終於等到啦!繼日本開關之後,另一個港人旅遊熱點台灣終於開關啦!台灣陸委會宣布2月20日正式會開關比香港人以自由行方式入境,唔使再以旅行團形式入境!咁耐無去台灣,大家仲記唔記得台灣機票大約咩價位?暫時有飛台灣航空公司包括國泰航空、香港航空、HK Express、大灣區航空、長榮航空及中華航空。文章下部份,特意留低疫情前台灣平飛攻略,比大家感受下。
長榮航空
大家最鍾意嘅長榮終於再開賣台北平飛喇!7月9日前出發,來回台北只需$728 (連稅$1,358),價錢包咗餐飲同30KG 行李。如果想星期四/五/六出發痴住weekend玩都係加多$127。小編都好想放假飛去快閃掃下地道小食呀!
長榮年底加開台北跨年平飛!限指定日子出發,來回台北只需$750 (連稅$1,252),價錢包咗餐飲同30KG 行李!跨年出發日子指定係12月29日去程,之後係20年1月3日或之後返就得,年尾可以快閃仲睇住台北101煙花倒數啦。
長榮出手減溫哥華線,宜家三千幾蚊就飛到去加拿大喇!2020年3月20日前出發,來回溫哥華只需$2,034 (連稅$3,605)!以飛加拿大嚟講,呢個價錢已經算係抵到不得了,仲要係坐五星長榮航空享受優質服務,兼且包咗2件23KG 行李添!優惠唔知賣到去幾時,想飛就快喇!
想啟程去睇世界遺産白川鄉合掌屋?遊覽埋日本三大庭園兼六園?坐長榮出發去小松啦!20年3月28日前出發,坐長榮航空來回小松只需$2,106 (連稅$2,674),票價包埋30KG 行李同餐飲!由小松出發去白川鄉/金澤都算方便同近,唔使下下經名古屋去!而且坐長榮仲可以自制一票兩地,揀個長少少轉機航喺台北出境食下野行街呀!
呢排都幾多長線優惠,終於都等到長榮出短線台北平飛喇!20年4月28日前出發,來回台北只需$820 (連稅$1,349),價錢已經包咗熱餐同埋30KG 行李,仲可以早去晚返添!如果星期四/五/六出發大約加多$150!雖然今次優惠比上次貴咗少少,但賣到去下年四月包晒成個櫻花季又唔同講法啊!
想搵平飛去澳洲,其實轉機都有唔少好選擇!今次有長榮推出咗超筍澳洲轉機優惠!20年6月19日前出發,來回布里斯班$1,350 (連稅$3,329)!雖然優惠無得中停台北,想出去行個圈就要揀轉機時間長嘅航班,而長榮包埋30 KG 寄艙行李同飛機餐都夠哂買野!去布里斯班就一定係要去龍柏動物園餵袋鼠同親親小樹熊,除咗可以抱起樹熊影相,仲有相片留念好有紀錄價值架!
呢排啲美國機票真係平得幾誇張下,小編發現坐長榮一樣有平啊!20年3月31日出發,坐長榮航空來回洛杉磯/三藩市只需$1,350 起 (連稅計三藩市$3,282、洛杉磯$3,290)!今次優惠價錢比之前平咗幾多下,已包咗30KG 行李,仲可以揀個轉機時間長啲嘅航班出台北掃下街添!
想平飛去白川鄉,長榮有優惠俾大家!12月4日前出發,坐長榮航空來回小松只需$2,120 (連稅$2,716)!由小松去白川鄉同埋再遠啲嘅立山黑部都算幾方便,唔使下下經名古屋過去喇!雖然國泰有直航小松嘅季節性航空,但價錢長期高企,宜家喺台灣轉一轉機就平咗一半,超抵玩啊!
接近年尾無咩假,總會想快閃去幾日旅行!長榮今日推出台北平飛,係年尾12月20日前出發,來回台北只需$610 (連稅$1,252),包埋熱餐同埋30KG 行李!想早去晚返其實都只係加多$40,起碼玩足咁多日唔好蝕寶貴假期!另外星期四/五/六出發都係加約$139!想知訂購詳情就入黎啦!