眨眼就來到2026年，今年是「丙午年」，亦就是我們俗稱的「赤馬年」。火氣旺盛的一年，大家是不是都想動起來，飛返轉去「行大運」呢？所謂「動則生財」，今年既然是馬年，驛馬星動，最適合就是執行李出發旅行！小編特別參考流年運程，為大家整理12生肖的開運方位及航點。無論你想去擋煞、招桃花定係純粹歎世界，即刻睇下你今年應該飛去邊喇！
目錄
鼠、牛、虎、兔：蓄勢待發，尋找新靈感
生肖鼠：沖太歲要「避世」
- 運程關鍵詞： 變動、壓力、需要放鬆
- 開運方向： 北方
- 推薦航點：日本北海道
- 編輯推介： 今年屬鼠的朋友仔「沖太歲」，心情容易煩躁。最適合去日本最北端「遇水則發」或者睇雪景冷靜下！北海道的四季都好適合你，去小樽運河散步，或者去二世古滑雪，將煩惱全部拋諸腦後，就是最好的化煞方法！
延伸閱讀：北海道雲海平台Cloud9最新打卡點
生肖牛：穩中求勝，歎世界首選
- 運程關鍵詞： 貴人運、享受、美食
- 開運方向： 東南方
- 推薦航點：越南峴港 / 泰國西南蘇梅
- 編輯推介： 屬牛的朋友今年運勢不錯，但要避免過度勞累。東南方的海島國家最旺你！峴港有陽光海灘又有平價海鮮，或者去蘇梅島做個頂級 Spa，「慢活」節奏可以幫你叉滿電，返黎搏殺更有力！
延伸閱讀：越南峴港8大熱門度假村推介
生肖虎：三合好運，挑戰自我
- 運程關鍵詞： 魄力、冒險、事業運強
- 開運方向： 東方
- 推薦航點：台灣東部花蓮 / 日本東京
- 編輯推介： 屬虎今年同太歲「三合」，運勢強勁！去東方可以旺上加旺。如果你鍾意大自然，去台灣花蓮行下太魯閣，吸收天地靈氣；如果你係都市派，東京的新潮流、新景點最能夠激發你今年的事業靈感。
生肖兔：桃花燦爛，浪漫之旅
- 運程關鍵詞： 人緣、社交、打卡
- 開運方向： 西北方
- 推薦航點：四川成都 / 土耳其
- 編輯推介： 雖然西北方對香港黎講比較遠，但今年屬兔的朋友人緣運好，適合去一啲有文化底蘊或者打卡靚的地方。近近地去成都睇熊貓、食火鍋；想飛遠啲？直飛伊斯坦堡坐熱氣球啦！浪漫氛圍最旺你的桃花運！
龍、蛇、馬、羊：熱情如火，玩樂至上
生肖龍：延續強勢，豪華享受
- 運程關鍵詞： 財運、地位、升級體驗
- 開運方向： 西南方
- 推薦航點：泰國布吉 / 新加坡
- 編輯推介： 屬龍的朋友今年財運依然唔錯，去旅行唔好待薄自己！西南方的新加坡或者布吉島都好方便。建議揀間靚酒店 Staycation，去米芝蓮餐廳摘星，「富貴氣」會令你全年財運更順。
生肖蛇：太歲相刑，熱鬧擋煞
- 運程關鍵詞： 忙碌、是非、需要正能量
- 開運方向： 南方
- 推薦航點：澳洲珀斯 / 印尼峇里
- 編輯推介： 屬蛇今年稍微有點犯太歲，容易有口舌是非。建議往南方走，擁抱陽光！澳洲珀斯同香港無時差，陽光與海灘可以驅走陰霾；又或者去峇里島的烏布 (Ubud) 做下 Yoga，淨化心靈，是非自然遠離你。
生肖馬：本命年，宜靜不宜動
- 運程關鍵詞： 值太歲、自律、文化氣息
- 開運方向： 西方
- 推薦航點：韓國首爾 / 西安
- 編輯推介： 2026 是你的本命年，所謂「太歲當頭坐」，去旅行唔好玩太激（笨豬跳嗰啲可以Skip）。西方的金氣可以幫你洩去過多的火氣。首爾的古宮漫步，或者去西安睇兵馬俑，接觸歷史文化，這種沉穩的行程最能夠幫你「定驚」安神。
生肖羊：六合大吉，盡情購物
- 運程關鍵詞： 貴人多、開心、Shopping
- 開運方向： 西南方
- 推薦航點：馬來西亞吉隆坡 / 泰國曼谷
- 編輯推介： 屬羊的朋友今年同太歲「六合」，運勢數一數二好！心情好自然想買野。西南方的曼谷或者吉隆坡，物價低又多野買，最適合你去掃貨。帶著戰利品返香港，心情好，運氣自然更加好！
猴、雞、狗、豬：穩步上揚，探索新奇
生肖猴：驛馬星動，越遠越好
- 運程關鍵詞： 奔波、外地財、新鮮感
- 開運方向： 西方/歐美
- 推薦航點：英國倫敦 / 杜拜
- 編輯推介： 既然驛馬星動，屬猴的朋友今年注定「坐唔定」。如果有假期，建議飛長途！西方的倫敦或者杜拜都係好選擇。去外地走動多啲，反而有機會帶動你的「異地財運」，話唔定係旅途中會發現新商機！
生肖雞：紅鸞星動，甜蜜出遊
- 運程關鍵詞： 愛情、喜慶、美學
- 開運方向： 東北方
- 推薦航點：日本京阪神
- 編輯推介： 屬雞今年有紅鸞星，單身既要去旅行識人，有伴侶既就係求婚/度蜜月好時機！東北方的日本關西地區（大阪、京都）最適合。著住和服係京都街頭影相，那種唯美感最旺你的桃花同人緣。
生肖狗：華蓋入命，文青路線
- 運程關鍵詞： 靈感、藝術、獨處
- 開運方向： 東方
- 推薦航點：台灣台北 / 日本四國
- 編輯推介： 今年屬狗的朋友思想比較豐富，可能想避開人潮。去台灣台北行下誠品、睇下展覽；或者去日本四國睇藝術祭、行神社，這種充滿文藝氣息的旅行，可以幫你理清思緒，對事業規劃好有幫助。
延伸閱讀：台北蜷川實花展覽
生肖豬：平穩過度，尋找美食
- 運程關鍵詞： 口福、聚會、享樂
- 開運方向： 北方
- 推薦航點：韓國釜山 / 北京
- 編輯推介： 屬豬今年運勢平穩，最重要係「食得是福」。北方的釜山海鮮鍋、或者北京的填鴨都等緊你。唔需要趕行程，約埋三五知己去食好西，保持心寬體胖，好運自然會黎搵你！
以上建議純屬參考，其實去旅行最緊要係 心情靚！心情好，磁場自然好，去邊度都係行大運！想搶平機票飛去心水目的地？記得留意住我地 Flyday 的最新機票優惠推介喇～