今次皇家汶萊航空Royal Brunei Airlines推出英國優惠，貼緊疫情前價錢，來回倫敦$2,862 起 (連稅$4,849 起)，包25kg行李，呢個價錢都飛倫敦都幾抵丫！不過去回程都要轉2次機，而回程個轉機時間就真係長得幾誇張，回程要喺斯裏巴加萬港留17小時，所以建議大家順便玩埋汶萊，汶萊市中心唔算多景點，一日就基本上行得完架喇！
汶萊皇家航空｜英國平飛！來回倫敦$2,862 起｜轉機去汶萊半日遊
皇家汶萊航空英國優惠，貼緊疫情前價錢，來回倫敦$2,862 起 (連稅$4,849 起)，包25kg行李，去回程都要轉2次機，而回程個轉機時間就真係長得幾誇張，回程要喺斯裏巴加萬港留17小時，所以建議大家順便玩埋汶萊，汶萊市中心唔算多景點，一日就基本上行得完架喇！提提大家可以先經官網搵咗平飛日子，再去trip.com預訂會平啲！
【出發日期】即日起至7月2日
【預訂日期】即日起至2024年4月26日(旺季及部分日子不適用)
▼經我們測試，乘坐汶萊皇家航空，10月5日至18日來回倫敦$2,862 起 (連稅$4,849 起)！
黎到倫敦點可以唔去波羅市集(Borough Market)呢！呢個市集係倫敦最古老嘅蔬果市場，已經有成200年歷史！由London Bridge站行過去勁近！多個攤檔主要售賣新鮮蔬菜、水果、海鮮、朱古力、芝士及面包，仲會搵到好多自家手作小食！而且有來自世界各地嘅熟食，好似英式美食蘇格蘭炸蛋、西班牙海鮮燉飯、德國香腸、甚至韓國fusion菜都食到！不過市集星期日休息，想避開人潮可以係星期六早上八點或平日十點後去！
雖然英國BBC電視台「新世紀福爾摩斯」共4季電視劇已一早完結，但熱愛佢嘅fans點都要行一轉經典拍攝取景場地朝聖嘅！其中喺倫敦最容易到達嘅幾個福爾摩斯景點，包括貝克街221B「福爾摩斯博物館」及「夏洛克福爾摩斯酒吧 (Sherlock Holmes Pub)」等，就算唔係big fans去到倫敦都不妨行一轉偵探之旅啦！
汶萊嘅國土面積相對較少，但卻係現存世界上，仍由蘇丹作為最高領袖嘅兩個國家之一，人均收入亦遠高於馬來西亞、印尼。今次嚟到呢一個保留濃厚宗教色彩，但又相對富裕嘅國家，小編都發掘到汶萊地道嘅一面。
汶萊夜晚有咩地方玩？當然唔可以錯過加東夜市掃街！加東夜市係汶萊最出名嘅夜市，又名「1元夜市」。故明思義，用汶幣1元 (約$6元) 就可以買到小食。夜市佔地廣闊，約有上百個攤檔，而且喺室內唔會受天氣影響。夜市以售賣燒烤嘅攤擋為主，其中最出名、最受遊客歡迎嘅小食就係烤雞屁股 (又稱「七里香」)。串燒價錢非常相宜，汶幣1元就可以買到4-6串串燒，非常抵食！
除咗燒烤外，夜市仲有好多售賣東南亞國特色甜品糕點，以及當地水果飲料嘅攤擋。另外亦有一啲乾貨攤檔，建議大家預留1-2小時行。加東夜市除咗係遊客掃街好去處，更加係當地人嘅食堂。由於售賣嘅食物價格相宜，唔少當地人放工後都會特登過黎買嘢食。大家可以喺度發掘最地道嘅汶萊人生活以及文化！
▼ 汶萊加東夜市
▼ 汶萊加東夜市
▼ 汶萊加東夜市
