去日本旅行，除咗要煩去邊個城市，揀邊間航空公司都係其中一個煩惱，事關有成7間航空公司可以揀，除咗傳統航空公司，仲有唔少低成本航空公司選擇。宜家去日本旅行最緊要慳時間、慳錢慳到盡，留返啲Budget嚟食買玩！邊一間航空公司及旅行模式適合自己嘅預算，今次小編就同大家比較一下各大航空公司嘅分別啦！
慳錢慳到盡｜彈性選擇票價、寄艙行李、揀位、餐飲等服務
去日本想慳錢可以選擇低成本航空公司或者混合型航空公司！兩者都會將多種服務分拆開，包括寄艙行李、揀位、餐飲等服務，令到最平嘅票種價格更平，對於去旅行樣樣要慳到盡嘅朋友，相當適合用呢種模式去旅行！
香港快運 HK Express 就提供多個組合，無論你係背包遊出走定瘋狂掃貨，都可以免卻混合型航空及傳統航空不必要的預設收費！燃油附加費較部分本地混合型航空平，亦可彈性選擇不同票價、加購幾多寄艙行李、揀位同餐飲等！
HK Express 仲會不定時推出優惠及用亞洲萬里通里數兌換優惠，俾大家用更抵嘅價錢飛日本！
▼以9月18至23日出發東京成田為例，如果去程早機喺機場食埋早餐，根本唔需要機上食飛機餐，就可以揀坐HK Express，比香港航空同日子平約HKD900。
▼又或者想係機上食少少野醫肚，預訂HK Express機票時都可以提前加購餐飲，包括有海皇粥店皮蛋瘦肉粥、港式小食套餐 (咖喱魚蛋+魚肉燒賣 + 維他檸檬茶)、港式經典雞蛋仔 (原味) 等，價錢約HKD20至HKD58。
▼ 香港快運 HK Express
另一間樂桃航空 Peach Aviation 為全日空ANA 旗下低成本航空公司，暫時只有提供香港直飛大阪航線。
樂桃最大賣點就係唔收燃油附加費，不過10月27日起推行新票價模式，最平嘅票價「Minimum」日本航段將會收取出票費，而最貴嘅「Standard Plus」由原本嘅2件20kg行李改為1件。所以推出優惠時，揀埋行李來回連稅大約要HKD1,700起，但想去回程靚航班時間每程要再加一百蚊不等！
▼ 樂桃航空 Peach Aviation
近年香港航空 Hong Kong Airlines 由原本傳統航空公司模式，轉為混合型航空公司 (Hybrid Carrier) ，基本票價唔再包寄艙行李同飛機熱餐服務 (今年於部分航點陸續恢復)。航點方面亦增加唔少日本城市，不時亦會營運季節性航班，直飛獨家航線，例如函館。
票價方面，港航相比其他航空公司平 (無論包唔包行李)，飛熊本有時仲平過飛台北，而且經常有Last Minute減價，啱晒慳錢一族同成日任性想飛嘅朋友！不過港航客機上無機上娛樂系統，部份客機座位 (經濟及商務艙) 一直被垢病整潔度同損壞。
▼ 香港航空 Hong Kong Airlines
最後講講大灣區航空 Greater Bay Airlines，同樣介乎於傳統航空及低成本航空之間，類似混合型航空公司 (Hybrid Carrier) 定位。
同其他低成本航空一樣，將寄艙行李及揀位等服務分拆售賣，唔同之處就係機上會提供一支飲用水，部分客機座位更加有USB叉電。所以項目價格透過燃油附加費包裝，相比起傳統航空及低成本航空，大灣區航空燃油附加費今個月仲要比其他本地航空公司貴HKD 100蚊，係最貴一間！
▼大灣區航空 Greater Bay Airlines
香港航空同大灣區航空都以類似混合型航空公司 (Hybrid Carrier)作為營運模式，兩間航空公司又有咩分別？小編幫大家簡單地做一個比較。
| 香港航空 | 大灣區航空 | |
| 優點 |
|
|
| 缺點 |
|
|
慳時間玩到盡｜邊間最多日本航線！航班早去晚返！
另一樣去日本梗係想慳時間玩到盡啦！話哂打工仔大假有限，又想用盡假期去多幾個景點玩到盡！
HK Express 同國泰就最多日本班次，日本各地本州主要城市都有齊！想慳時間當然要揀直航航班，避免轉機浪費時間。另一方法可以Open-jaw由唔同日本城市進出，玩多幾個城市玩到盡！
▼香港快運 HK Express 提供日本本州主要城市航點
另一點大家想慳時間，就梗係選擇最靚航班時間配合行程啦！例如早機或者凌晨機去程，可以最大化喺日本嘅時間，HK Express 同國泰嘅日本線班次去程都有早機或凌晨機 (視乎航點)，到埗後可以放低行李繼續行程，即日轉車去其他城市仲有大把時間玩！而樂桃嘅大阪線去程有凌晨及回程晚機航班，同樣深受想玩到盡嘅朋友歡迎。
部分航空公司現時提供快速登機服務，減少等候時間！好似HK Express，年滿11歲或以上旅客，就可以用手機app一站式全自助辦理登機及寄艙先導計劃。於航班起飛前48小時內至75分鐘前，用手機app辦理登機手續及登記使用「登機易」，並於航班起飛前24小時內至75分鐘前抵達香港國際機場H行段H19櫃檯後以全自助方式辦理行李寄艙手續，快人一步輕鬆辦理登機手續！
▼香港快運 HK Express 一站式全自助辦理登機及寄艙先導計劃。
唔駛諗輕鬆飛｜傳統航空公司全包式服務
國泰航空 Cathay Pacific
想輕鬆飛可以選擇全包式服務嘅航空公司，所有服務包括喺票價入面，而價錢都會相對上貴！例如行李、餐飲同娛樂設施等，都無需額外付費！
國泰作為香港規模最大嘅航空公司，日本航線方面，主要提供大城市直飛航班，航班數目及時間較好，推出優惠時連稅價錢大約2千中至3千就可以坐到。另外唔少香港人都有儲開亞洲萬里通里數，用嚟兌國泰或同屬寰宇一家嘅日本航空前往日本。
▼ 國泰航空 Cathay Pacific
日籍傳統航空公司有提供香港直飛日本嘅航班就只有日本航空 Japan Airlines 同 全日空 ANA，兩間航空公司都出名以服務質數而聞名。雖然價格算係中上級數，但兩間航空公司最近都做多咗優惠，大約3千頭就可以坐到。日本航空經濟艙包2件23kg行李，啱晒鍾意血拼嘅朋友。
▼ 全日空 ANA
總結
無論傳統航空公司抑或低成本航空公司都各有優勢，最重要係大家要按自己所需，而選擇適合嘅旅遊模式同航空公司！唔知大家去日本又最鍾意坐邊間航空公司呢？