最新出爐！日本紅葉見頃預報有得睇喇！因為今年天氣比較熱，所以連紅葉見頃嘅預測日子都稍微推後咗，暫時札幌最早，11月頭就見頃，東京、大阪、名古屋為12月頭，福岡為12月中。大家如果今年想去日本賞楓又未買機票嘅話，記得留意返見頃嘅日子啊！
目錄
日本紅葉2023｜最新紅葉見頃預報｜札幌11中、東京、大阪、名古屋12月頭、福岡12月中！
根據日本氣象株式會社公佈嘅紅葉見頃預測圖，因為今年氣溫比往年熱，所以推測今年見頃日子都會受到影響而推遲。暫時札幌最早，11月中就見頃，東京、大阪、名古屋為12月頭，名古屋為12月中。
▼2023年紅葉預測
除咗主要大城市外，其他地區日子如下：
| 城市 | 預計紅葉見頃日期 |
|---|---|
| 札幌 | 11月13日 |
| 青森 | 11月16日 |
| 仙台 | 11月30日 |
| 東京 | 12月1日 |
| 金澤 | 12月1日 |
| 長野 | 11月18日 |
| 名古屋 | 12月2日 |
| 京都 | 12月11日 |
| 大阪 | 12月3日 |
| 和歌山 | 12月13日 |
| 廣島 | 11月28日 |
| 高知 | 12月9日 |
| 福岡 | 12月10日 |
| 鹿兒島 | 12月12日 |
熱門日本賞楓行程推介
足利市紅葉一日導賞（渡良瀨溪谷鐵道 & 高津戶峽 & 足利光之花庭園）
位於栃木縣嘅足利市一向都係賞楓、櫻花及紫藤花必到嘅地方，由東京出發，大約1-2小時就到達！重點推介大家坐渡良瀨溪谷鐵道,因為車程途中可以由車窗欣賞溪谷上見頃嘅紅葉。另外市內嘅光之花庭園，仲有關東地區最大的燈光show欣賞！哩個近郊一日遊行程，一定可以滿足到準備去日本賞楓嘅你！
▼渡良瀨溪谷鐵道
▼足利光之花庭園
富士山 & 紅色地膚草之旅
去咗富士山咁多次，小編都係未成功見到富士山全相 (因為天氣問題)，唔知你又係唔係？
11月-12月 就係最好天氣，大機會見到富士山全相之外，仲有紅葉同紅色掃帚草 (地膚草)！
▼富士山河口湖紅葉
▼五合目紅葉
▼大石公園紅色掃帚草 (地膚草)
日光神社 & 寺廟 & 秋季特色景點之旅
同樣係東京近郊地區日光，以自然風景同寺廟聞名，例如華嚴瀑布同日光東照宮等，仲有頭文字D嘅名場面伊呂波坂山道，亦都係秋季賞楓嘅熱門景點！
▼華嚴瀑布紅葉
▼日光伊呂波坂又叫做紅葉坂
4. 名花之里 & 秋季賞楓一日遊
御在所索道係連接三重縣三重郡菰野町湯之山溫泉同御在所岳山頂嘅空中索道。大家可以舒舒服服坐係纜車上面，飽覽成個御在所岳山山景同埋布滿成座山的紅葉。哩個行程仲可以食埋松坂牛壽喜燒做午餐，咁耐無食過日本牛嘅大家一定好開心！
行程更加會去連續多獲得全日本燈飾排名第1嘅名花之里睇迷人嘅夜燈添！
▼禦在所山索道
▼名花之里
白川鄉 & 高山 & 金澤2日遊
去大阪旅行，當然都會去埋大阪市外遠少少嘅地方玩一兩日，例如白川鄉、高山同金澤等地方。雖然賞楓季節同白川鄉點燈日子仲有一段距離，但係其實秋天嘅景色都係日本絕景之一！咁難得去高山，當然要食埋飛騨牛啦！仲有日本三大名園之一 金澤兼六園嘅紅葉景色都行程中最吸引嘅一大景點！
▼白川鄉合掌屋紅葉
▼飛騨高山紅葉
▼飛騨牛又點可以唔食！
▼日本三大名園之一 金澤兼六園
