卡塔爾自由行｜卡塔爾景點｜卡塔爾航空｜卡塔爾係好多人心目中，第一件事會諗起石油、世界盃同埋土豪。到底去卡塔爾玩又係咪只係得紫醉金迷嘅享受活動？當然唔係啦，小編早前就去咗卡塔爾玩咗幾日，其中一日行程就去咗卡塔爾附近嘅沙漠地區玩咗一日，有興趣想去卡塔爾玩嘅朋友，可以參考下小編嘅行程。
卡塔爾自由行｜遠離城市，沙漠一日之旅
要去卡塔爾嘅沙漠地區玩，小編第一件事就係建議大家可以去卡塔爾航空旗下嘅Discover Qatar 或其他旅遊平台預訂Local Tour。沙漠地區地勢複習，天氣千變萬化，遊客自駕遊基本上係無咩可能。報Local Tour 有專業嘅司機帶領，可以好好欣賞沙丘美景！ 而且又唔少人去卡塔爾可能都係因為轉機去歐洲， 轉機期間有多餘時間可以喺多哈玩返陣，Discover Qatar 可以由機場接你直接去沙漠，非常之方便！
▼ Discover Qatar 所便用嘅四驅車非常之新淨，即使每日都用嚟飛越沙漠，都盡力令車輛保持清潔。
卡塔爾人與沙漠
每逢週末，由多哈去沙漠嘅路上都會開始變得擠塞。 卡塔爾人平時週末都會 一家大細或者同三五知己去沙漠玩返一兩日， 佢哋會選擇揸露營車、去沙漠入面嘅營地或都搭帳幕露營(當然帳幕入面嘅設施都非常豪華)。 不過就算你幾有錢都好，沙漠係屬於卡塔爾政府，有錢都冇得買。 卡塔爾人只要向政府申請，就可以喺沙漠內一個地方用嚟搭建帳幕。
▼ 一路上你會見到唔少巨型嘅帳幕
正式進入沙漠地帶
經歷一個鐘頭左右嘅車程，身邊嘅景色慢慢由城市變做一片沙丘。過程中司機完全無依靠GPS導航，一直帶我哋穿越唔同沙丘到達Sealine沙漠。
小編知道呢一個沙漠之旅，一定唔係淨係坐喺車度望吓沙漠嘅風景，又或者落車打吓卡同玩吓沙！當然唔少得嘅就係司機導遊大show自己嘅駕駛技術，司機會特登駛至斜度最高嘅沙丘俯衝落嚟，同團嘅朋友一直無停過尖叫，不過小編就玩得幾開心！
▼ 有時更加會出現四驅車排隊俯衝嘅畫面
▼ 刺激過後，司機就帶我地去到一個高聳嘅沙丘頂，欣賞一下日落靚景。
▼影相時，遇到一個牧「 駝 」人帶住三進駱駝遊走沙漠。 當然你可以俾錢選擇騎駱駝， 但係小編就選擇近距離接觸一下就算(影相係唔使俾錢，大家可以放心影)。
▼ 然後司機再帶我地去另一個地方，沙漠竟然會有一個地方有海？原來卡塔爾嘅沙漠，係世界上僅有三個連接住大海嘅沙漠。呢到叫做內海 Khor Al Adaid，係聯合國教科文組織遺產地。有唔少卡塔爾人甚至係呢個海游水同釣魚添！至於身位香港人，當然係影下個日落同打下卡啦！
如果你有機會去卡塔爾旅行或者經卡塔爾轉機 ，可以考慮下預訂 Discover Qatar ，帶你去深度遊多哈！
特別鳴謝：卡塔爾航空、Discover Qatar