澳門宣布1月8日起取消香港入境人士無須出示核酸檢測證明，換句話說，終於正式開關啦！政策公佈後唔少往來香港澳門嘅交通工具都逐步宣佈恢復，相信好多人都迫不及待過澳門玩！澳門旅遊局仲推出賞你遊澳門優惠，預訂金巴港澳線/船飛/巴士買去程送回程！小編亦為大家整理咗4種最常見往返澳門交通方式及詳情介紹，另外仲有豪華商務七人轎車服務方便俾一班朋友或一家大細出入境！即睇內文啦！
【金巴港澳線、澳門船飛、巴士買一送一】
港珠澳大橋穿梭巴士 (金巴) 宣布，為響應澳門旅遊局往返港澳交通票優惠活動政策，推出港澳線“買去程送回程”優惠活動，鼓勵香港旅客來澳旅遊，條件是回程不可與去程同日，優惠限期由2月1日至至3月31日。每日名額有限，送完即止！
旅客須經網上或微信預先購票，成人車票$65，之後憑取票二維碼在大橋香港口岸現場取票，只可購買早上6時至午夜的班次，回程贈票最終可選日期為3月31日。活動對象只限持有效香港居民身份證人士，包括永久性居民和非永久性居民；優惠票不設任何形式之退票、改票、退款、更換或補發，不可轉讓、轉售或兌換現金。
澳門旅遊局表示，推出優惠是希望吸引香港居民到澳門，並鼓勵他們增加停留時間及消費，希助行業復蘇。另外噴射飛航、金光飛航及港澳快線都已參加了優惠計劃。另外為開拓香港旅客自駕遊市場，24小時通關的港珠澳大橋港澳口岸，並推出邊境大樓停車場免費泊車優惠。
香港熱線：(852) 3753 3888
香港熱線：(852) 2979 8778
香港熱線：(852) 2859 3333
香港熱線：(852) 2859 1640
香港熱線：(852) 3703 3981 / 2773 6998
【香港往返澳門4種最常交通方式比較】
根據不同情況，大家可以按照自己所處嘅位置以及經濟情況選擇合適的往返澳門嘅交通工具，以價格來講，搭乘金巴是性價比最高嘅一種交通方式，對於從外地坐飛機返香港嘅朋友來講，直接搭乘機場飛航快船前往澳門肯定是又方便又快捷！
| 金巴 | 港澳快線 | 噴射飛航 | 金光飛航 | |
| 出發地 | 香港口岸 | 太子 | 上環港澳碼頭 | 上環港澳碼頭 |
| 目的地 | 澳門口岸 | 指定酒店門口 | 氹仔客運碼頭 | 氹仔客運碼頭 |
| 車程 | 約40分鐘 | 約45分鐘 | 約55分鐘 | 約50分鐘 |
| 價錢 | $65 (日間) $70 (夜間) |
$160 $180 (夜間及公眾假期) |
平日$160 六/日/公眾假期$175 |
平日$159 六/日/公眾假期$173 |
| 優點 |
機場出發、價格便宜 |
直達酒店門口 | 市區出發 | 市區出發 |
| 缺點 |
市區出發較麻煩、需頻繁專車 |
車程較長 | 不適合暈船人士 | 不適合暈船人士 |
【如何搭乘】
【海路—金光飛航】
金光飛航宣佈1月8日起，恢復上環港澳碼頭來往氹仔客運碼頭航線。恢復初期每日只會提供6班船，航程約50分鐘，成人單程平日$159，六/日及公眾假期$173。
▼金光飛航
▼金光飛航班次及票價
【海路—噴射飛航 (上環出發)】
上環港澳碼頭⇒澳門氹仔碼頭
除咗金光飛航之外，仲有另一間公司提供海路前往澳門嘅服務，就係噴射飛航。應該係最為人熟悉嘅來往港澳方法之一。噴射飛航宣佈由2023年1月8日起，將會率先開通上環港澳碼頭往來氹仔客運碼頭航線，每日提供16個日航班次，復航初期每隔一個半小時一班船。船票已於1月6日中午開賣。船程約55分鐘，平日票價$160，星期六、日及公眾假期$175。
▼噴射飛航
▼噴射飛航班次
▼噴射飛航票價
【海路—噴射飛航 (香港機場出發)】
除咗由上環港澳碼頭出發之外，如選擇海路仲有另一條路線，就係由香港機場出發。位於香港國際機場嘅海天客運宣佈，2022年12月30日起恢復往來澳門氹仔客運碼頭航線，逢星期五及星期日，每日提供兩班來回海天客運碼頭及氹仔客運碼頭嘅快船服務，服務都係由噴射飛航提供。船程約70分鐘，須於兩天起於網上訂票，成人票價單程$270。
▼海天客運碼頭
▼海天客運碼頭班次
【陸路—金巴】
香港口岸⇒澳門口岸
俗稱「金巴」嘅港珠澳大橋口岸穿梭巴士係比較平，而且24小時營運嘅交通方法。金巴由香港口岸出發，所以必須先自行乘搭交通工具前往香港口岸，或者到機場轉乘巴士至口岸。去到香港口岸後則可乘搭金巴前往澳門，車程大概40分鐘。抵達澳門口岸後就可以自由發揮，換乘其他交通方式去自己想去嘅地方啦！金巴車費成人日間$65，夜間 (凌晨12點至早上6點) $70。不過要留意呢個價錢未包括自行去香港口岸嘅交通費用，以及到達澳門後由澳門口岸出返市區嘅車費。
▼港珠澳大橋口岸穿梭巴士 (金巴)
▼金巴宣布2022年12月17日起，香港往返澳門班次將會加密至每一小時一班。
【陸路—港澳快線】
太子上海街695號A鋪中港通門市⇒指定酒店門口
如果攜帶嘅行李比較多，或者唔想轉車嘅話，咁就坐港澳快線巴士啦！港澳快線宣布2022年12月24日起恢復營運，喺太子上車後直達澳門多間熱門酒店，例如威尼斯人、美高梅、新葡京、金沙，單程車程大概45分鐘。平日單程票價$160，星期六、日及公眾假期$180。
▼港澳快線
▼港澳快線班次時間表
【香港-澳門 港珠澳大橋轎車接送服務】
港珠澳大橋啟用後，穿梭香港、珠海、澳門三地的交通時間將銳減，不需要再繞經虎門大橋，行車時間僅需一小時左右。豪華車隊提供港澳兩地點對點接送 (包括機場接機服務)，所有司機經專業培訓並有多年駕駛經驗，確保旅程安全穩妥。根據客人的預約指示，會安排豪華商務七人轎車接送，客人可以透過簡便快捷的方式過關，準時到達目的地。車上更設有WIFI，並提供蒸餾水及當地的旅遊資料供客人使用。車輛每程會進行清潔，每天定期接受檢查和保養，包括進行臭氧消毒及為車輛作防菌保護，務求令每位客人有一個安心的旅程！
行程特色：
- 港澳私人專車接送服務、快捷點對點的服務
- 家庭／團體出遊最佳選擇
- 省去自行搭車、併車的麻煩
- 豐田Alphard / Vellfire 單程/來回接送，每輛車最多可坐乘客6人
- 費用包含港珠澳路橋費、隧道費、停車費
- 所有乘客需提前準備好通行簽證
- 包車服務無需換車，直達香港/澳門
- 產品僅限所選日期使用，逾期無效
- 出發地點：香港市區／機場/ 澳門
附加費用：
- 公眾假期需加收30%附加費 (元旦，年初一至年初三，清明節，五一勞動節，香港回歸日，中秋節翌日，國慶節，重陽節，澳門回歸日，聖誕節 (12月24-25日))
- 接送是點到點服務，若增加停站，會額外收取加點費用 (需在一小時內完成)
- 澳門：$200/點
- 香港：$300/點
- 等候費：如香港機場接機用車，按航班到達時間，60分鐘後計算; 其餘地點接送用車，等候費將在預定時間15分鐘後計算。等候費為$300/小時，當等候費產生後，等候不足一小時也按一小時收費。
澳門終於開關啦！喺開關首日小編已經迫不及待快閃去咗澳門一轉。由香港過澳門嘅方法有幾種，水路有噴射飛航、金光飛航等，陸路有金巴、港澳快線等。今次小編就選擇咗水路，為大家實測一下開關後嘅入境程序係點，以及需時幾耐！