近期最筍！富途證券用Flyday邀請碼開戶，獨家送曼谷機票或福岡/大阪機票！留存$10,000 60日就送，無其他要求！
作為外國人，走喺伊朗嘅街道上，你會發現你異常受歡迎！除咗俾人搭訕同集郵之外，只要你一停低搵路，好快就會有人嚟關心你有咩需要。坐地鐵，成個車廂嘅人都會提醒你幾時落車。就算語言不通，伊朗人都似乎好努力而固執地表達佢地嘅善意。馬漢航空開通了深圳、廣州直飛伊朗航班，不時會推出優惠。
而最令小編深刻嘅係喺伊斯法罕遇上嘅一家人。佢地其實係小編朋友嘅朋友，一知道我地會去伊朗，就邀請我地去小住兩日。去之前其實有少少忐忑，但當入到去傾多幾句計，我地就好快混熟咗！朋友媽媽雖然唔識英文，但笑容就係最好嘅語言。為咗我地三位遠方嘅客人，佢每日都親手炮製大餐俾我地食！有機會食到伊朗家常菜，小編表示好感恩！原來伊朗人同我地差唔多，都好鍾意食蕃茄、薯仔同埋矮瓜架！反而佢地知道我地習慣煮熟啲菜嚟食，同埋會邊食飯邊飲水好驚訝！
就係咁，我地過咗好難忘嘅兩日，日頭出去周圍行，夜晚同佢地家族打Fifa (係家族！因為佢地親戚都為咗我地過咗嚟食飯)。臨別依依嘅時候，伊朗媽媽親吻我地臉頰告別，仲貼心地準備咗一大袋生果和零食給我們趕路嘅時候食，喺果個moment，小編真係感動得一蹋糊塗！
其實好難相信，呢個世界竟然存在著對陌生人如此親切嘅民族。伊朗人嘅好客，喺細節中更表露無遺。在重重嘅標籤同埋誤解之下，當地人仍能保持這般熱情及質樸，實在非常難能可貴！呢個世界有好多角落，其實值得更多地被看見同埋了解。
