宜家去旅行入機場貴賓室Lounge 都算係上機前指定地點，只要持有指定信用卡，就可以免費入香港機場及世界各地嘅環亞機場貴賓室Plaza Premium Lounge。部分信用卡申請門檻低，甚至可以申請附屬卡同親友一齊免費入Lounge歎魚蛋粉或者去酒吧Intervals Bar嘆返杯！最近更確認26年第二季將會重開香港機場Arrival Lounge；另外仲有全日本第一間-名古屋中部環亞貴賓室、吉隆坡國際機場最新環亞機場貴賓室MEGA Plaza Premium Lounge同香港環亞機場貴賓室介紹，申請定信用卡免費入去嘆嘆啦！
環亞機場貴賓室Plaza Premium Lounge
環亞機場貴賓室為環亞機場服務管理集團的旗艦品牌，擁有全球最大獨立機場貴賓室網絡，服務點遍佈全球30個國家及地區的70個國際機場，包括各國旅遊熱點香港、台北、北京、上海、曼谷、首爾、羅馬、倫敦、杜拜、三藩市等。無論乘搭任何航空公司或機艙等級於世界主要機場出發、到達或機轉的旅客，付費或出示指定信用卡都可以進入貴賓室享用服務。
任何旅客拎住有效的登機證都可以付費進入使用，或持有指定信用卡都可免費進入，不少信用卡申請門檻低，甚至可以申請附屬卡，同親友一齊免費入環亞機場貴賓室 Plaza Premium Lounge 歎魚蛋粉。如果大家持有指定信用卡 (例如美國運通Explorer及白金卡 (細頭) / 匯豐銀行HSBC everymile / Citi Prestige 信用卡 / Citi PremierMiles等) 就可以免費進入環亞貴賓室。申請定下次搭廉航出發前都可以先入lounge食飽抖夠先上機。
記得要下載定Smart Traveller App，每次入Lounge都可以儲分，之後可以用黎換Lounge Pass或者其他禮物。
▼環亞機場貴賓室Plaza Premium Lounge
環亞機場服務管理集團除了提供環亞機場貴賓室服務外，更有環亞優逸庭Plaza Premium First、機場酒店遨途 (Aerotel) 及Refreshhh by Aerotel、機場禮賓接待Allways及機場餐飲服務，集團提供多元化旅遊體驗及貼心服務。
▼香港環亞優逸庭Plaza Premium First
▼機場禮賓接待Allways
環亞曾於香港機場設有Arrival Lounge，2019年疫情期間，因香港機場T2重建而暫停營業，最近環亞就確認將會於2026年第二季重新開幕！位置同樣係2號客運大樓抵港層3樓。
▼ Arrival Lounge原址已經圍板，將會係出年第二季同大家見面！
▼香港機場4大貴賓室實測
免費進入環亞機場貴賓室及指定機場食肆｜Intervals Bar
香港國際機場天際走廊Intervals酒吧，以喺機場時間變得具流動性為概念，要旅客關心的不再是實際時間， 而是點與點之間的時間距離 (Intervals of time)，無論室內設計、雞尾酒、食物各方面都希望成為全球最佳機場酒吧。Intervals嘅位置亦係相當特別，位處香港國際機場天際走廊，觀景角度係全個景場最高，可以俯瞰飛機喺停機坪上既移動，而且仲可以欣賞到好靚嘅日落景色。
講到尾就係想話俾大家知可以拎住HSBC EveryMile同Citi Prestige 信用卡入去可享用90分鐘服務，嘆3款小食 + mocktail/cocktail + 咖啡/茶！另外俾埋食物餐單同飲品餐單俾大家睇，飲品Menu幾特別，有分為15/30/45分鐘，以迷你雞尾酒組合命名為SIGNATURE FLIGHTS ！
Intervals Bar位置：
- 香港國際機場1號客運大樓國際出境天際走廊9樓
▼Intervals Bar
▼Intervals Bar
▼Intervals Bar
香港環亞機場貴賓室Plaza Premium Lounge｜開放時間及位置
如果大家持有指定信用卡 (例如美國運通Explorer及白金卡 (細頭) / 匯豐銀行HSBC everymile / Citi Prestige 信用卡 / Citi PremierMiles等) 可以免費入香港機場離境大堂內嘅3間香港環亞機場貴賓室Plaza Premium Lounge，包括Gate1、Gate35同Gate60，Gate1嘅Lounge最方便但亦最多人排隊。而每間嘅開放時間都有少少唔同，搭凌晨機嘅朋友要注意喇。
環亞貴賓室內提供即點即做的熱食，包括招牌魚旦河、燒味飯、手工多士；仲有啤酒、咖啡、汽水等飲品。大量座位及充電插頭俾旅客使用，貴賓室內仲可以預約浴室，方便搭長途機/轉機旅客有充分休息。
貴賓室位置：
- 環亞機場貴賓室 (離境大堂，鄰近1號閘口)：每日早上6時至凌晨1時開放
- 環亞機場貴賓室 (離境大堂，鄰近35號閘口)：每日晚上11時至上午8時開放
- 環亞機場貴賓室 (離境大堂，鄰近60號閘口)：每日早上6時至凌晨1時
詳細機場名單可以參考相關網頁：美國運通AE / 匯豐銀行HSBC / 花旗銀行Citi
▼環亞機場貴賓室 (離境大堂，鄰近1號閘口)
▼環亞機場貴賓室 (離境大堂，鄰近35號閘口)
▼環亞機場貴賓室 (離境大堂，鄰近60號閘口)
▼招牌港式魚蛋湯河
香港環亞優逸庭 Plaza Premium First Hong Kong
最近有消息指香港環亞優逸庭 Plaza Premium First Hong Kong 已經開放，但查詢後官方確認目前只向所有航空公司合作夥伴的客人開放區域，並提供國際自助餐、免費咖啡、茶、飲料、精選紅白酒、啤酒同淋浴房服務*等。
貴賓室位置：
- 香港環亞優逸庭 (離境大堂，鄰近1號閘口)：每日早上6時30分至凌晨1時開放
*或需額外收費，請在接待處預訂，視供應情況而定，先到先得。
▼香港環亞優逸庭 Plaza Premium First Hong Kong
▼目前Plaza Premium First Hong Kong只向以下航空公司合作夥伴的客人進入，包括澳洲航空、汶萊皇家航空、新加坡航空、瑞士航空、泰國航空、土耳其航空、越南航空等。
▼乘坐以上airline指定艙等或有航空公司邀請券都可進入，每日早上6時30分至凌晨1時開放
Priority Pass回歸｜可以使用Plaza Premium Lounge
Priority Pass宣佈可以入返Plaza Premium Lounge啦！包括香港、倫敦、台北、溫哥華等都用到！香港機場出發就可以去哂Gate 1、35同60個lounge。如果你有Citi Prestige 信用卡 或 AE白金卡呢兩張信用卡，就會送一張Priority Pass，如果沒就可以參考下面會籍年費。
- 標準會籍年費US$99
- 特惠會籍年費US$329
- 尊貴會籍年費US$469
Priority Pass｜持Citi Prestige及Priority Pass 可入機場餐廳Caviar House & Prunier，獲$200 折扣
宜家拎住Priority Pass又可以入香港機場新餐廳Caviar House & Prunier，卡主每次入餐廳就有$200折扣可以用！睇番menu $200都可以飲一杯酒或一碗龍蝦湯、食沙律或2至3隻蠔等，餐廳開早上10時至晚上10時！宜家只可以用Citi Prestige 送個張Priority Pass入去先有呢個優惠呀！
- 位置：香港赤鱲角國際機場，第 1 航站樓。空側 – 離境層 (L7)。通過安全檢查 (南) 後，鄰近自動扶手電梯。
- 營業時間：每日10:00 – 22:00
▼Caviar House & Prunier
▼部份餐單參考
相關規定：
- 持卡者可以使用到訪貴賓室的專享禮遇，獲得$200 折扣
每$200 折扣代表持卡者使用現有的到訪貴賓室禮遇 1 次，並將在適用情況下向持卡者收取費用。例如：如果持卡者登記 1 位同行賓客，他們將合共獲得$400 折扣，並從持卡者的帳戶收取 1 次持卡者到訪和 1 次同行賓客到訪的費用。每位持卡者每次到訪貴賓室時，只可使用及登記 1 張會員卡 - $200 優惠可用於購買任何食品和/或飲品。為了符合資格，持卡者必須在下訂單前出示有效的會員卡和旅遊當天有效的登機證。
- $200 折扣不可轉讓，如最終每位消費低於$200，也不可兌換現金替代品或退款
- $200 不適用於任何零售項目。
- 若最終帳單超過每位$200，持卡者應支付餘款。任何餘額均不得用作小費。
- 如果優惠價值少於顧客到訪貴賓室的專享禮遇，Priority Pass 及其夥伴公司概不承擔責任。顧客付費使用貴賓室和為同行賓客付費使用優惠前，請先查閱計劃的使用條款及細則。
名古屋中部機場｜全日本第一間環亞貴賓室
- 好消息！全日本第一間環亞貴賓室係名古屋中部機場第1航廈開幕，07:00至15:45開放！貴賓室約450平方米，可以邊觀賞飛機起降沙發區及附帶充電插座單人座位區。餐食區有主厨精選沙拉、前菜、主食、甜點等超豐富，仲有名古屋限定炸鷄翼、酒精飲品無限添飲，唔知有無魚蛋粉食呢？
- 貴賓室位置：中部國際機場一號客運大樓國際離境大堂2樓18號閘口旁
- 營業時間：7:00-15:45
※根據航班時間變化開放 - 額外使用收費：5,830日元 (成人連消費稅)、4,070日元 (兒童2~12歳連消費稅)
▼名古屋中部機場環亞貴賓室
▼名古屋中部機場環亞貴賓室
▼名古屋中部機場環亞貴賓室
▼名古屋中部機場環亞貴賓室
吉隆坡國際機場｜最新MEGA Plaza Premium Lounge + Plaza Premium First介紹
吉隆坡國際機場最新Plaza Premium Lounge位於Contact Pier International (鄰近G登機閘口)，仲包括埋Plaza Premium First (暫時未有入First lounge資格詳情)，算係全球少有將lounge合為一體為最大貴賓室之一！貴賓室特別強調 #SenseofPlace，更融入馬來西亞獨有文化。提供馬來西亞美食、展現地方建築特色及展示馬來西亞藝術家的休息室藝術畫廊。貴賓室更舒適的沙發座椅、充電站、免費Wi-Fi、新鮮烹製熱餐、多種飲料及淋浴設施等。
貴賓室位置：
- International Departure Terminal 1, Level 2 (near Gate G) Kuala Lumpur International Airport, Malaysia：24小時開放
▼吉隆坡國際機場最新Plaza Premium Lounge + Plaza Premium First
▼吉隆坡國際機場最新Plaza Premium Lounge + Plaza Premium First
▼吉隆坡國際機場最新Plaza Premium Lounge + Plaza Premium First
▼吉隆坡國際機場最新Plaza Premium Lounge + Plaza Premium First
入Plaza Premium Lounge方法及資格｜另有5大機場貴賓室信用卡比較
環亞貴賓室 Plaza Premium Lounge 是獨立於航空公司的貴賓室，任何旅客拎住有效的登機證都可以付費進入使用，或持有指定信用卡都可免費進入、另外每次入lounge時仲可以用埋Smart Traveller手機app賺取積分，儲夠指定積分仲可以換到指定環亞機場貴賓室3小時入場券，另外亦可兌換優惠券及機場餐飲禮品等。
另外美國運通同滙豐等銀行都有同貴賓室合作，部分信用卡申請門檻低，甚至可以申請附屬卡，同親友一齊免費入環亞機場貴賓室 Plaza Premium Lounge 歎魚蛋粉。如果大家持有指定信用卡 (例如美國運通Explorer及白金卡 (細頭) / 匯豐銀行HSBC everymile / Citi Prestige 信用卡 / Citi PremierMiles等) 就可以免費進入環亞貴賓室。申請定下次搭廉航出發前都可以先入lounge食飽抖夠先上機。
