大家去開曼谷都知道有兩個國際機場，分別係素萬那普國際機場Suvarnabhumi Airport同廊曼國際機場Don Mueang International Airport。而大家坐開傳統航空公司同國際航班都係飛素萬那普國際機場為主，有大量商店同免稅店。廊曼國際機場又稱舊曼谷機場，大部分廉航同內陸機都係經呢個機場升降，如果由香港出發坐亞洲航空AirAsia去曼谷通常都會係廊曼出入境。小編為大家整理咗多種機場來往市區嘅交通方法，大家可以睇下邊一種最適合自己！
素萬那普國際機場Suvarnabhumi Airport
機場快線
從素萬那普國際機場去曼谷市中心小編最推薦的方法係坐曼谷機場快線Suvarnabhumi Airport Rail Link (簡稱ARL)，只要係機場拎完行李後就可以直接搭電梯到B1樓層ARL售票處，仲可以係呢層兌換定少少泰幣，個匯率同市區差唔多！而坐機場快線由機場到市區終點站Phaya Thai (可轉乘BTS Sukhumvit線) 票價為45泰銖，到Makkasan站 (可轉乘MRT藍線) 票價為35泰銖，由頭站坐到尾站大約26分鐘即可抵達曼谷市中心，方便又快捷。
曼谷機場快線共有8個站，由素萬那普機場 – Lad Krabang – Ban Thap Chang – Hua Mark – Ramkhamhaeng – Makkasan (City Air Terminal – 轉乘 MRT Blue Line Phetchaburi Station) – Ratchaprarop – Phayathai (轉乘 BTS Sukhumvit Line Phayathai Station)
- 營運時間：06:00-24:00
-
營運班距：平日06:00-09:00及16:00-20:00之高峰時段每10分鐘一班車，其他時間及假日每15分鐘一班車
-
票價：視搭乘站數距離而定，機場到Phaya Thai站票價為45 泰銖，機場到Makkasan 站票價為35 泰銖。
▼曼谷機場快線車站
如果乘坐的士從曼谷機場出發到市區約需30至40分鐘 (以機場至Asok BTS站為例)，不過曼谷交通路況一向都非常繁忙，有機會遇上塞車，車費會海鮮價且浮動幾大上落，機場出市區的士大多會睇錶再加機場費50泰銖及高速公路過路費。但由市區去機場好多時都要講價，所以宜家旅客就轉用以下call車app。
大家去東南亞通常會用Grab call 車或的士，不過小編就推薦用Bolt，app介面兩者都幾似同好易用，而Bolt價錢會比Grab平，一般會平約20%至30%，機場至市區大約300至350 THB上下，所以都多人用黎叫車架！
另外其他比較冷門call車app仲有CABB (英國倫敦的士款；但價錢較貴，只限曼谷)、All Thai Taxi (車輛較少；20泰銖Call車服務費)、inDrive (自由定價) 同line man (只有的士；20泰銖Call車服務費)，小編就唔一一詳盡介紹啦。
▼泰國call車手機app
▼Grab手機app
▼Bolt手機app
機場巴士
公共交通除咗機場快線外，曼谷都有機場巴士或巴士由機場來往市區，或去其他城市芭堤雅、華欣等。價錢會比的士或包車平。大家需先乘機場穿梭巴士前往BMTA公共交通中心 (BMTA Public Transportation Centre)，之後再轉乘其他巴士前往各曼谷市內目的地。一般大家都會坐機場巴士S1或554、555、558從機場到市區。其他路線可參考以下圖表地點同價錢，由27 THB至464 THB不等。
S1路線：Bangkok Airport – Kao San Rd（考山路） – Wat Chana Songkhram- Sanam Luang（皇家田廣場），皇家田廣場可以去玉佛寺和大皇宮。
554路線：機場開往蘭實，路線為：（素萬那普機場）Bangkok Airport – RamIndra Road-Lak Si – Vibhavadi Rangsit Road – Don Muang – Rangsit
555路線：機場開往蘭實，但走的是高速公路。路線為：Bangkok Airport – Praram 9- Din Daeng – Suttisan – Vibhavadi Rangsit Road – Kasetsart University – Rangsit
558路線：機場開往Central Plaza Rama 2。路線為：Bangkok Airport – Bangna – Trad Road – King Kaew – Ramkamhaeng 2 – Bitec Bang Na – Rama IX Bridge – Suksawas Road – Wat Son – Bangpakok – Central Praram 2
▼BMTA公共交通中心時間表及價錢
BUA Airport Express 快速巴士
由曼谷機場去市區又有多一個交通選擇，素萬那普國際機場 (Suvarnabhumi Airport) 下機後如果想要直接去酒店check in，可以乘坐「BUA Airport Express」 (之前的名稱是Elephant Airport Express ) ，共有三條路線包括藍線Sukhumvit、綠線Sathorn、紅線Yaowarat，連接曼谷市區超過300間的酒店、景點或商場。這個巴士服務是由4間泰國運輸公司整合而成，三條路線每日有6至8班的巴士，成人車票是180泰銖，每人有兩件行李的存放位置，巴士有31個或44個座位，座椅舒適有冷氣。巴士營運時間由07:00 – 19:00，大家可以直接在機場1樓靠近近Gate 7的櫃檯處買票，或預先在網上買票。
▼BUA Airport Express
▼這個巴士服務共有三條路線
包車接送
最後如果你一行幾人出發或者行李好多，提早預訂包車接送機場服務都係唔錯選擇！包車由2人起至8人都坐得，唔怕行李唔夠位放！以2人為例，單程由素萬那普機場至市區 (由市區到機場一樣價錢) 只需$138 起，而且接送服務仲係每日24小時營運。
▼機場包車接送服務
相關優惠：泰國曼谷新酒店｜最新11大酒店推介｜鄰近bts站、傳統集團酒店、無邊際泳池、城巿綠洲
廊曼國際機場Don Mueang International Airport
機場巴士/巴士
由廊曼國際機場去曼谷市中心有A1、A2、A3及A4四條機場巴士路線可供選擇，由8:30至23:30營運，每小時約1至2班車。旅客最常乘搭的A1及A2路線可抵達BTS Mo Chit站，全程約60-80分鐘，車費30泰銖。A3路線會經水門市場、Big C、Central World及四面佛等地，車費50泰銖，終點站係倫批尼公園；A4路線則去孝山路、曼谷國家美術館等，車費50泰銖，終點站是皇家田廣場，距離曼谷市區都有點距離。
另外其他普通市區巴士都可以來回廊曼機場，路線包括29、59、187、510、538等，但部份路線未必有冷氣，而且機場巴士至機場直達快好多，所以旅客極少考慮乘坐市區巴士。
▼機場巴士
廊曼機場捷運 (SRT紅線)
曼谷廊曼國際機場 (DMK) 終於有捷運服務了！由泰國鐵路局經營的SRT紅線在去年開始通車，大家如果在廊曼機場下機，就有多一個選擇可搭捷運去到曼谷市區！
大家搭廉航到廊曼國際機場下機後，通關走出來就是國際線航廈Terminal 1一樓，然後必須往左邊走經過機場8號大門的德士乘車處，再往前走到機場國內線航廈Terminal 2的方向直走，就會看到「SRT Red Line 火車站」的牌子。
廊曼國際機場去到曼谷市區要坐7站，即是從Don Meaung – Kan Kheha – Lak Si – Thung Song Hong – Bang Khen – Wat Samian Nari – Chatuchak – Krungthep Apiwat Central Terminal Station (之前的名稱是Bang Sue Grand Station)，然後可以轉乘MRT藍線去各個地方。
從Don Meaung去到Krungthep Apiwat Central Terminal Station單程車票是泰銖$33，車程時間大約是16分鐘，每15分鐘至20分鐘會有一趟車，營運時間從5.30am至12.00am (視情況而定)。
▼從廊曼國際機場搭7站到Krungthep Apiwat Central Terminal Station就到達曼谷市區
▼大家之後搭機到廊曼國際機場，就有多一個搭捷運到曼谷市區的選擇
的士/Grab/Bolt或其他call車app
由廊曼機場出市區最方便一定坐的士，因距離較近市區，從機場出發至市區約需20至30分鐘。機場T1及T2都設有的士站，收費方式與素萬那普國際機場一樣，車費可按錶計算，但另需加機場費50泰銖及高速公路過路費，車費約200至300泰銖，只係遇上塞車可能更貴。亦可以好似素萬那普機場一樣，用Grab/Bolt或其他call車app來回機場都得。
▼的士
包車
同素萬那普機場一樣，提早預訂包車接送機場服務都係唔錯選擇！包車由2人起至8人都坐得，唔怕行李唔夠位放！以2人為例，單程由廊曼機場至市區 (由市區到機場一樣價錢) 只需$138 起，而且接送服務仲係每日24小時營運。
▼機場包車接送服務
▼兩個曼谷必去新景點！🇹🇭 ICONSIAM商場入面竟然有室內夜市😳｜拉差達火車夜市再度開幕🚂 小編推薦超濃味朱古力飲品😍
▼最新T21超多網美打卡位📸、必食海鮮市場🦀、最新火車市集必食火山排骨🚂｜Terminal 21、吞武里市場、JOOD Fairs
