如果去過大阪，都會知道梅田係擁有全大阪最複雜地形嘅地方，就好似一個迷宮，行行下好容易會盪失路！梅田嘅每一條地下街都有唔同嘅特色小店、食店！今次小編帶大家去「新梅田食道街」、「阪急三番街」，發掘下有咩必食嘅隱世美食！另外，日本已經取消疫苗證明，但係記住仲要填Visit Japan Web啊！
跟住呢條片遊大阪地下街，就唔再怕迷路～今次Claudia同Mayu會帶大家去新梅田食道街，阪急三番街同大阪最大地下街Whity！仲會食盡人氣同隱世美食！
相關優惠：【關西酒店2025】關西最新酒店推介 大阪、奈良、京都酒店
目錄
【新梅田食道街】
由JR大阪站出發，向著御堂筋線南口一出，過對面馬路就會到達「新梅田食道街」。一齊睇下小編推薦嘅店鋪有邊啲啦！
はなだこ (HANADAKO)
はなだこ係好受歡迎嘅章魚燒店，經常都大排長龍！最出名嘅就係「蔥花蛋黃醬章魚燒」，每一盒都會附送一大包蔥花，如果鍾意食蔥嘅話一定要試！不過佢哋嘅章魚燒係偏淋身，唔係脆皮嘅～
蔥花蛋黃醬章魚燒售價：6粒610日圓 (約$32)；8粒780日圓 (約$41)；10粒950日圓 (約$50)
▼はなだこ外觀
▼はなだこ章魚燒
はなだこ
- 營業時間：早上10點 – 晚上10點
- 地址：大阪府大阪市北区角田町9-26 大阪新梅田食道街1階 (地圖)
- 電話：+81 06-6361-7518
- Tabelog餐廳資訊
笑卵
笑卵最出名嘅就係「笑卵飯」，即係將蛋白打到好散，之後將兩隻蛋黃放係上面，再自己淋上醬油，口感軟綿綿，好似生雞蛋拌飯咁！
笑卵飯售價：680日圓 (約$36)
▼笑卵外觀
▼笑卵飯
笑卵
- 營業時間：星期一至六 早上11點 – 晚上10點30分；星期日及公眾假期 早上11點 – 晚上9點30分
- 地址：大阪府大阪市北区角田町9-26 大阪新梅田食道街1階 (地圖)
- 電話：+81 06-6361-1880
- Tabelog餐廳資訊
たこ梅
たこ梅幾乎係日本最古老嘅關東煮店，湯底濃郁鮮美，好多人都慕名而來！
▼たこ梅外觀
▼たこ梅關東煮
たこ梅
- 營業時間：星期一至五 下午4點 – 晚上10點50分；星期六、日及公眾假期 下午3點 – 晚上10點50分
- 地址：大阪府大阪市北区角田町9-26 大阪新梅田食道街1階 (地圖)
- 電話：+81 06-6311-5095
- Tabelog餐廳資訊
ワイン酒場 すぱいす・かりー
Instagram人氣店！好多上班族都會特登過黎食佢哋嘅咖喱飯！
咖喱飯售價：1,000日圓 (約$53)
▼ワイン酒場 すぱいす・かりー外觀
▼ワイン酒場 すぱいす・かりー咖喱飯
ワイン酒場 すぱいす・かりー
- 營業時間：早上11點 – 晚上10點30分
- 地址：大阪府大阪市北区角田町9-26 大阪新梅田食道街1階 (地圖)
- 電話：+81 06-6766-4087
- Tabelog餐廳資訊
立ち寿し しおや
新梅田食道街嘅人氣立食壽司店！食材非常新鮮，小編去食嘅時候，上菜嗰陣隻蝦、鮑魚竟然仲識得郁！
七件壽司手卷套餐售價：880日圓 (約$46)
▼立ち寿し しおや外觀
▼立ち寿し しおや壽司
立ち寿し しおや
- 營業時間：早上11點30分 – 晚上11點 (星期三休息)
- 地址：大阪府大阪市北区角田町9-26 大阪新梅田食道街1階 (地圖)
- 電話：+81 06-6366-0246
- Tabelog餐廳資訊
相關優惠：【大阪環球影城攻略2025】最新大阪環球影城門票價錢及快速通關Pass介紹、開售時間優惠｜園區附近酒店住宿推介｜Klook KKday 限時日本環球影城優惠｜持續更新
【阪急三番街】
離開「新梅田食道街」後，向著阪急嘅出口一出，然後向左轉，就可到達「阪急三番街」。
PIECE OF BAKE
位於「阪急三番街」北館嘅Food Court，係Instagram爆紅嘅日本生冬甩！受歡迎到好快就賣晒，如果想食嘅話唔可以太晏去啊！裡面包著嘅忌廉唔算太甜，配上外面唔同味道嘅配料，口感一流，推薦！
售價：忌廉味生冬甩410日圓 (約$22)；開心果味生冬甩486日圓 (約$26)；檸檬味生冬甩464日圓 (約$24)
▼PIECE OF BAKE外觀
▼PIECE OF BAKE
PIECE OF BAKE
- 營業時間：早上11點 – 售完即止
- 地址：大阪府 大阪市北区 芝田 1-1-3 阪急三番街 B2F (地圖)
- Tabelog餐廳資訊
KIDDY LAND
除咗食嘢之外，阪急三番街亦都係shopping嘅好地方！KIDDY LAND售賣各式各樣嘅卡通精品，例如SANRIO、卡通動漫週邊、Mofusan、迪士尼，應有盡有！
▼KIDDY LAND
KIDDY LAND
- 營業時間：早上10點 – 晚上9點
- 地址：大阪府大阪市北区芝田1-1-3 阪急三番街北館 (地圖)
- 電話：+81 06-6372-7701
- KIDDY LAND官方網站資訊
相關優惠：日本藥妝攻略2024｜日本超公正雜誌推介必買藥妝｜由$32到$700都有！
鍾意買古著嘅人可能都會去心齋橋同美國村嘅古著店，其實喺大阪仲有另一個選擇，就係去跳蚤市場啦！今次就有Claudia同Mayu 同大家去萬博紀念公園－關西最大級別嘅跳蚤市場，睇下最平幾錢買到一套古著！
▼慳錢攻略💰最平100円一條連身裙?! 👗5000円購物挑戰🤩｜大阪買古著必去跳蚤市場｜大阪古著｜日本古著｜萬博紀念公園跳蚤市場
大阪除咗黑門市場之外，竟然仲有一個超抵食嘅魚市場🐟竟然仲可以批發價爆食魚生?! 今次Claudia 同Mayu 就帶大家去呢個市場睇下，想知邊幾間店最值得食同要幾點去就記住睇片～
▼喺大阪市中心批發價食魚生?! 🐟HK$1.5 一隻甜蝦／HK$4.7帆立貝😍幾點起身先食到好西？｜大阪本地人去嘅魚市場－大阪木津市場
喺大阪想去Outlet 終於唔使去臨空城啦！🤩今次Claudia同Mayu會帶大家去大阪門真市新開嘅Lalaport同三井Outlet💰，呢度一共有成二百五十幾間舖頭咁多！🛍而且商場入面仲有一個黑門市場、角落生物遊樂場，仲唔係最新食買玩最強商場?!😍