AirlineRatings.com 最佳航空公司｜卡塔爾航空再奪榜首！國泰航空飆升上第3位｜附完整排名

AirlineRatings.com｜AirlineRatings.com最佳航空公司2024｜航空公司排名｜AirlineRatings.com 公佈2024全球航空公司排名，上年就由新西蘭航空奪得榜首位置，今年就到卡塔爾航空發威，再次重奪第一位！AirlineRatings.com 主編表示今年卡塔爾航空憑住多方面出色嘅表現而勝出，同時亦連續第5年被評選為「最佳商務艙」和「最佳餐飲」！而今年嘅另一個驚喜，就係國泰航空由上年第九位升上至第三位！

AirlineRatings 2024最佳航空公司｜卡塔爾航空再奪榜首！國泰航空飆升上第3位！

AirlineRatings 2024年最佳航空公司排名出爐，今年由多方面有出色表現嘅卡塔爾航空奪得第一名，同時連續第5年被評選為「最佳商務艙」和「最佳餐飲」！香港代表嘅國泰航空就由上年嘅第九位，躍升至第三位，有咁好嘅成績希望國泰可以推出更多新航點同優惠俾大家啦！

AirlineRatings 2024最佳航空公司排名 (第1至10位)

1. 卡塔爾航空
2. 大韓航空
3. 國泰航空
4. 新西蘭航空
5. 阿聯酋航空
6. 法荷航
7. 全日空
8. 阿提哈德航空
9. 澳洲航空
10. 維珍航空

▼ 卡塔爾航空重登榜首

▼ 國泰航空今年躍升至第三位

卡塔爾航空｜將於3架波音777-300客機上，提供Starlink免費高速Wi-Fi｜中東北非首間

卡塔爾航空係奪得AirlineRatings 2024年最佳航空公司第一位後，並未滿足，繼續加強機隊硬件設施！今日更加宣布今年第四季將會係3架波音 777-300客機上，引入星鏈 (Starlink)免費高速Wi-Fi服務！乘客就可以係高空上睇串流平台影片及睇直播等！不過香港暫時未有航班可以享用到，但大家都會坐卡塔爾航空經多哈轉機去世界各地，日後可能有機會係轉機航班上體驗到！

▼ 卡塔爾航空於2024年歐洲航空內裝展(AIX 2024) 宣布今次計劃。