近期最筍！富途證券用Flyday邀請碼開戶，獨家送曼谷機票或福岡/大阪機票！留存$10,000 60日就送，無其他要求！
話說小編同朋友趁住農曆新年，匆匆走訪咗一轉被譽為最快樂嘅國度 – 不丹。
喺不丹，如果話有個一定要去嘅景點，就一定要數虎穴寺！虎穴寺可以話係不丹人嘅佛教之源，相傳藏傳佛教祖師 – 蓮花生大士於公元8世紀時曾經騎着雌虎經過不丹，並於虎穴寺所在地降妖伏魔並開闢山洞修行，從此以後，虎穴寺就成為佛教教化之地，而不丹人就都改信佛教呢！
我地一早去到山腳基地，就已經俾白茫茫嘅雪山景吸引住，越上山海拔越高，積雪就越厚，所睇到嘅景色就越靚！當然，亦代表山路越難行???虎穴寺山路唔算平整，但就算係咁，沿路都見到好多不丹家庭扶老攜幼上山，希望獲取喇嘛祝福。
幾經辛苦終於去到虎穴寺，聽住導遊講述虎穴寺嘅歷史同埋其背後嘅宗教故事，睇住佢地虔誠地對佛像行大禮，一種感動油然而生。對不丹人嚟講，虎穴寺就係佢地嘅麥加。而對於遊客嚟講，呢段風景靚到不可思議嘅朝聖之路亦成為不丹之行最精彩嘅一環！
小貼士：
1) 由基地來回虎穴寺徒步約需七小時，建議準備少量乾糧及糖果，沿路有一個休息站。
2) 於山腳下可以租馬匹代步，不過因為安全問題只可以騎到半山位置，繼續上山及回程都只能用自己雙腳。
3) 如果冬天去建議穿雪抓鞋或者防水行山鞋，融雪嘅時候真係超級跣！小編同朋友基本上一路行一路跣落山lol
4) 虎穴寺係不丹人心中嘅聖地，請入鄉隨俗，如有僧人贈與聖水，請飲用以表尊重，如不想可微笑拒絕。