澳門旅遊資訊｜受「$0旅遊」影響，傳澳門賭場將不再提供免費食品及飲品｜或改為會員制或消費方可享用

澳門旅遊資訊｜最新澳門旅遊資訊｜內地有唔少小紅書用戶，為咗掌握流量密碼，不時分享教人用$0去香港或澳門旅遊，例如教人去澳門賭場拎免費雲吞麵同飲品，用香港政府早前派發嘅「香港夜饗樂」100元餐飲消費券，即日來回玩港澳。唔少大陸遊客都跟風$0遊，令唔少商舖生意大受影響。最近就有消息指，澳門政府要求各大博企停止係旗下賭場提供免費食物，有賭場更加考慮只向有消費嘅會員提供免費食物。實際措施就有待當局公布。睇嚟呢一個福利真係俾小紅書用戶玩爛咗！

澳門旅遊資訊｜受「$0旅遊」影響，澳門賭場將不再提供免費食品及飲品｜或改為會員制或消費方可享用

澳門媒體《亞博匯》引述消息指，澳門政府要求澳門博企停止提供免費小食，有指小紅書上盛行嘅「$0遊澳門」風氣令政府憂慮當地中小企生意大受影響。更有消息指，澳門賭場正考慮改為只向有消費嘅會員派發免費食物。近日有小紅書用戶紛紛表示有賭場已經開始停派免費食物同飲品，包括永利澳門限嘅免費「茅台Latte」及巴黎人嘅「金箔雪糕」。

▼繼早前「$0遊香港」熱潮後，唔少小紅書用戶跟風「$0遊澳門」

▼ 更有唔少詳盡影片介紹點樣免費玩澳門。