想感受下心齋橋梅田以外嘅大阪，就一定要去呢條全日本最長嘅商店街天神橋筋商店街！呢度嘅店舖唔單止cp值夠高，仲夠曬地道，深受本地大阪人歡迎！今次為大家介紹5間必食餐廳，包括超人氣春駒壽司店、必食HK$5國民級中村屋可樂餅、英國氣息西洋茶館，想食到平民美食就一定要睇啦！仲有地方賣鐵路失物、日本刀！另外，日本已經取消疫苗證明，但係記住仲要填Visit Japan Web啊！
今次就由Claudia同Mayu帶大家由天神橋筋商店街嘅街頭行到街尾，仲會介紹三間必食人氣餐廳！
▼大阪本地人最愛商店街！🚶♂️超地道平民美食天堂😋｜天神橋筋商店街｜超人氣春駒壽司店必食ＯＯ壽司🍣、必食HK$5國民級中村屋可樂餅、平價買鐵路失物🚟、英國氣息西洋茶館☕
目錄
【天神橋筋商店街】
天神橋筋商店街係全日本最長嘅商店街，一共有2.6公里長！除咗夠晒長之外，天神橋筋商店街亦都深受本地人歡迎，因為呢度有好多平嘢！商店街橫跨好多個車站，小編建議大家可以喺天神橋筋六丁目、扇町或JR天滿落車。如果想跟著我哋嘅攻略一齊行，就可以喺南森町或者JR大阪天滿宮落車！即刻睇下有咩必食、必行嘅舖頭！
中村屋｜必食可樂餅
呢間中村屋喺商店街裡面唔算起眼，連招牌都唔算大個，但係成日都大排長龍，喺各大評分平台上面都非常高分！佢哋最出名嘅包括原味可樂餅、免治可樂餅、炸牛扒可樂餅。可樂餅外皮熱辣辣，口感好脆，完全無油淋淋嘅感覺。大家一定唔可以錯過！
售價：原味90日圓 (約$5)；免治可樂餅150日圓 (約$8)；炸牛扒可樂餅580日圓 (約$31)
▼中村屋
▼中村屋可樂餅
中村屋
- 營業時間：早上9點 – 晚上6點30分 (逢星期日及公眾假期休息)
- 地址：大阪府大阪市北区天神橋2-3-21 (地圖)
- 電話：+81 06-6351-2949
- Tabelog餐廳資訊
宇奈とと｜抵食鰻魚飯
喺中村屋行前兩步，有一間叫做宇奈とと嘅鰻魚飯專門店。佢嘅鰻魚飯相對比出面嘅平，CP值幾高！
售價：最細size鰻魚飯590日圓 (約$31)；原條鰻魚飯2,500日圓 (約$132)
▼宇奈とと
▼宇奈とと鰻魚飯
宇奈とと
- 營業時間：早上11點 – 晚上10點
- 地址：大阪府大阪市北区天神橋2-3-24 (地圖)
- 電話：+81 06-6882-6969
- Tabelog餐廳資訊
鉄道忘れ物市｜電車失物二手店
呢間鐵道失物二手店，專門售賣遺漏喺日本鐵路嘅物品，感覺有啲似比較舊嘅二手商店。除咗遺失物，呢度都有啲全新嘅商品，大家有興趣可以去尋下寶！
▼鉄道忘れ物市
鉄道忘れ物市
天六國重刃物店｜240年歷史職人刀店
日本刀係唔少鍾意煮飯嘅人夢寐以求嘅刀！天神橋筋商店街有一間專門賣各式各樣刀嘅舖頭，平嘅大概8,000日圓 (約$418)，貴嘅去到30,000日圓 (約$1,568) 左右。呢度連武士刀都有，如果對刀有研究嘅話可以黎望下～
▼天六國重刃物店
天六國重刃物店
- 營業時間：早上8點 – 晚上8點
- 地址：大阪市北区天神橋六丁目6番8号 (地圖)
- 電話：+81 06-6351-4150
- 天六國重刃物店官方網站
はや床｜日本地道髮型屋
日文裡面嘅床屋代表剪頭髮嘅地方，呢間はや床係一間非常地道嘅Barber Shop。男士可以黎剃鬚、洗頭、剪頭，而女士都可以做線面。
▼はや床
はや床
- 營業時間：星期一至六 早上9點 – 晚上7點；星期日及公眾假期早上9點 – 晚上6點30分
- 地址：大阪市北区天神橋3丁目1-12 NDビル1F (地圖)
- 電話：+81 06-6356-3424
- はや床介紹網站
Wood Design Park｜室內camping餐廳
Wood Design Park呢間餐廳以露營為主題，餐廳裡面嘅佈置都係用帳篷、室外椅、BBQ爐等等嘅露營用品，主打就算雨天、冬天都可以BBQ，夠晒特別！
▼Wood Design Park
Wood Design Park
- 營業時間：早上11點 – 晚上9點
- 地址：大阪府大阪市北区天神橋3丁目8-23 2F (地圖)
- 電話：+81 06-6355-7070
- Wood Design Park官方網站
相關優惠：關西新酒店推介｜日本首間W酒店！環球影城全新官方酒店｜大阪、奈良、京都新酒店
西洋茶館｜商店街中的英國氣息
行過西洋茶館， 一唔小心就會俾佢櫥窗裡面嘅蛋糕吸引咗！餐廳裡面嘅裝修係歐式鄉村風，好適合打卡！小編推介焦糖香蕉撻、French Toast！
售價：焦糖香蕉撻690日圓 (約$37)；French Toast Set 1,050日圓 (約$56)
▼西洋茶館
▼西洋茶館蛋糕
▼西洋茶館裝修
西洋茶館
春駒壽司｜大阪必食平價壽司
春駒壽司出名提供又平又新鮮嘅壽司，佢仲係2021年嘅百名店之一！Menu有中英文，仲有埋圖，非常遊客friendly～呢度嘅壽司真係好新鮮，而且價錢真係好抵食，推薦！
提提大家，自己落單嘅時候寫「x1」即係一皿，而一皿有兩件！
售價：上鰻魚壽司 一皿500日圓 (約$27)；三文魚腩壽司 一皿500日圓 (約$27)；生蝦壽司 一皿300日圓 (約$16)；油甘魚壽司 一皿300日圓 (約$16)
▼春駒壽司
▼春駒壽司
春駒壽司
- 營業時間：早上11點 – 晚上9點30分
- 地址：大阪府大阪市北區天神橋5-5-2 (地圖)
- 電話：+81 06-6351-4319
- Tabelog餐廳資料
相關優惠：大阪攻略2024｜自由行必睇！梅田地下街美食懶人包｜新梅田食道街、阪急三番街
跟住呢條片遊大阪地下街，就唔再怕迷路～今次Claudia同Mayu會帶大家去新梅田食道街，阪急三番街同大阪最大地下街Whity！仲會食盡人氣同隱世美食！
▼大阪美食都在地底？梅田地下街美食攻略2023! 😋| 隱世超新鮮立食壽司🍣食完會發光？日本必食生冬甩🍩｜新梅田食道街 | 阪急三番街 | Whity | 大阪必食
鍾意買古著嘅人可能都會去心齋橋同美國村嘅古著店，其實喺大阪仲有另一個選擇，就係去跳蚤市場啦！今次就有Claudia同Mayu 同大家去萬博紀念公園－關西最大級別嘅跳蚤市場，睇下最平幾錢買到一套古著！
▼慳錢攻略💰最平100円一條連身裙?! 👗5000円購物挑戰🤩｜大阪買古著必去跳蚤市場｜大阪古著｜日本古著｜萬博紀念公園跳蚤市場
大阪除咗黑門市場之外，竟然仲有一個超抵食嘅魚市場🐟竟然仲可以批發價爆食魚生?! 今次Claudia 同Mayu 就帶大家去呢個市場睇下，想知邊幾間店最值得食同要幾點去就記住睇片～
▼喺大阪市中心批發價食魚生?! 🐟HK$1.5 一隻甜蝦／HK$4.7帆立貝😍幾點起身先食到好西？｜大阪本地人去嘅魚市場－大阪木津市場