越捷航空 Vietjet 推出龍年優惠！單程飛河內、胡志明市、峴港及富國島$0！不過暫時來回都有$0機票嘅只係得峴港(10月)同埋胡志明市(11月)，其他航點就只有去/回程有$0機票。來回連稅計峴港$914 起，胡志明市$1,041 起。如果有興趣咁多個月後去越南嘅話先至考慮下。
越南航空 Vietnam Airlines 推出河內優惠！3月中前出發，來回河內$712 起 (來回連稅$1,599 起)，價錢包23kg行李同飛機餐，算叫做抵！想近近地飛去玩幾日食碗牛河可以考慮下！記得申請埋越南E-visa啊！
澳門航空 Air Macau 將會推出旅遊博覽展限定買一送一優惠！優惠期間預訂多個航點，包括東京、大阪、首爾、台北、曼谷同內地，二人同行未連稅低至每位MOP$150 起！雖然澳門航空嘅航班唔算好密，但係如果心水日子香港出發較貴，都可以考慮搭船去澳門飛！澳門fans就仲正，唔洗再買船飛過香港搭飛機！
國泰航空Cathay Pacific 推出越南航線優惠，來回胡志明市 $1,579 起 (連稅$2,207 起)，來回河內$1,613 起 (連稅$2,262 起)！部份暑假日子出發都有平！雖然價錢無越南航空早前推出嘅暑假優惠咁平，不過航班時間上相對上就比較好，暑假去旅行可以考慮一下！
好耐無同大家介紹機票攻略啦，見近排有幾間航空公司飛返曼谷，小編一於重推平飛攻略，第一篇當然依然係港人熱愛既曼谷啦！文章下半部份，小編專登留返疫情前既平飛攻略，比大家feel下呢幾年既變化！
聽fans講宜家已經可以申請番e-visa！所以越南航空都推出下半年出發優惠呀！6月1日至9月24日出發，來回胡志明市/河內只需$653 (連稅計胡志明市$1,343、河內$1,354)，包埋23KG行李亦可以open jaw不同城市來回，7至8月暑假都有平飛！雖然有fans報料e-visa已無問題，不過都要留意返之後疫情新聞，或者計劃定遲啲出發保險啲！
HK Express 今個星期再接力推出激抵單程優惠！今次石垣島單程$68！其他航點$88呀！21年3月31日前出發 (視乎航點)，單程飛日本$68、韓國/台中/東南亞$88 起。來回連稅計石垣島$661、高松/長崎/廣島/鹿兒島/熊本$733、芽莊$788、台中$793、曼谷/布吉/清邁$872、大阪$961。仲首賣到下年3月，訂定遠期日子後出發啦！
越南航空終於又有優惠俾大家！出發日期去到12月，來回河內/胡志明市只需$614 起 (連稅計胡志明市$1,304、河內$1,326)！優惠可以open jaw，而且暑假一樣有平！訂定機票遲啲飛去玩喇！
！！！嘩！！！HK Express 今時今日推出全線單程$88優惠！星期一見到咁精神都醒啲呀！21年1月31日前出發 (視乎航點)，單程飛日本/韓國/台中/東南亞$88 起。來回連稅計高松/長崎/廣島/鹿兒島/熊本/石垣島$733、芽莊$788、台中$793、福岡$805、大阪$$961。真係接近年幾兩年未見過咁抵！咁抵真係訂咗先講啦！
今次Jetstar個新優惠堅係抵！5月31日前出發 (視乎航點)，Jetstar單程飛大阪$88、河內/峴港$108、新加坡/東京$188 起 (來回連稅計峴港$647、河內$686、大阪$716、東京$818、新加坡$920)！今次日本兩個航點都值得入手，大阪直情要搶添！
Newer Posts