之前小編就介紹過斐濟嘅靚酒店/度假村 同埋機票優惠，唔少fans 都想我地講下斐濟行程推介，今次就滿足下大家啦！去得斐濟玩，當然就唔會淨係留係楠迪或者主島，話哂斐濟都係太平洋著名嘅島國，一定要去下其他外島玩下！小編就幫大家Plan一個6日跳島之旅！玩轉斐濟多個外島！
斐濟自由行攻略｜6日跳島之旅行程推介，一日一島玩轉斐濟
識玩嘅你，去斐濟旅行當然要玩埋外島，話哂斐濟都係太平洋著名嘅島國嘛！小編就幫大家Plan一個6日跳島之旅！玩轉斐濟多個外島！
斐濟機票優惠
去旅行，三軍未動，機票先行！當然要訂咗機要先！有提供香港直飛斐濟楠迪嘅就只有斐濟航空，最近亦有推出限時優惠，直飛楠迪$4,700 起 (連稅$5,543 起)！仲可以經楠迪轉機去其他太平洋島國，例如薩摩亞、東加、萬那杜等！另外經楠迪轉機飛澳洲悉尼同新西蘭奧克蘭$4,750 起(連稅悉尼$5,921 起，奧克蘭$5,737 起)
斐濟航空香港至楠迪航班時間 (10月1日起至12月3日逢星期一/四/六/日，12月3日起逢星期一/三/四/六/日)
- 去程：FJ392 16:55-07:05+1
- 回程：FJ391 08:20-14:50
【優惠日期】即日起至10月31日
【旅遊日期】即日起至2024年6月30日
▼ 經我們測試，10月9至16日，斐濟航空直飛楠迪$4,700 起 (連稅$5,543起)
事前準備及需知
斐濟入境需知
香港人去斐濟旅行就唔需要申請簽證，不過斐濟對於食品入口方面有相當嚴格嘅要求，入境時如果你有攜帶任何食物，就需要填表申報，而肉類、海產、蛋、乳製品、花生、果仁、蔬菜、水果就嚴禁帶入境喇！
斐濟消費
斐濟主要可使用嘅貨幣為斐濟元(FJD)，如果唔得閒去搵找換店唱錢，記得開海外提款功能，去到機場用ATM拎錢啊！當然楠迪市內嘅找換店匯率會比較好同無手續費，建議大家出發前先換定美金，然後再去當地兑換就比較好！
斐濟交通
楠迪為於斐濟最大主島維提島(Viti Levu)，島上主要交通為的士及巴士，巴士對於唔熟悉斐濟嘅旅客嚟講有啲復雜，建議大家乘搭前請教酒店職員。而的士亦有按跳錶收費及一口價方式，上車前要先同司機確認啊！至於去玩斐濟咁多個外島，交通方式大多數都需要靠坐船或者乘搭斐濟航空旗下嘅Fiji Link。如果坐船的話，小編建議可以買張Bula Pass，性質就好似日本嘅JR Pass咁，一張Pass可以於數日內乘搭指定船公司前往各外島或度假村嘅航班。價錢由FJD509 起(約HK$1,760左右)，日數可選5日至15日。
斐濟網絡
出發前可以搵下有邊間旅遊SIM卡公司可以係斐濟使用，或者去至機場都有可以全國使用嘅SIM卡購買。
6日跳島之旅行程
第一日 – 楠迪市內遊
如果你乘搭斐濟，除咗可以直飛楠迪之外，仲可以朝早7點就到埗。第一日時間非常充足，可以留係楠迪住一晚同埋鄰近地方都有唔少活動同體驗大家可以參加！
Zip Line Nadi 雨林飛索
斐濟又點只精彩水上活動，陸上活動都一樣刺激好玩，南迪附近就有得玩！南迪雨林飛索一共有16段，一段比一段高，一段比一段刺激，可玩足3 小時，最特別嘅係途中會進入洞穴內，探險了解古代食人族生活！
▼ Zip Line Nadi 叢林飛索
辛加東加河巡遊
▼ 辛加東加河巡遊
第二日 – 跨塔島 Kuata Island
跨塔島 Kuata Island 係亞薩瓦島Yasawa Island 中距離南迪最近嘅一座外島，呢到有風光明媚嘅沙灘之外，亦都係非常出名嘅鯊潛勝地！
喚醒鯊魚潛水
第三日 – 瑪瑪努卡群島Mamanuca
瑪瑪努卡群島 Mamanuca 嘅海灘同日落都係舉世聞名，呢到亦都係新手學潛水嘅勝地同埋熱愛衝浪人仕嘅天堂！如果你去斐濟旅行一心係想去玩各種水上活動的話，瑪瑪努卡群島一定能夠滿足到你！
馬拉馬拉海灘俱樂部 Malamala Beach Club
馬拉馬拉係世界上第一個島嶼海灘俱樂部，被斐濟嘅清澈海水環繞，離丹娜拉港僅 25 分鐘船程。係呢到只要購買通行證就可以體驗各種水上活動，例如浮潛、划艇及直立板等。係俱樂部內嘅泳池更加可飲住雞尾酒，欣賞太平洋壯麗嘅日落！
▼ 馬拉馬拉海灘俱樂部 Malamala Beach Club
Cloud 9 海上酒吧
係斐濟最Chill 一定係飲住一杯Cocktail，一邊吹住大平洋海風，曬住太陽放鬆一下！Cloud 9係一間漂浮在馬洛洛島附近嘅羅羅礁(RoRo Reef)嘅一間海上酒吧，由丹娜努港只係15分船程，除咗可以飲下酒食下野之外，仲可以係甲板上跳落大平洋海裡面游水及浮潛！
▼Cloud 9
第四日 – 提霧瓦島 Tivua
距離大約1個鐘船程嘅提霧瓦島Tivua，因為地型似心型，所以又有心型島之稱。提霧瓦島係一個私人島嶼，周圍環繞著白色沙灘同500英畝珊瑚花園。島上有各種各樣的活動可供選擇，絕對適合每個人，例如浮潛、直立板、划艇水肺潛水。
帆船遊
前往提霧瓦島可以選擇坐帆船前往，一邊吹住舒服嘅太平洋海風，一邊欣賞沿途各個小島嘅風景，相當之寫意！船上更加可以聽到原住民自彈自唱作為歡迎禮！
PADI五星潛水中心
提霧瓦島島上有PADI五星潛水中心，對於熱愛潛水嘅你，就可以放心跟住潛水教練探索一下精彩嘅斐濟水底世界！
第五日 – 坎達武 Kadavu
大星盤礁潛水
全球最大的堡礁之一嘅大星盤礁(The Great Astrolabe Reef)擁有60多個潛點，吸引世界名地潛水好手前來，係魔鬼魚礁(Manta Reef)觀賞魔鬼魚，，係美樂岩石(Alacrity Rocks)自由暢泳，或者去奈科洛通道(Naiqoro Passage)漂流潛水。唔識深潛都可以去下浮潛㗎！
▼ 大星盤礁
海釣體驗
假如你喜歡釣魚，可以透過度假村預約海釣體驗，同釣魚隊一齊去到合法水域中釣魚。佢地會帶你垂釣藍棘金槍魚(Blue Marlin)、鯕鰍(Mahi-mahi)或太平洋旗魚(Pacific Sailfish)等海魚。唔少國際釣魚協會(IGFA)嘅最新世界紀錄就喺係坎達武誕生㗎！
第六日 – 爪瓦卡島 Drawaqa Island
位於斐濟西北部的爪瓦卡島 Drawaqa Island，每年5至9月都會均有很多巨型魔鬼魚Manta Ray游過小島外圍，唔少人都會專程前往，同魔鬼魚一齊浮潛！
