哈利波特fans有福了!東京哈利波特影城於2023年6月16日正式開幕,作為亞洲首座哈利波特影城,以後fans唔使去到倫敦咁遠,去日本都可以朝聖!小編為大家整理東京哈利波特影城嘅賣點、售票日期,仲有實測點樣買門票嘅教學!想去嘅話記住睇到最後!仲可以留意埋東京旅遊資訊,睇下東京有咩其他新景點!
目錄
東京哈利波特影城|官網及平台買飛攻略
想去東京哈利波特影城朝聖嘅話留意!門票於2023年3月22日,香港時間下午1點於官方網站開賣,門票價錢如下:
- 18歲以上成人門票:6,300日圓 (約$368)
- 12歲至17歲青少年:5,200日圓 (約$306)
- 4歲至11歲小童:3,800日圓 (約$224)
- 4歲以下:免費
另外Klook都有推出東京哈利波特影城門票+交通券優惠,可購買門票及連西武鐵道1日券、東京地鐵票-24小時或西武川越1日券套票,令東京一日遊行程更彈性。
- 門票及西武鐵道1日券 (成人) $426
- 門票及東京地鐵票-24小時 (成人) $415
- 門票及西武川越1日券 (成人) $409
▼Klook東京哈利波特影城門票+交通券優惠
之前門票公開發售首日,小編都有為大家實測點樣買門票!
▼Click入官方網站後,如果網站繁忙會出現呢個畫面,可以見到排隊人數以及預計等候時間,輪到你嘅時候就會自動跳轉去買飛頁面 (賣飛首日小編等咗三個鐘先入到去)
▼進入買飛畫面後,選擇你要嘅門票種類數量
▼選擇入園日期及時間
▼選擇是否需要加購額外項目,如不需要可直接按下一步
▼檢查購物車內商品是否正確
▼填寫個人資料
▼選擇付款方式,付款後收到確認電影即完成購票!
▼東京哈利波特影城門票
東京哈利波特影城
- 地址: 東京都練馬区春日町1-1-7 (地圖)
- 東京哈利波特影城官方網站
開園後首個聖誕節|聖誕點燈登場
東京哈利波特影城開幕後首個聖誕節! 由即日起至2024年1月8日,園區內外都會佈置聖誕裝飾,包括6米高嘅聖誕樹、金光閃閃嘅燈飾。最好嘅係,好多燈飾都設置喺影城入口前嘅空地,所以就算唔入場都可以影到,就好似「海格與小哈利波特雕像」、「守護靈藍色馴鹿」!而園區內嘅餐廳都有聖誕限定menu,哈利波特fans一定要去啦!
▼6米高聖誕樹
▼海格與小哈利波特雕像
▼守護靈藍色馴鹿
東京哈利波特影城|詳細介紹及超多打卡位
東京哈利波特影城位於練馬區,鄰近「豐島園站」,係繼Harry Potter Studio London後全球第二座哈利波特影城。影城選址於2020年結業嘅東京遊樂園「豐島園」,佔地近9萬平方公尺,預計遊覽晒成個園區需要約4小時。園區被劃分為14個購物及餐飲主題區域,更設有全球最大嘅哈利波特專門店。
▼東京哈利波特影城
影城內將會展示大量電影場景、戲服、道具,將哈利波特嘅魔法世界還原,包括最具標誌性以及代表性嘅「九又四分之三月台」的主場景,配合現場影音效果,就好似置身電影世界一樣,相信fans一定有排打卡!園區內仲會有互動設施,俾遊客體驗魔法之旅。
▼九又四分之三月台
▼斜角巷
▼學院餐廳
▼騎士公車
▼英國魔法部
▼英國魔法部
▼英國魔法部
▼互動設施
同Harry Potter Studio London一樣,東京哈利波特影城著重於還原魔法世界,以呈現電影片場、製作道具及服裝為主,因此同一般嘅主題樂園有所不同。如果想玩機動遊戲或追求刺激體驗,可能日本環球影城會比較合適。
▼電影戲服
▼道具魔杖
▼電影道具
▼霍格華茲模型
呢度仲有全世界最大嘅哈利波特專門店,記得預留時間瘋狂Shopping!另外,仲有以哈利波特為主題嘅餐點。
▼周邊商品
▼主題餐點
▼主題餐點
豐島園站、西武池袋線池袋站變身主題車站
東京哈利波特影城所在嘅豐島園站,以及作為主要交通站嘅西武池袋線池袋站,分別以「倫敦國王十字車站」、「活米村」為主題,變身成哈利波特主題車站!而車身印有哈利波特、榮恩、妙麗三位主角嘅專屬西武列車Studio Tour Tokyo Express亦已經啟航,大家記得去打卡啦!
▼豐島園站
▼豐島園站
▼西武池袋線池袋站
▼西武池袋線池袋站
▼Studio Tour Tokyo Express啟航
▼東京羽田機場旁邊嘅「羽田機場花園」(Haneda Airport Garden) 終於喺2023年1月31日開幕!呢度除咗有食店同商店,仲有2間高級酒店、天然溫泉、仲有直通日本各地嘅巴士總站,啱晒上機前最後血拼!
▼2月份嘅北海道札幌機場,見到唔少港人拎住心愛嘅滑雪板。主打一價全包既 Club Med Tomamu 距離札幌機場約3小時,機場每小時都有巴士直達酒店。Resort以多元化活動和特大面積作賣點,適合一家大小入住!