國際自助餐外，其實每餐之後嘅時段 (Late Breakfast,Late Lunch,Late Dinner)，都可以入主餐廳以A la Carte 按菜單形式點菜，所以係唔會怕餓，只會怕日日咁食法要減肥！
而Club Med布吉分別有The Mamuang主餐廳、The Chu-da主題餐廳同The Sanook 主吧台。The Mamuang主餐廳提供3餐國際自助餐，每日食物都會轉換有唔同選擇，有得品嚐泰國特色風味菜或世界各地菜式，亦劃分5個味、香、音、色、觸五感為設計主題的用餐區。
▼Club Med布吉The Mamuang主餐廳
▼Club Med布吉The Mamuang主餐廳早餐時段
▼Club Med布吉The Mamuang主餐廳Late Lunch時段
▼Club Med布吉The Mamuang主餐廳晚餐時段 (菜色會每晚不同)
▼Club Med布吉The Mamuang主餐廳晚餐時段 (菜色會每晚不同)
▼Club Med布吉The Mamuang主餐廳晚餐時段甜品 (菜色會每晚不同)
另一間The Chu-da泰式主題餐廳，只於晚餐時段供應A la Carte 菜單，記得要提前1至2日經Club Med 手機app預約座位！餐廳設於靜池Zen pool游泳池旁，可選擇係室內或室外空間用餐，邊遠眺海景邊享用精緻泰式晚餐。
▼The Chu-da泰式主題餐廳
▼The Chu-da泰式主題餐廳
▼The Sanook 主吧台旁，下午時段亦有小食供應
▼每晚The Sanook 主吧台旁都有派對，可以無限享用酒精及非酒精飲品，同度假村內嘅G.O一起狂歡熱舞！
相關優惠：北海道滑雪Resort｜全新Powder滑雪場推介Club Med Kiroro 一價全包滑雪度假村體驗介紹｜另有高階滑雪場Club Med Sahoro
Club Med布吉｜免費任玩設施及各種體驗班！
提到Club Med 一價全包假期除咗連住宿同全日餐飲外，重點當然係免費參加各種體驗班同免費任玩設施啦！入住時G.O有介紹小編下載My Club Med 手機app，仲可以睇到幾日內嘅體驗課程時間表同活動節目，自由參加各種體驗班，真係由入住一刻唔使用腦由Club Med幫你plan哂所有活動！
▼度假村有多元水陸活動，包括攀岩、浮潛、空中飛人、泰拳、射箭、高爾夫球等活動參加，亦有專業G.O或教練從旁教導及協助。
▼Club Med布吉更為4個月至17歲小童及青少年提供分齡分級俱樂部Kids Club。
▼主游泳池
除了主游泳池外，仲有一個限20歲以上成人先可以進入嘅泳池 – 靜池Zen Pool，如果冇人嘅話仲可以包場咁chill住曬太陽同游水。
▼靜池
▼ 除此之外，每晚亦有不同表演活動免費觀賞。
▼ 台上正在表演的演員都是G.O扮演。
相關優惠：北海道滑雪Resort｜白色國度Club Med Tomamu 一價全包滑雪度假村體驗介紹
Club Med布吉｜自費活動項目
除咗以上免費嘅活動同設施外，Club Med布吉仲有一啲收費嘅自選活動，就好似今次小編參加咗大象護理體驗一日團，同埋布吉大佛及古城半日遊等，行程會包晒來回交通， 視乎行程亦會包午餐，或有當地導遊帶團等。
▼大象護理體驗一日團
▼行程包來回交通，另外會先食午餐，再出發跟護理員幫大象準備主餐同生果小食。
▼過程中不會直接接觸大象，但可以近距離睇住大象進食同大象一齊散步。
▼布吉大佛及古城半日遊，了解泰國廟宇文化。
▼另外會帶大家去古城半日遊，可以係到行街買手信。
度假期間想全面放鬆身心靈，亦可以自費體驗度假村內嘅傳統泰式Spa (由柏姿PAYOT經營)，提供各種泰式按摩和精油按摩體驗，將平日緊繃身體釋放全身放鬆。
▼Club Med 布吉柏姿PAYOT Spa水療中心
Club Med｜入住感想
今之入住Club Med 布吉5日4夜，過咗一個”泰”悠閒度假之旅，時間過得好快，真係唔夠時間體驗所有活動！好多人會認為Club Med 住宿費用比一般resort稍高，但仔細計算，由入住一刻住宿、所有餐飲、不同體驗課程、每晚表演同無限酒水都係免費供應，未必每間resort都可以提供精緻全包式假期體驗，就會知道Club Med 仍然相對有競爭力。
Club Med Phuket
- 地址：3 Kata Road Karon S-D, Mueang Phuket District, Phuket 83100泰國 (地圖)
- 電話：+6676330455
- 網站：Club Med Phuket
特別嗚謝：Club Med
為了提升度假體驗，Club Med 布吉島度假村已完成第一階段住宿空間翻新。將於2024年3月10日至2025年3月30日開始第二階段翻新工程。施工期間，部份設施或會關閉及暫停使用。