一隊人騎住駱駝????，一望無際橙紅色嘅沙丘，火紅色嘅日落?，這就是傳統中嘅撒哈拉沙漠！??
從前以為馬爾代夫啲沙係最幼最滑，黎到撒哈拉沙漠先發覺原來幼滑嘅極致喺呢度！
唔著鞋一踩上去好乾爽好軟淋淋，完全唔想著返對鞋呀！??
話說黎呢度嘅目標係睇星空，小編咁大個仔都未見過成個天空360度都勁多星星?，第一眼一望，感動到想喊??！
仲有流星呀！曾經小編都喺香港嘅流星雨季節追過流星，訓喺草地兩粒鐘，一個鐘睇到一粒以為已經好幸運。
但係，喺撒哈拉沙漠呢度，嘩！係一分鐘一粒呀????，許願許到你攰！唔知當流星雨季節嘅時侯來到呢度，會唔會多到眼花呢？⁉️
一般來講去摩洛哥嘅撒哈拉沙漠都會參加沙漠團，有兩種：一種係散客普通團，無獨立廁所無得沖涼同埋要同人地share 房。
今次小編參加嘅係豪華團，間房同酒店房一樣，又有熱水，張床又舒服！
＊強烈建議去沙漠團要預留4日3夜，喺沙漠住兩晚，留一整日係沙漠行下沙丘影下靚相玩下滑沙。
講起玩滑沙，拎住塊板行上沙丘好痛苦，行一步上去跣半步落黎，玩兩三次就無力再玩了。
但如果剩係沙漠住一晚嘅話，下午6點去到營地，第二朝9點就要離開，完全唔夠喉！
有任何關於摩洛哥、book 沙漠團、包車嘅問題都可以問Aisha 摩洛哥之天方夜譚。
佢一個香港女仔隻身走左去Marrakesh 開民宿，得閒帶包出前一丁去探下佢，佢應該會好開心?～佢仲可以教你點樣係市集買野講價！
小編參加佢嘅沙漠團，個司機係超．級．好，又誠懇又風趣又有禮貌！所以最後開開心心俾左$700 貼士！
(不過騎駱駝嘅時間太長，騎左一個半鐘先到達營地，騎到屎忽痛，啲駱駝一路行又會痾屎痾尿?。
當第二日營地問有無人想騎駱駝出返市鎮，人人都耍手擰頭表示要坐車～????)
