去日本旅行,出入最方便當然係用交通卡,就好似最常見嘅Suica西瓜卡!除左可以用嚟搭各種交通工具之外,仲可以喺便利店同自助販賣機等地方使用,用途就好似香港嘅八達通卡咁。最近官方宣布部分Suica實體卡暫時停止發售。不過唔使驚,等小編教大家點樣繼續喺iPhone用到Suica,仲可以慳埋買實體卡嘅500日圓!近日ICOCA亦宣布正式支援Apple Pay,又多一張交通卡可以選擇!
目錄
Suica西瓜卡復活!東京6個車站重新發售
最近JR東日本官網公佈,因為晶片不足而喺6月起停止發售嘅Suica西瓜卡終於返黎啦!由即日起,大家可以喺東京站、品川站、澀谷站、新宿站、池袋站、上野站嘅JR東日本旅行服務中心購買Suica西瓜卡,每人限買一張。而Welcome Suica (海外遊客專用,只可用28天),只會喺東京單軌電車羽田機場線羽田機場第3航站樓站出售,其他地方係買唔到架!另外,成田機場則不出售任何Suica西瓜卡或Welcome Suica。
不過官網都加多一句「Welcome Suica和Suica可能已售完」,換句話說去到都係唔包保一定有貨。不過其實就算買唔到實體卡,仲有好多方法搭到車嘅,下文教大家點樣將Suica加入Apple Wallet!
部分Suica、PASMO卡暫時停止發售
Suica、PASMO係日本旅行必用嘅交通卡,不過部分暫時停止發售!官方指暫停發售係受晶片不足影響,目前未有恢復發售嘅日期。小編為大家整理邊啲卡即將暫停發售、邊啲卡仲可以用!
▼Suica卡 (無記名)、PASMO卡 (無記名)、Suica卡 (記名版)、PASMO卡 (記名版)、單軌Suica卡、臨海Suica卡,呢6款交通卡會暫停發售。不過如果你本身已經持有呢啲卡,仍然可以繼續喺日本使用,唔會受到影響。
▼Welcome Suica、PASMO PASSPORT (海外遊客專用,只可用28天),呢2款交通卡會限量發售,每人限購一張。
Suica西瓜卡/PASMO加入iPhone方法教學
另外,小編亦建議大家可以喺Apple Wallet入面新增Suica卡,過程簡單快捷,用起黎都相當方便,即刻睇教學!
▼步驟一:進入Apple Wallet ,點選右上角嘅加號標誌
▼步驟二:選擇交通卡
▼步驟三:選擇Suica西瓜卡或PASMO
▼步驟四:選擇入卡金額,最少$1,000日圓
▼步驟五:選擇付款方式,Visa 信用卡暫時無法付款,要用Master、JCB、銀聯及AE等信用卡
▼完成付款後就可以使用,交通卡唔需要用Face ID 認證,直接拍落感應器就Okay!
ICOCA正式支援Apple Pay|VISA卡用戶恩物!
日本交通卡ICOCA可以加入Apple Pay啦!只要喺Apple Wallet加入ICOCA,之後就可以透過Apple Pay增值、付款。ICOCA支援VISA、Mastercard增值,比起只可以用Mastercard、JCB嘅Suica更方便!如果只持有Visa卡嘅話,ICOCA係你嘅好選擇。
▼步驟一:進入Apple Wallet ,點選右上角嘅加號標誌
▼步驟二:選擇交通卡
▼步驟三:向下掃,在日本類別選擇ICOCA
▼步驟四:選擇入卡金額,最少$1,000日圓,之後用信用卡付款即可
日本又有新Outlet? 唔好再逼我買嘢啦~呢個新Outlet 仲係主打有綠化庭園同多間露營用品Outlet店,夜晚仲有營火體驗,無論係露營新手定老手都係必去!今次就有 @風信子與旦那 帶大家去行下呢個新Outlet!
▼露營友必去!⛺️2023關東最新Outlet🤩 | 關東最大Snow Peak、全日本最大3 Coins+💰 | THE OUTLETS 湘南平塚
大阪除咗黑門市場之外,竟然仲有一個超抵食嘅魚市場🐟竟然仲可以批發價爆食魚生?! 今次Claudia 同Mayu 就帶大家去呢個市場睇下,想知邊幾間店最值得食同要幾點去就記住睇片~
▼喺大阪市中心批發價食魚生?! 🐟HK$1.5 一隻甜蝦/HK$4.7帆立貝😍幾點起身先食到好西?|大阪本地人去嘅魚市場-大阪木津市場
淺草已經去過好多次?新和服、新景點,您又體驗過未?今次有熱菇同菇咪咪 @JAPANGoGoGo3帶大家著住和服咁淺草一日遊,除咗必去嘅淺草寺,仲有室內嘅最新打卡景點淺草橫町,包你相機同個肚都收獲滿滿!
▼🏮淺草最新和服一日遊路線2023!超特別和服款唔怕撞👘必住漫畫風酒店🏩最新夏祭風打卡熱點🎋|HOTEL TAVINOS淺草、HANAYAKA淺草和服體驗館、淺草橫町
2 comments
Visa 都係增值唔到ICOCA
用銀聯就可以,去車站嘅非插卡式增值機都得