香港夏天又熱又焗，想去旅行避下暑嘅話，澳洲係一個好選擇！南半球由6至8月開始踏入冬季，而布里斯本係冬季氣溫非常之宜人，日間溫度大約15°C 至 22°C 左右，陽光充沛兼且極少落雨！冬天嘅布里斯本仲有唔少動靜皆宜嘅景點同戶外活動，啱晒大家去避暑！國泰航空提供全香港唯一直飛布里斯本航班，只需8至9小時就到達，超方便！下一個旅程，一於去布里斯本啦！
國泰航空直航布里斯本航班資訊
去布里斯本玩，坐國泰航空直航就最舒服方便！由香港直飛布里斯本航程只需約8至9小時。航班時間選擇非常靚，你可以揀凌晨機去、喺飛機瞓一覺，朝早落機即刻展開行程！
| 航班編號 | 航線 | 預計起飛時間 | 預計抵達時間 |
| CX165 | 香港 (HKG) 至 布里斯本 (BNE) | 00:15 | 10:50 |
| CX157 | 11:55 | 22:30 | |
| CX156 | 布里斯本 (BNE) 至 香港 (HKG) | 00:05 | 06:50 |
| CX150 | 12:20 | 19:20 |
【布里斯本自由行】避暑首選！8大布里斯本必去景點推介
1.冬季限定！摩頓灣賞鯨之旅
布里斯本冬天最大嘅亮點，一定係出海睇鯨魚！每年6月至11月，最多會有4萬條座頭鯨會由南極遷徙至溫暖嘅昆士蘭海域繁殖。你可以由市區出發，乘坐賞鯨船前往摩頓灣，近距離觀賞鯨魚躍起同噴水嘅震撼畫面，一世難忘嘅體驗！
2. 8月限定！皇家昆士蘭Ekka嘉年華
如果打算8月去布里斯本，就絕對不能錯過一年一度嘅「昆士蘭Ekka嘉年華」！呢個係昆士蘭最大型嘅冬季嘉年華，為期十日，將鄉村農業文化同現代娛樂完美結合。場內有刺激嘅機動遊戲、動物農莊、伐木比賽同每晚嘅煙花匯演，氣氛非常熱烈！今年更加係150週年，一定唔可以錯過！
3. 龍柏樹熊動物園
位在布里斯本嘅龍柏樹熊動物園被評定為「世界十大動物園」，更加係全球最大嘅樹熊保育區，園內有超過100隻樹熊及70種澳洲原生野生動物！同小朋友一齊去布里斯本龍柏動物園，仲可以餵袋鼠同近距離接觸小動物。
4. 希路美酒莊 Sirromet Winery
鍾意飲澳洲出產嘅葡萄酒的話，距離布里斯本約40分鐘車程嘅希路美酒莊，係當地極具規模的酒莊之一！係專業嘅解說員帶領之下，仲可以瞭解葡萄酒嘅完整釀製過程。酒莊佔地非常之大，環境非常之靚啱晒打卡，酒莊更有提供Glamping 住宿，非常罕有！
5. 春溪國家公園
距離布里斯本市中心2小時嘅美景環區，橫跨昆士蘭東南部嘅古老火山口，係澳洲世界遺產區岡瓦納雨林（Gondwana Rainforests）最北端所在地。鍾意行山嘅話，呢到有六條國家公園嘅叢林步行徑通向天然岩石池、瀑布、瞭望臺和山脊，景色非常迷人。而且呢度嘅春溪國家公園擁有絕美嘅瀑布同古老雨林，夜晚仲可以去 Natural Bridge 洞穴探險，尋找幽藍色嘅野生藍光螢火蟲 。
6. Eat Street Northshore 河岸貨櫃夜市
夜市並唔係亞洲地區專有，布里斯本都一樣有！逢星期五至日舉辦嘅Eat Street Northshore 河岸貨櫃夜市，集合各地美食同音樂舞蹈表演，營業時間更加由下午4點至晚上10點！夜晚想掃下街一流啊！
7. 庫塔山觀景台
距離布里斯本市中心約15分鐘車程嘅庫塔山，係可以飽覽布里斯本全市景色嘅最高點。日頭可以一次過睇晒整個城市輪廓同摩頓灣；日落後就變成無敵夜景，係當地嘅拍拖聖地！
8. 黃金海岸 夢幻世界
小朋友最喜歡去主題樂園，由布里斯本自駕約40分鐘，可以到達黃金海岸夢幻世界，亦係澳洲最大嘅主題樂園！呢度完美結合刺激機動遊戲同野生動物園。大膽朋友必玩南半球最高、最快嘅過山車同跳樓機，挑戰極限！想chill啲，可以去親親樹熊、袋鼠同老虎，或者帶小朋友去專屬主題區放電。
