東京絕對係香港人最愛嘅旅遊城市首位,一年起碼飛幾次東京!精打細算嘅你,當然會留意住航空公司推出嘅機票優惠,用最低嘅成本去最多次旅行!就以HK Express 為例,飛東京羽田單程都只係$568 起!仲可以收工坐夜機去,凌晨機返然後再直接返工!不過凌晨時份係東京有咩地方可以去,小編就為大家推介東京市區深宵好去處,等大家唔會浪費係東京嘅任何一秒!
東京攻略|坐凌晨機無有怕,東京市區深宵好去處推介
凌晨時份去到東京,到底有咩地方好去?小編就教你點樣用盡係東京嘅每分每秒!
東京平機票
HK Express 經常深夜推出「Gotta Go」優惠,而且推出新優惠頻率非常之高,上一次嘅東京優惠,單程都係$488 起!記得留意住HK Express Facebook專頁 同官網,一有優惠推出就去搶飛!就算平時無優惠,坐HK Express 都係經濟之選!單程飛東京(羽田) $568 起!
小編就就鐘意飛羽田嘅航班,因為可以收工即刻去機場,坐夜晚機去,然後坐凌晨機返香港再返工,慳返啲假之餘又可以玩到盡!而且羽田機場比較近市區,深夜去到就算book機場接送服務或都坐的士都比成田平!
▼ HK Express 羽田機場航班時間
▼ HK Express 東京機票價格
東京深夜好去處推介
羽田機場 – 泉天空之湯
2023年開幕,連接羽田機場第三航廈嘅新商業大樓「HANEDA AIRPORT GARDEN」,除左有商店街同機場酒店之外,仲有一個人氣露天天然溫泉「泉天空之湯 羽田機場」,呢個露天溫泉位於頂樓,係日本首個機場露天溫泉!男湯「銀翼之湯」可以一路浸,一路望著飛機升降;而女湯「富士見之湯」仲可遠望富士山靚景。除左露天溫泉外,亦都設有室內溫泉、按摩浴池、桑拿同岩盤浴等等。最重要嘅係,泉天空之湯係24小時營業,無論落機或者上機之前都可以去浸下溫泉,夠晒relax又可以消磨時間!
▼ 男湯「銀翼之湯」
▼ 女湯「富士見之湯
泉天空之湯 羽田機場
- 營業時間:24小時
- 一般價格:成人 4,800日圓,兒童 2,000日圓
深夜價格:成人 4,000日圓 (凌晨1時至翌日5時) - 泉天空之湯 羽田機場網站
澀谷橫丁
凌晨機去到東京,最重要係醫下個肚仔!不過夜媽媽,有咩餐廳會開到咁夜?位於宮下公園南街區一樓嘅新興人氣地標 – 澀谷橫丁就最適合不過!呢到24小時營業,仲有多間提供日本各地特色美食嘅餐廳,總有一間可以滿足你嘅五臟腑!小編就推介大家去「魚利善」食下佢地嘅海鮮丼!
▼ 澀谷橫丁
▼ 澀谷橫丁 地圖
澀谷橫丁
Maruetsu 24小時超級市場
去得東京又點可以兩手空空返去?不過坐凌晨機返香港,又有無地方可以last minute 買手信?小編推介大家可以去Maruetsu 超市,特別係想買日本生果返香港做手信或者自肥!Maruetsu 係東京有幾間分店 ( 渋谷、新宿及上野店等) 係24小營業,玩到幾夜有隨時可以買手信!Maruetsu除咗生果之外仲有好多唔同種類嘅貨品,雖然無得退稅,但係價錢相當親民,真係會買到回程要買多件行李先夠擺!
▼ Maruetsu 24小時超級市場
▼ Maruetsu 24小時超級市場 必買超平士多啤梨
Maruetsu 超級市場
- 營業時間:24小時(部份分店)
- Maruetsu 24小時超級市場分店地址
EST 澀谷東口會館
去旅行最怕撞正天氣不似預期,凌晨時份落起大雨,真係唔知道去邊好!不如去EST 澀谷東口會館玩返陣!呢到有得玩保齡球、桌球、乒乓波同掟飛鏢等,保齡球場仲開到凌晨5點!成班朋友一齊玩夠去機場就最啱啦!
▼ EST 澀谷東口會館
▼ EST 澀谷東口會館 保齡球場
EST 澀谷東口會館
- 營業時間:11:00 am – 05:00 am
- 地址:150-0002 東京都渋谷区渋谷1丁目14−14 (地圖)
- EST 澀谷東口會館網站