自疫情以來第一次飛，小編相隔三年終於可以再嚟日本南部——沖繩！落機後由那霸機場出發，搭單軌電車到市中心嘅牧志站，行3分鐘左右就到小編今次入住嘅東瀛遊沖繩逸之彩深層溫泉酒店。呢間酒店於2020年12月建成，行5分鐘就到超人氣國際通。房價一晚港幣$800左右，近車站又近國際通，浸到天然溫泉，性價比高呀！黎緊去沖繩旅行會住返幾日那霸的話，可以考慮下住呢間，亦都可以買自由行套票又或者跟團㗎～
【日本開關】2022年日本自由行懶人包 一文睇清最新入境文件、日本認可疫苗名單、MySOS 及 VISIT JAPAN WEB 申報教學
咁耐無離開過香港，相信好多人對旅行都覺得有啲生疏，誇張啲講甚至唔記得咗點樣去旅行，小編都唔例外！去旅行做足準備，出發之前睇下沖繩攻略溫故知新先！
▼🇯🇵2022沖繩最強Q&A超詳盡攻略🌊｜沖繩最佳季節🗓、自駕不自駕玩法🚗、最佳酒店位置🏨、必去景點📍、Shopping必行🛍、必食美食手信、冬天玩法etc.
一踏入酒店，大堂設計充滿著沖繩氣息，中間嘅沙石擺設、前枱後面嘅牆身以藍色玻璃堆砌，感覺就好似去咗沖繩海灘一樣，每日出入經過大堂都有種療癒感覺～
▼酒店大堂
【榻榻米房間】
房間設計以和式簡約風格為主，床嘅區域地下有鋪設榻榻米，需要換左拖鞋先入去，就好似平時生活喺日本咁，將玄關同正室相隔開，感覺上好乾淨舒適～今次房間位於3樓，所以景觀就一般，望到嘅都係相鄰住宅。雙人床房200呎左右，兩人住都好夠空間，枕頭仲有軟硬兩面，床褥又舒適，小編每晚都訓得好好。除咗普通房型，酒店亦提供森林/海洋主題豪華房，設有獨立露天溫泉水按摩浴池，仲放到4張床，好適合一家大細或一班朋友每晚喺房慢慢浸浴～
▼酒店房間
▼酒店房間
▼酒店房間
▼森林/海洋主題豪華房
▼獨立露天溫泉水按摩浴池
【酒店餐飲】
自助早餐時段為早上7點至10點，酒店自助早餐驚喜地相當豐富，有各款前菜、熟食、刺身、壽司、湯飯、麵包等。大人一位為¥1,800 (約$102)，可帶一位12歲以下小朋友一齊食。另外，每日早上10點至晚上10點提供飲品放題，唔止有森永雪糕食，客人亦可以無限暢飲Orion啤酒﹑清酒﹑Highball等各式飲品，仲可以自己調酒。晚上8點半至9點半係拉麵宵夜時段，拉麵口味每日轉換，份量超輕盈，唔怕食滯。玩到攰返嚟可以上二樓抖抖，食碗輕量拉麵先瞓覺！
▼酒店自助早餐
▼酒店自助早餐
▼酒店自助早餐
▼飲品放題
▼拉麵宵夜時段
【深層水天然溫泉】
走到酒店二樓飯堂出面，會見到酒店最大賣點——露天室外溫泉！有別於一般公共溫泉或浴場，呢到可以男女共浸，著泳衣浸又可以，啱晒一家大細/情侶/一班朋友。溫泉係原地挖掘，所以溫泉水係原地抽取同埋完全天然！泳池就暫時關閉，4月至10月先開放返。二樓設有洗手間及更衣室，方便大家浸溫泉或游水後梳理下。需要洗衫可以去二樓提供嘅24小時免費洗衣服務，乾衣則需要額外收費～
▼露天室外溫泉
▼室外泳池
▼二樓洗手間及更衣室
【其他服務】
若果想租車周圍玩，酒店亦提供豐田Toyota租車服務，可以直接喺酒店取車還車，check in完放好行李先攞車出發，相當方便。
日本開關冇耐，相信大家第一時間都會諗去東京﹑大阪呢啲超超超人氣嘅日本城市先。正值旅遊旺季，如果想有渡假感覺，唔想有太多遊客嘅話，小編強烈建議沖繩俾大家！ 睇完酒店review，如果大家想知道小編去咗邊度玩嘅話，記住睇埋2022沖繩景點合集！如果對呢間溫泉酒店有興趣，可以睇下以下嘅自由行套票。唔想自由行嘅話跟團都可以架！
立即預訂：
沖繩自由行套票 沖繩旅行團