檳城機場交通攻略|檳城自由行|檳城交通|HK Express 最近就宣布將於11月開辦馬來西亞檳城線,唔知大家又有無成功搶到單程$9機票優惠?檳城出名多好野食同消費唔算高,所以都有唔少香港人都鍾愛短線飛去玩!如果你係第一次去檳城玩嘅你,小編幫大家整合檳城機場往返市區交通方法,等大家可以做定功課!不過出發前3日記得申請定電子入境表格MDAC啊!
目錄
檳城機場交通攻略|檳城自由行必睇!檳城機場往返市區交通方法整合
由檳城國際機場往市區的交通方法主要為機場巴士、的士、叫車、私人包車等。小編建議大家選擇乘坐機場巴士,價錢比較實惠,而且途經多個車站,方便前往酒店等地方。
機場巴士
檳城國際機場有兩條主要巴士線可以到達市區,分別是Rapid Penang 401、401E線。車站為位於抵達大廳6號門外,大約30分鐘一班。由機場到達市區約為60分鐘,車費為$2.7 令吉(約HK$5)。要留意機場巴士不設找續,上車前記得要準備好現金。上車之後,跟司機説下車地點,司機會確認車費,付款後會給你一張車票,到達目的地就可以直接下車。
路線 | 途經車站 | 班次 |
401 | 沓田仔街、光大、風車路、港仔橫街、日落洞、牛汝莪、峇都蠻、雙溪里蒙、峇央峇魯、過山、公巴、文丁 | 營業時間:05:45 – 22:30 30-45分鐘/1班 |
401E | 沓田仔街、光大、風車路、港仔橫街、敦林蒼祐高速公路皇后灣廣場、武吉占姆廣場、檳城國際會展中心、峇央峇魯、過山、公巴、文丁 | 營業時間:06:00 – 22:30 25-35分鐘 |
▼ 檳城機場巴士
的士/手機App 叫車
如果你第一次去檳城旅遊,擔心坐巴士會下錯站,可以選擇於乘坐的士,或者用手機App叫車。如果坐的士嘅話,機場內有的士預約櫃檯,車費為固定車費,由機場到喬治城大概40-50令吉(大約HK$78)。預約及付款後,職員會給你一張車費券,然後會有專人帶你上車,上車後司機會撕走一半車票,到達後不會再額外收費。
▼ 檳城機場的士預約櫃檯
手機App方面,東南亞國家都普遍會用使用 Grab,另外亦可以使用AirAsia Move 叫車。車費方面,會按需求而設調整。兩種App 都可以按人數或需要選擇車款。小編建議出發前,先下載App,完成註冊並綁定好信用卡,可以兩個App都下載,用作比價。
▼ Grab 及 AirAsia Move 可選不同車種
私人包車
如果人數比較多,可以選擇私人包車,可以預先在出發前經Klook或KKday預約,司機亦會亦機場大廳舉牌迎接,價錢亦相當平!
之前小編去咗檳城,想知有咩玩就記得睇喇!
▼ 大馬.浮羅交怡、檳城編