終於等到啦！繼日本開關之後，另一個港人旅遊熱點台灣終於開關啦！台灣陸委會宣布2月20日正式會開關比香港人以自由行方式入境，唔使再以旅行團形式入境！咁耐無去台灣，大家仲記唔記得台灣機票大約咩價位？暫時有飛台灣航空公司包括國泰航空、香港航空、HK Express、大灣區航空、長榮航空及中華航空。文章下部份，特意留低疫情前台灣平飛攻略，比大家感受下。
(最後更新：2023年2月14日)
疫情令全球航空業大受影響，縱使近日放寬入境措施，但小編相信短期內價格仍會比疫情錢稍為上升一至兩成。小編抽出了台灣四個國際機場，比較疫情前後航空公司情況及價格變化 (以下顯示為來回連稅價錢，參考2月14日之數據)。
台北
台北作為台灣多個國際機場中最重要的樞紐，疫情前航班頻密次數幾乎每15分鐘一班，到現在也是最多航空公司經營的航線。 自從港龍航空結束營運後，HK Express承繼了港龍的航權，開通了台北航線，另外大灣區航空亦已開通台北線，加上本身國泰、港航、長榮、華航，總共有六間航空公司經營這條航線。
傳統航空公司包括國泰、長榮、華航每日提供大約三至四班航班，價錢以國泰最貴， 平均約$2,000至$2,200，所以短期內若推出優惠，$1,800是可入手範圍。另外留意華航由即日起至三月不定期提供比卡超限定航班。
這數年間，香港航空推出不包行李的「經濟飛」，變相令不太需要寄艙行李的台北Weekend trip，成本有機會下降。暫時港航和大灣區航空的票價大約在$2,000左右 ，價錢並不包括寄艙行李，對比傳統航空公司欠缺競爭力。反而HK Express在未開關前推出了數次優惠，來回價錢不包寄艙行李大約$1,400 ，屬可接受範圍。
台中
在港龍結束營運後，HK Express成為獨家經營台中的航空公司，推出優惠時來回價錢不包寄艙行李大約$1,400，屬可接受範圍。讓我們看看中華航空會否復飛台中線。
高雄
之前一直由中華航空和港龍航空經營高雄線。在港龍結束營運後，國泰承接了港龍的航權；華航將於3月1日起會復飛香港至高雄航線，暫定每日一班。兩間傳統航空價錢平均約$2,000至$2,200，所以短期內若推出優惠，$1,800是可入手範圍。HK Express推出優惠時來回價錢不包寄艙行李大約$1,400，屬可接受範圍。
台南 / 花蓮 / 其他
疫情前，中華航空同HK Express分別有飛台南同花蓮，但因為種種原因，呢兩個航點都相繼無左，睇下黎梗會唔會有機會復飛。另外，2019年疫情尚未爆發時，前長榮家族成員於台灣創立主打精品型的星宇航空， 暫時已復飛澳門至台北線，我們看看有沒有機會飛來香港吧。
另外，國泰、華航和HK Express因為在台灣有多過一個航點，暫時三間航空公司容許Open jaw，即在不同城市進出。而若希望在台灣停留較長時間，可選用HK Express，因為價錢以逐程計算，停留時間長短不會影響價格。
另外若以里數兌換國泰航班的話，最抵換係用英國航空Avios或國泰航空Asia Miles。申請HSBC EveryMile信用卡，除咗首年免年費，宜家成功申請並喺首60日內簽夠$8,000，新客戶就可以賺到$800「獎賞錢」(相等於16,000飛行里數)，已經足夠換到來回台灣機票啦！
以下為疫情前台灣平飛攻略 (只作參考)
(最後更新：2019年12月18日)
注：以下所提及的價錢為來回連稅價錢，及未包廉航寄艙行李費，以淡季作標準。價錢及建議是小編個人之經驗，只作參考用途。
最低價：過去一年以來嘅最平價錢，可遇不可求。
入手價：搵機票個陣見到呢個價都叫做唔錯，買得過。
正常價：平時無優惠做緊嘅正常價錢
自從上年11月頭加咗燃油附加費後，台灣嘅機票可以話係首當其衝，之後一直都無咩點平過！最平已經係五月嘅時候港航連稅齊頭一千蚊平飛，再見唔到幾百蚊嘅平飛喇！不過就算有……大家可能都未必敢坐啊！講返港航平常優惠價錢約$1,200左右，而且行李加咗有30KG行李，航班時間差唔哂可晚去晚返。
不過想坐得安心啲嘅，坐兩間台籍航空公司都唔使加好多！好似長榮就試過平到去連稅$1,150吸客！航班時間有好多選擇，仲可以早機去晚機返添！平時優惠價都係喺$1,250至$1,350之間！而且由七月開始，台港線仲採用返Hello Kitty機！至於中華航空價錢上就相對穩定，一般都係維持喺千三內，就算優惠都唔會減到好多，今年最平都係去到$1,201！
至於國泰/港龍今年就無咩聲氣，一般都要千四千五蚊，貴其他對手二百蚊左右！最平去到$1,299咋！
至於高雄線就只有華航及國泰港龍航空執飛，相對會比較少優惠，華航優惠價千三左右，係得一次賣得平過千二，連稅$1,178！至於港龍計埋Fanfares都只係出咗五次優惠，全部都係連稅千四多啲，最平$1,467！
台中機票比以前貴咗好多呀！以華航為例子，之前機票價錢拍得住台北咁平，不過今年最低價都要$1,299，差一蚊失守千三大關！而港龍直頭無出過任何優惠。建議大家可以open jaw唔同城市來回，例如台北入、台中走，玩多個城市又唔會貴好多！
而廉航HK Express更加令人失望！以前可以平到去連稅$510，宜家最平最平都要$704，平時平過一千蚊已經算係抵可以入手喇！
台南得華航獨市直飛，一向都好少有平，最平已經係5月時嘅來回台北/台中/高雄/台南只需$650 (連稅$1,299)，平時入手價預$1,400左右！有時間嘅話可以搭華航open jaw玩埋呢個城市啊！
***結論
1) 買至平嘅台北機票，最抵嘅仍然係港航，不過佢呢排實在太多傳聞，小編覺得唔係特別抵就唔好搏喇！
2) 長榮/華航/國泰都有全年優惠，如果提早買定飛一般價錢都會幾好！長榮近排可以捕下佢啲Last minute優惠，有時都有驚喜架！
3) 環台遊，只需要留意華航及國泰/港龍，得佢地可以不同城市來回。去台灣悶悶地，可以玩下啲新地方！
4) 想遊台多過一星期，可以直接揀長榮/華航或HKExpress (視乎優惠而定)，其他兩間航空停留期限一般得2至7日。
其他平飛攻略：
搶先直擊！台北市面及夜市現況！
