澳門銀河集團雲集8間奢華酒店，包括澳門悦榕庄、銀河酒店、澳門大倉酒店、澳門JW萬豪酒店、澳門麗思卡爾頓酒店、百老匯酒店，8月16日正式試業的澳門銀河萊佛士酒店及9月15日正式開幕的澳門安達仕酒店，亦可經官網正式預訂！唔單止有多間星級酒店可以享受，盛夏炎熱嘅天氣最適合到天浪淘園嘅空中衝浪池游泳，仲有銀河影院同百老匯美食街等多個餐飲、娛樂設施俾大家享用！
澳門安達仕酒店 Andaz Macau｜9月15日正式開幕！結合藝術時尚生活酒店
澳門安達仕酒店Andaz Macau將於9月15日正式開幕，是一間結合藝術的時尚生活酒店，並設有專供大型會展及旅行團辦理入住手續嘅大堂、超過700間客房及套房，面積約34至64平方米，另設有安達仕酒廊/酒吧、健身中心、19米室內恆溫泳池等。酒店所處嘅位置更可以直達銀河國際會議中心及澳門銀河綜合渡假城，賓客可以前往暢玩不同嘅娛樂設施。澳門安達仕酒店以安達仕格調為主，並嘗試將商務及休閒旅遊結合，為賓客帶黎無與倫比嘅服務體驗！
澳門安達仕酒店官網已經開放9月18日起預訂，每晚MOP1,498 起 (連稅MOP1,723 起)。仲有開幕驚喜套票連雙人自助早餐、開篷巴士體驗、澳門特式禮品、葡撻及本地特色啤酒等MOP$1,698 起 (連稅MOP1,953 起)。而酒店屬於World Of Hyatt Category 4，用積分兌換淡季為12,000分、旺季/標準日子15,000分，如會員有Category 1-4免費住宿券亦可以入住！>>詳情
▼澳門安達仕酒店將於9月正式開幕
▼澳門安達仕酒店提供700間精心設計的客房和套房
澳門安達仕酒店 Andaz Macau
澳門銀河萊佛士 Raffles at Galaxy Macau｜全新奢華酒店8月16日即將試業
提供全套房澳門銀河萊佛士Raffles at Galaxy Macau，即將於8月16日正式試業，共提供約450間套房，面積由78平方米至228平方米。客房浴室備品有法國Maison Caulières洗護用品，亦會安裝65寸三星畫框電視同互動裝置，房間摩登格調經典設計，務求為賓客帶黎更加個性化嘅住宿體驗。酒店内也將設有奢華水療中心以及由日本米芝蓮星級大廚主理嘅特色餐廳。澳門銀河萊佛士設有多款奢華設備為賓客打造超凡體驗，即使足不出戶也可享受一站式嘅奢華綜合度假服務。>>詳情
▼澳門銀河萊佛士酒店即將在8月16日試業
▼萊佛士大堂吧
▼尊貴全景套房
▼無邊際泳池
澳門銀河萊佛士 Raffles at Galaxy Macau
澳門悅榕莊 Banyan Tree Macau｜唯一擁有獨立度假別墅豪華酒店
澳門悅榕莊位於銀河渡假村內，作為澳門五星級酒店之一，曾經被福布斯評選為擁有三重五星的酒店，包括擁有頂級嘅房間、餐廳及水療中心，係澳門唯一擁有獨立度假別墅嘅豪華酒店。酒店最基本嘅房型都係一房一廳，每間套房內都配有一個類似小泳池或小溫泉一樣嘅「悅心池」。除咗基本套房之外，不得不提嘅就係擁有私人泳池嘅別墅套房，超豪華嘅私人池畔小屋加上私人Spa房，即使身處熱鬧非凡嘅銀河度假村內也能盡享私密時刻！»優惠詳情
▼澳門悅榕莊擁有頂級嘅房間、餐廳及水療中心
▼酒店提供最基本嘅房型都係一房一廳
▼別墅套房擁有超豪華嘅私人池畔小屋加上私人Spa房
澳門悅榕莊 Banyan Tree Macau
澳門銀河酒店 Galaxy Hotel｜自家獨立品牌！金碧輝煌貴氣感酒店
澳門銀河酒店Galaxy Hotel係銀河度假村內嘅另一家五星級酒店，係澳門銀河三間五星級酒店中嘅自家獨立品牌，由香港名師陳幼堅負責客房嘅室內設計同浴室用品設計。酒店提供1,307間客房及142間豪華套房，包括皇室套房、御苑、貴賓套房、銀河套房等。房間內先進設備及豪華配置一應俱全，整體裝修風格俾人一種金碧輝煌嘅貴氣感。酒店一入去就係華麗漂亮嘅鑽石大堂，有機會仲可以見到高達3米的璀璨巨鑽「運財銀鑽」係水幕中緩緩旋轉而下添！»優惠詳情
▼澳門銀河酒店係澳門銀河三間五星級酒店中嘅自家獨立品牌
▼房間內先進設備及豪華配置一應俱全
▼酒店提供1,307間客房及142間豪華套房
澳門銀河酒店 Galaxy Hotel
澳門大倉酒店 Hotel Okura Macau｜日式樸素雅致風酒店
澳門銀河度假村同日本大倉酒店集團共同合作締造咗糅合現代同傳統特色嘅澳門大倉酒店Hotel Okura Macau。酒店整體裝修風格走日式樸素雅致風，約有四百多間客房及套房。入住後如果有需要仲可以享受免費嘅「開床服務」，還會放置一隻紙鶴，據說是由酒店員工親手以和紙摺成。酒店仲設有四間特色餐廳，包括以西式海鮮為主嘅「和庭餐廳」、以粵菜為主嘅大倉宴會室、以傳統會席料理為主打嘅「山里」日本餐廳同主打日式輕食及和風菓子下午茶嘅「奈和美」。»優惠詳情
▼酒店風格走日式簡約風，提供超過五百間客房
▼住客入住後可收穫紙鶴，因為在日本這個代表一種對顧客嘅祝福
▼酒店設有四間日式和粵式嘅特色餐廳
澳門大倉酒店 Hotel Okura Macau
澳門JW萬豪酒店 JW Marriott Macau｜亞洲最大嘅JW萬豪酒店
於2015年5月於澳門銀河度假村內開幕嘅澳門JW萬豪酒店JW Marriott Macau係亞洲最大嘅JW萬豪酒店，擁有超過一千間客房同套房，面積約45至288平方米。酒店整體風格簡約又不失高貴，一入去大堂就可以見到一盞兩層高嘅水晶吊燈，加上恰到好處又無微不至嘅酒店服務，賓客一定可以係JW Marriott Macau享受到恬靜高貴嘅住宿體驗。»優惠詳情
▼酒店擁有超過一千間客房、套房
▼部分套房擁有寬廣嘅客廳
▼澳門JW萬豪酒店係亞洲最大嘅JW萬豪酒店
澳門JW萬豪酒店 JW Marriott Macau
- 地址：澳門路氹城望德聖母灣大馬路 (地圖)
- 電話：+853 8886 6888
- 澳門JW萬豪酒店官網
澳門麗思卡爾頓酒店 The Ritz-Carlton Macau｜設計代表澳門昔日建築特色
同澳門JW萬豪酒店一樣，屬於澳門銀河二期嘅澳門麗思卡爾頓酒店The Ritz-Carlton Macau，是一家全套房式嘅酒店，擁有超過230間套房，面積約85至137平方米。擁有米芝蓮星級中餐廳麗軒、充滿情調的傳統法式小館麗思咖啡廳、及位於51樓的著名酒吧麗思酒廊。無論係酒店嘅整體風格定係套房內嘅裝修設計都俾人一種奢華氣派中又不失低調沉穩嘅舒適感，細心觀察嘅你仲會發現酒店內嘅設計多以藍白色調嘅青花瓷磚(Azulejo) 畫裝飾為主調，據說代表咗澳門昔日嘅建築特色。»優惠詳情
▼酒店擁有超過230間套房
▼套房內嘅設計俾人奢華又不失低調沉穩嘅舒適感
▼細心觀察會發現酒店嘅設計以藍白色調嘅青花瓷磚為主，代表咗澳門昔日嘅建築特色
澳門麗思卡爾頓酒店 The Ritz-Carlton Macau
- 地址：澳門路氹城望德聖母灣大馬路 (地圖)
- 電話：+853 8886 6868
- 澳門麗思卡爾頓酒店官網
百老匯酒店 Broadway Hotel Macau｜銀河系列旗下嘅精品酒店
同銀河系列酒店有一街之隔嘅百老匯酒店Broadway Hotel Macau，前身為金都娛樂城。由於酒店規模較細，百老匯酒店主打精品路線。儘管如此仍屬於銀河系列旗下嘅一員，所以百老匯嘅住客同樣可以前往「天浪淘園」遊玩。百老匯酒店同百老匯舞臺兩棟建築之間有條百老匯美食街，除咗遠近馳名嘅小食之外，不定時仲會有熱鬧嘅街頭表演添！»優惠詳情
▼百老匯酒店規模較細，仍屬於銀河系列旗下嘅酒店
▼客房雖然較細，但還是有配置小客廳
▼百老匯酒店主打精品路線，不失貴氣
百老匯酒店 Broadway Hotel Macau
澳門銀河度假村娛樂設施
講到銀河度假村就一定要提「天浪淘園」啦！天浪淘園占地75,000平方米，擁有全球規模最大嘅空中衝浪池以及全球最長575米嘅空中漂流。其他設施仲包括3條天機滑水梯、人工沙灘以及專為小朋友而設嘅「童樂島」等。園區內也設有多家酒吧、咖啡廳以及服裝店等休閒購物場所。
▼「天浪淘園」有一個人工沙灘
▼天浪淘園擁有規模最大嘅空中衝浪池、最長嘅空中漂流道等
除咗著名嘅「天浪淘園」之外，銀河度假村仲有好多令人流連往返嘅好去處，例如澳門最豪華嘅3D影院「銀河影院」、擁有多家時尚品牌嘅二期商場「時尚匯」、熱鬧嘅「百老匯美食街」同「百老匯舞臺」等等！
▼銀河影院係澳門最豪華嘅3D影院
▼紅伶 (臨時暫停營業直至另行通知)
另外，澳門銀河綜合度假城也都擁有全澳門最奢華及最全面嘅Spa設施，例如澳門麗思卡爾頓水療中心、澳門悦榕Spa及悠然自足按摩中心。賓客可以係度假城内探索各種特色Spa，並享受每一種度身訂造嘅水療體驗！
▼銀河度假村有多家奢華及設備全面嘅Spa設施
▼賓客可體驗各種特色Spa
澳門銀河也都為小朋友及家長特設玩樂設施，例如JW兒童樂園、銀河酒店「童」樂坊，令小朋友可以係度假城入面有一個歡樂及難忘嘅回憶！
▼度假村內有多個為小朋友而設嘅玩樂設施
相關優惠：澳門哈利波特展覽｜亞太區首個！12月15日登陸澳門倫敦人｜哈利波特及怪獸與牠們的產地場景佈置、舞台劇場景
澳門銀河度假村是位於澳門路氹城塡海地段的五星級綜合渡假城，除了有多家酒店可選，裡面還有很多種類的娛樂設施，是一個適合一家大小度假的地方，大家可規劃2天1夜或3天2夜的行程。