去日本shopping又點可以唔去LOFT！LOFT有各式各樣嘅貨品，眼花撩亂，好容易就喺裡面行足大半日。今次小編實地喺LOFT為大家睇下有咩必買推介，同埋睇下最近日本流行嘅人氣商品，竟然有追星專用手帳、女性內褲暖包、唔使刨嘅鉛筆，真係千奇百趣～如果同小編一樣係去梅田分店嘅話，仲可以去埋梅田5個必去商場！
去到日本點可以唔行LOFT！🛍️由最實用到最奇怪嘅商品都應有盡用~ 今次就由Claudia同Mayu推介一下LOFT而家有咩必買秋冬美妝品，仲有啲全年都啱用(又或者全年都唔啱用😂)奇葩雜貨~睇下有無嘢適合你買嚟過冬啦！🐻
▼大阪必逛最大LOFT!🛍️ 推介10+件秋冬必買美妝品/雜貨🤩| 暖蛋耳環？內褲暖包？🤔必買超紅平價A醇抗老精華🧏懶人多合一泥狀洗髮水💆♀️
今次小編黎到梅田茶屋町嘅LOFT，係全大阪最大嘅分店，足足有六層樓！1樓售賣電器、電話雜貨、當季流行商品；2樓賣護膚品、化妝品；3樓賣家居用品；4樓賣家居用品、Pop-up Store；5樓賣雜貨、Pop-up Store；6樓賣文具。最重要嘅係免稅櫃台係喺4樓嘅收銀台旁邊！免稅櫃台喺營業時間30分鐘前收工，記得早啲去俾錢！另外，唔係每一間LOFT都有免稅櫃檯，而梅田茶屋町LOFT係有嘅～
▼梅田茶屋町LOFT
冬天必備小物
入到LOFT嘅第一層，已經見到各式各樣嘅保暖用品。因為日本天氣比香港凍好多，所以保暖產品可以話係層出不窮，款式非常多！大家喺香港可能無需要用到咁多保暖用品，不過如果準備要去比較凍嘅地方旅行，不妨黎呢度睇下。除咗常見嘅衫褲鞋襪，最特別嘅係有貼喺內褲嘅暖包、暖蛋耳環！為咗保暖真係無所不用其極～
▼各款保暖用品
▼羽絨質地帽子 6,050日圓 (約$334)
▼女性內褲暖包 1,090日圓 (約$61)
▼女性內褲暖包 1,090日圓 (約$61)
▼RelaxQ暖蛋耳環 1,200日圓 (約$67)
冬天天氣乾燥，真係唔可以無加濕器！LOFT都有賣唔同造型嘅加濕器，大部分都係插USB就可以使用，所以唔使擔心電壓問題。另外，仲有唔需要插電嘅素燒加濕器。
▼各款插電造型加濕器
▼不插電素燒加濕器
必買藥妝推介
除咗日用品、家電之外，LOFT仲係買藥妝嘅好地方！呢度有一啲LOFT限定嘅品牌，記得認住呢個黃色貼紙～
▼LOFT限定黃色貼紙
以下係小編為大家精選嘅必買藥妝：
日本最近流行呢款泥狀嘅洗髮液，除咗洗髮仲有護髮、鎖色等功效。裡面包含5種海藻成分，保濕功能好高，小編自己都有用，非常推薦！
▼Cocone海洋礦物六合一泥洗髮精 3,300日圓 (約$183)
之前喺日本超公正雜誌推介必買藥妝已經同大家介紹過Quality 1st嘅面膜，而家佢仲出咗精華液、面霜！
▼Quality 1st抗衰老精華液 2,000日圓 (約$111)
N-Organicn係一個比較新嘅牌子，最近一、兩年先喺網上比較多廣告，估唔到LOFT已經有得賣佢嘅產品，比較多人推薦佢哋嘅眼霜！
▼N-Organic 淡細紋眼霜 8,400日圓 (約$464)
由前AKB48成員指原莉乃推出嘅彩妝品牌Ririmew，唇彩、眼影都係非常高人氣嘅商品。
▼Ririmew唇彩 1,700日圓 (約$94)
▼Ririmew眼影 2,400日圓 (約$133)
搞笑小物
跟住為大家推介一啲造型特別，或者平時比較少見嘅商品，好適合送俾朋友做手信！
以煙盒做包裝嘅茶葉，造型咁特別，用黎做手信就啱晒～
▼煙盒茶葉 550日圓 (約$31)
呢款鉛筆之前喺日本引起熱話，因為佢號稱係永遠唔使刨嘅鉛筆！除咗可以書寫16公里之外，仲唔會被水溶化，用黎考試好似唔錯～
▼Metacil鉛筆 1,100日圓 (約$61)
日本嘅手帳五花百門就眾所週知，估唔到連追星專用嘅手帳都有！呢本手帳裡面俾你記錄去過嘅演唱會、抽門票用咗幾多錢、畫低偶像當日嘅衣著等等，好適合送俾追星族朋友！
▼追星專用嘅手帳 1,540日圓 (約$83)
梅田茶屋町LOFT
- 營業時間：早上11點 – 晚上9點
- 地址：大阪府大阪市北区茶屋町16-7 (地圖)
- 電話：+81 06-6359-0111
- 全日本LOFT分店一覽
跟住呢條片遊大阪地下街，就唔再怕迷路～今次Claudia同Mayu會帶大家去新梅田食道街，阪急三番街同大阪最大地下街Whity！仲會食盡人氣同隱世美食！
▼大阪美食都在地底？梅田地下街美食攻略2023! 😋| 隱世超新鮮立食壽司🍣食完會發光？日本必食生冬甩🍩｜新梅田食道街 | 阪急三番街 | Whity | 大阪必食
大阪除咗黑門市場之外，竟然仲有一個超抵食嘅魚市場🐟竟然仲可以批發價爆食魚生?! 今次Claudia 同Mayu 就帶大家去呢個市場睇下，想知邊幾間店最值得食同要幾點去就記住睇片～
▼喺大阪市中心批發價食魚生?! 🐟HK$1.5 一隻甜蝦／HK$4.7帆立貝😍幾點起身先食到好西？｜大阪本地人去嘅魚市場－大阪木津市場
上次Claudia同Mayu 就同大家深入梅田地下街迷宮，都知大家未睇夠㗎喇！今次佢地繼續挑戰梅田，帶大家去週邊幾個大型商場睇下有咩買，有咩食，仲會去埋9月新開幕嘅@Cosme 旗艦店TAMLO 美食街！
▼【購物攻略】大阪最好逛🛍️梅田５個必去商場攻略！最新＠Cosme旗艦店／Tamlo美食街 ｜💸必買人氣小眾日本首飾/香水/美妝品牌💄