香港航空｜香港航空新航線｜香港航空官網｜香港航空 Hong Kong Airlines 宣布將於7月8日起，將於往來東京、大阪、札幌、峇里、馬爾代夫、上海 (虹橋機場)、北京 (首都國際機場)，使用 A320 及 A330 執飛航班 (凌晨班次除外)，恢復派免費熱食餐點及甜品服務，同時亦表示如果客人自備食物上機，係唔會被沒收！從香港航空發放嘅圖片可見，熱餐都有唔少選擇，嚟緊會坐港航旅行嘅朋友，你又會想食咩？
香港航空最新消息｜7月8日起，指定航班恢復派餐，自備食物上機不會沒收
香港航空宣布派返熱餐喇！7月8日起，將於往來東京、大阪、札幌、峇里、馬爾代夫、上海 (虹橋機場)、北京 (首都國際機場)，使用 A320 及 A330 執飛航班 (凌晨班次除外)，恢復派免費熱食餐點及甜品服務！同時亦表示乘客可以自備食物上機食，並唔會沒收食物，但就唔會提供翻熱服務。從香港航空發放嘅圖片可見，熱餐都有唔少選擇，嚟緊會坐港航旅行嘅朋友，你又會想食咩？
▼ 大家可以準備同餐包同爆谷講bye bye喇！
香港航空最新消息｜疑似又有航線復辦，今次輪到澳洲線！
港航最近除咗有新機隊加入之外，復辦同開新航線都非常進取！繼早前宣布開辦峴港線後，最近又似乎有一個航線準備復飛！近日香港航空官網機票搜尋位置突然新增咗一個航點，就係大家一直想港航復飛嘅澳洲黃金海岸！香港航空曾於2016年開辦過黃金海岸航線，但由2018年10月起就宣布停辦，希望今次港航有好消息俾大家！
▼ 香港航空官網近日係搜尋機票頁面新增咗黃金海岸。
▼ 香港航空曾於2016年開航澳洲黃金海岸及開恩茲航線，可惜於2018年10月起相繼停辦。
▼ 位於澳洲昆士蘭嘅黃金海岸，因為擁有超過70公里沙灘而吸引唔少遊客。呢到亦有滑浪者天常去稱，唔少滑浪發燒友又或者初學者都會專程去黃金海岸，衝下浪或者學下滑浪！
相關優惠：越南峴港8大熱門度假村推介｜私人海灘、住在熱帶雨林中、五星級餐飲、各種Spa體驗｜來一場放鬆的度假旅程吧！
香港航空最新消息｜7月19日起開辦峴港，每日一班午去午返
香港航空 又有新航線！繼早前嘅台中及仙台後，香港航空宣布7月19日起，將開辦越南峴港線！暫定每日一班午去午返航班！官網現已開賣，來回峴港$810 起(連稅$1,662 起)。
航班時間：
- 去程：HX 548 14:40-1530
- 回程：HX549 16:30 – 19:20
▼ 經我們測試，7月22日至29日出發，乘坐香港航空來回峴港$810 起(連稅$1,662 起)。
▼ 峴港
香港航空日本優惠｜最新日本復線復飛消息！
唔fans都好關心港航日本線方面，繼熊本、米子、函館線外有咩新動向，雖然早前CEO孫劍鋒曾經表示過計劃今年內復飛鹿兒島，不過臨近歲晚都未有新消息，相信大家都係要再等下。小編一向都有關心日本多個機場嘅新動向，細心發現原來有一個航點一直都無咩討論過，就係港航疫情前停飛嘅岡山線！
▼ 翻查資料，香港航空對上一次飛岡山已經係2020年嘅時候
最近台北、首爾及上海等都陸續復飛岡山線，而香港就未航公司表示會開或復飛該航線。而10月嘅時候，岡山縣航空企劃推進課就表示，原定10月尾將會恢復營業香港往來岡山航班，但收到港航通知希望將日期押後至明年3月30日後，而岡山縣知事伊原木隆太就係10月29日大韓航空復飛岡山航線當日就表示，正努力推動香港航線復飛。相信港航可能因為人手及機隊等原因而未能復飛岡山，希望出年大家會收到好消息！
▼ 岡山縣知事伊原木隆太
港航疑似復航及開新日本航點｜官網透露玄機
港航官網招聘頁面中，刊登鹿兒鳥及德島嘅機場工作人員職位空缺，疑似為復航及開辦新航線做準備。港航CEO早前已經透露目標今年復飛鹿兒島，而德島航線就從未營運過。不過係要等官方正式公布喇！
▼ 官網招聘頁面
▼ 香港航空
