國泰航空Cathay Pacific聯乘本地知名意大利餐廳 Pirata，推出一系列特色機上餐膳，由即日起，已經可以喺由香港出發嘅指定中長途航班嘅特選經濟客艙品賞到！小編有幸可以一嘗今次全新意大利菜飛機餐，可以喺飛機上食到咁正宗嘅意大利美食，真係頂級享受啊！另外，小編之前亦都試咗國泰嘅全新素食飛機餐。
國泰航空聯乘 Pirata 推出全新機上義大利餐膳
國泰航空喺機上餐膳一向好有心思，希望為乘客帶來高品質嘅空中佳餚。今次就聯乘本地知名意大利餐廳 Pirata，為由香港出發指定中長途航班之特選經濟客艙乘客，設計出全新機上餐膳，等乘客可以喺機上品嚐餐廳地道嘅意式地道美食。
▼國泰航空聯乘意大利餐廳 Pirata
▼國泰航空聯乘意大利餐廳 Pirata
喺設計機上餐單時，國泰航空及 Pirata 團隊致力秉承 Pirata 堅持提供地道正宗意大利菜嘅原則，將經典意大利美饌融入每一道菜式之中，靈感來自於意大利家庭聚會常有嘅菜式。每一道菜式都經過精心設計，期望將意大利人家庭聚會時嘅溫馨感覺帶俾乘客。
▼國泰航空聯乘意大利餐廳 Pirata 推出全新機上餐膳
小編有幸可以一嘗今次全新意大利菜飛機餐，喺咁多樣菜式裡面，就等小編精選幾樣為大家介紹！首先係前菜「番茄水牛芝士伴麪包沙律」，由兩款分別來自坎帕尼亞、托斯卡尼嘅意大利經典菜式結合而成。味道唔會太酸，食落好開胃！而另一款前菜「八爪魚薯仔沙律」都好好食，以番茄、黑橄欖結合以少許辣椒慢煮過嘅八爪魚，再配上薯蓉。
▼番茄水牛芝士伴麪包沙律
▼八爪魚薯仔沙律
主菜方面，小編覺得最好食嘅係「意式辣肉醬貓耳朵麵」，呢道菜將以意大利香腸及辣肉腸煮成嘅香辣肉醬混合貓耳朵麵，味道濃郁惹味，唔算太辣，唔食得辣嘅小編都接受到。另一道主菜「巴馬火腿豬柳卷配野菌汁」，以巴馬火腿包裹豬柳，中間夾上 provolone 芝士、鼠尾草。食完之後再配上一杯來自意大利 Veneto 威尼托山區酒莊嘅 DOCG prosecco 氣泡酒，真係一大享受，為呢餐佳餚畫上完美句號。希望日後可以係機上再食多次啦！
▼意式辣肉醬貓耳朵麵
▼巴馬火腿豬柳卷配野菌汁
