如果你係一個潛水發燒友，相信斐濟一定係你心目中嘅潛水Bucket List 之一！斐濟由超過300多個島嶼組成，水質清澈之餘，水底更有80多種軟珊瑚物種及多樣性生物，令斐濟有「世界軟珊瑚之都」嘅美譽。係特定季節仲可以同鯊魚及魔鬼魚一齊潛水！小編就幫大家整合5大潛水熱點，想完成人生嘅潛水Bucket List，就要睇下小編嘅介紹！
斐濟機票優惠
想去斐濟潛水，當然要坐斐濟航空啦！香港直飛斐濟楠迪只有斐濟航空一間航空公司，可以舒舒服服直飛楠迪！宜家仲有限時優惠推出，都係$4,880 起 (連稅$5,786 起)！仲可以經楠迪轉機去澳洲、新西蘭及其他太平洋島國，例如薩摩亞、東加、萬那杜等！
【優惠日期】由即日起至1月11日
【出發日期】即日起至9月15日
斐濟航空香港至楠迪航班時間 (逢星期一/三/四/六/日)
- 去程：FJ392 16:55-07:05+1
- 回程：FJ391 08:20-14:50
另外，二月份斐濟航空將於香港舉辦展覽，屆時除咗可以了解斐濟旅遊新資訊外，仲有機會得到機票限時折扣，想知詳情就要留意住Flyday Facebook 專頁公布詳情喇！
斐濟攻略｜斐濟人氣潛水熱點整合
潛水前須知
- 潛水季節：一年四季皆宜，最佳月份為4月至10月
- 能見度：15米至40米 (7月至12月能見度最佳)
- 水溫：一般為25 – 28°C
- 潛水經驗：初學者到進階
5大人氣斐濟潛點推介
1. 跨塔島 Kuata Island
跨塔島 Kuata Island 係亞薩瓦島Yasawa Island 中距離南迪最近嘅一座外島，呢到有風光明媚嘅沙灘之外，亦都係非常出名嘅鯊潛勝地！誇塔島赤腳度假村 Barefoot Kuata Resort 有一項活動叫「喚醒鯊魚潛水計畫」(Awakening Shark Dive) ，將帶你潛入水底去公牛鯊同小型礁鯊棲息地，近距離觀賞呢兩種鯊魚。如果加入小型潛水團，更加會探索大約22公尺深嘅潛點，仲可以睇到以下多種鯊魚：包括公牛鯊(Bull Shark)、虎鯊(Tiger Shark)、槌頭雙髻鯊(Hammerhead Shark)、白頂礁鯊(Whitetip Reef Shark)、烏翅真鯊(Blacktip Reef Shark)及銀鰭鯊(Silvertip Shark)。
▼ 與鯊共潛
2. 大星盤礁 The Great Astrolabe Reef
在斐濟南部坎達武群島嘅大星盤礁中，每逢5至10月都有不少魔鬼魚出沒，珊瑚蝠鱝在斐濟較為常見，分別有兩個品種：一種身上帶有瑪瑙花紋，另一種身上帶有金色V字型圖案。大星盤礁有一個「珊瑚清洗站」，魚類及蝦類生物會幫魔鬼魚食身上寄生蟲，所以見到魔鬼魚嘅機會都非常之高。
3. 瑪瑪努卡群島 Mamanuca Islands
瑪瑪努卡群島魚類和珊瑚十分豐富，潛點以平靜嘅海水、七彩海礁為特色，其中最出名嘅馬洛洛大堡礁，有著理想水溫同高能見度，潛人水底能夠輕易見到海底美景。如果想與鯊共潛，可以去著名潛點「超級市場 Supermarket」，包保令你有難忘嘅體驗！
4. 塔韋烏尼島 Taveuni
位於塔韋烏尼島和瓦努阿島之間嘅索莫索莫海峽為斐濟贏得了「世界軟珊瑚之都」美譽。其中彩虹礁被譽為斐濟最美「水下花園」，呢到生長著五顏六色嘅珊瑚，係斐濟最受歡迎的潛點之一。彩虹礁南面嘅潛點 – 大白牆 (Great White Wall) ，被稱為世界十大潛點之一，整幅牆由25米伸延至60米，上面佈滿密集白色軟珊瑚，非常壯觀！
5. 貝卡潟湖 Beqa Lagoon
