香港航空新航線｜香港航空加拿大｜香港航空溫哥華｜香港航空 Hong Kong Airlines 宣布25年1月18日起，將會復飛加拿大溫哥華，呢條線自2020年2月起，受疫情影響而停辦。同時今年將會恢復多架A330機上娛樂，亦可以用個人手機睇戲，目標2025全面恢復服務。
除咗溫哥華之外，2025年1月17日起亦會復飛澳洲黃金海岸，同時表示陸續引入更多機型，及研究開拓溫哥華、多倫多、洛杉磯、西雅圖等航線，看來港航將有大革新！
【香港航空最新消息】北美線回歸！港航1月復飛溫哥華！
港航最近係開辦同復飛航線方面動作頻頻，終於宣布1月18日會復飛加拿大溫哥華，每星期兩班，將會使用A330客機！睇嚟早前主席孫劍鋒向傳媒表示，將積極研究重返北美市場，包括開拓溫哥華、多倫多、洛杉磯、西雅圖等航線，並唔係得個講字！
- 去程：HX80 2350-1950 星期二、六
- 回程：HX81 0105-0700＋1 星期三、日
同時今年將會恢復多架A330機上娛樂，亦可以用個人手機睇戲，目標2025全面恢復服務。
呢條線自20年2月起，受疫情影響而停辦。現時只有國泰航空同加拿大航空有營運香港直飛航班，而且票價都要過萬，唔知港航真係開辦嘅話，會唔會用超平價做賣點吸客呢？
▼ 港航係官網登出聘請溫哥華地勤嘅職位空缺。
▼港航曾經於2017年開辦溫哥華線，以首架A350客機執飛，但現時已經即租，未知之後會引入邊種機型執飛呢？
【香港航空最新消息】11年曾經短暫開辦，港航擬似準備重開新加坡線！
最近唔少航空公司陸續開辦新航線，港航亦都有唔少動作！最近港航係官網招聘頁面再次登出招聘新加坡地勤嘅職位空缺，睇嚟真係打算重開新加坡線。另一間航空公司大灣區航空亦曾經係今年開辦2星期後停飛，如果真係開得成，唔知會唔會步大灣區航空後塵呢？
▼ 香港航空官網最近再次登出招聘新加坡地勤嘅職位空缺。
▼ 上年12月亦登出招聘新加坡及馬來西亞(吉隆坡)地勤人員嘅職位空缺。
【香港航空恢復熱餐】指定航班恢推香港名物「兩餸飯」！容許自備食物上機
香港航空宣布派返熱餐喇！香港航空於東京、大阪、札幌、峇里、馬爾代夫、上海 (虹橋機場)、北京 (首都國際機場)，使用 A320及A330飛機之航班 (凌晨班次除外)，恢復派免費熱食餐點及甜品服務！
▼ 香港航空推出香港名物「兩餸飯」飛機餐
今次香港航空搞搞新意思，推出香港名物「兩餸飯」飛機餐，從圖片看出甜品是牛奶公司雪糕，再加香港本土品牌朱古力。
▼ 香港航空在指定航線恢復熱餐供應
同時亦表示乘客可以自備食物上機食，並唔會沒收食物，但就唔會提供翻熱服務。從香港航空發放嘅圖片可見，熱餐都有唔少選擇，嚟緊會坐港航旅行嘅朋友，你又會想食咩？
▼ 大家可以準備同餐包同爆谷講bye bye喇！
【香港航空重返長途】25年1月直飛黃金海岸！研重返北美 推溫哥華、多倫多、洛杉磯、西雅圖等
香港航空 Hong Kong Airlines 將於2025年1至2月重啟澳洲航線，每星期4班由香港直飛昆士蘭省黃金海岸，是疫情後首次推出中長距離航班，此前港航曾經飛過倫敦、溫哥華、奧克蘭等中長距離航班。
同時香港航空主席孫劍鋒表示，該航線標誌著港航重返長途市場的第一步，正陸續引入更多機型以支持逐步擴展航線網絡，包括積極研究重返北美市場，開拓溫哥華、多倫多、洛杉磯、西雅圖等航線。
▼ 香港航空曾於2016年開航澳洲黃金海岸及開恩茲航線，可惜於2018年10月起相繼停辦。
▼ 位於澳洲昆士蘭嘅黃金海岸，因為擁有超過70公里沙灘而吸引唔少遊客。呢到亦有滑浪者天常去稱，唔少滑浪發燒友又或者初學者都會專程去黃金海岸，衝下浪或者學下滑浪！
相關優惠：越南峴港8大熱門度假村推介｜私人海灘、住在熱帶雨林中、五星級餐飲、各種Spa體驗｜來一場放鬆的度假旅程吧！
【香港航空最新日本消息】日本岡山線有望復飛！疫情前曾直飛
唔少fans都關心港航日本線方面，繼早前米子、函館線開過期間限定航班外，細心發現原來有一個航點無咩討論過，就係港航疫情前停飛嘅岡山線！
▼ 翻查資料，香港航空對上一次飛岡山已經係2020年嘅時候
台北、首爾及上海等都陸續復飛岡山線，而香港就未有airline表示會開或復飛該航線。係23年10月嘅時候，岡山縣航空企劃推進課就表示，原定10月尾將會恢復營業香港往來岡山航班，但收到港航通知希望將日期押後至25年3月30日後。
岡山縣知事伊原木隆太係23年10月29日大韓航空復飛岡山航線當日就表示，正努力推動香港航線復飛。相信港航可能因為人手及機隊等原因而未能復飛岡山，希望大家會收到好消息！
▼ 岡山縣知事伊原木隆太
之前港航官網招聘頁面中，刊登過德島嘅機場工作人員職位空缺，疑似為開辦新航線做準備。港航從未營運過德島航線，不過都係要等官方正式公布喇！
▼ 官網招聘頁面
▼ 香港航空
