fbpx
Flyday.hk 低成本旅遊情報網
Home 小編去旅行 不丹 – 記世界上最特別嘅郵票

不丹 – 記世界上最特別嘅郵票

by Flyday.hk
0 comment

講起不丹特色手信,就一定唔可以唔提不丹郵票!不丹郵票非常有名,經典作有唱片郵票同埋CD郵票,神奇在寄到信之餘仲播到歌,其他郵票亦極有特色!而對遊客嚟講,最正就一定係可以喺郵局即場製作自己嘅個人郵票,亦係小編今次不丹之行最期待嘅部份呢♥️

喺首都廷布的郵政總局有個專屬counter,大家嚟到只需要將相片傳俾職員,經過簡單處理,就可以即刻列印出嚟成為史上最特別嘅郵票XD無論係風景相、不丹旅行相、甚至係自拍相,只要無涉及到版權都無問題!而且唔需要任何制作附加費,價錢以郵票票面價格為準。小編整咗三款共三十六張小郵票,每一款都係500BTN ($56)咋!重點係每一小張郵票已經可以寄到postcard返香港喇!真係好實用,小編已經想像緊啲朋友收到嘅反應(笑)。郵局內亦有其他款式嘅郵票俾大家購買收藏,最有特色當然係不丹國王與王后的郵票喇!

去不丹旅行必須要跟團,一於等小編醒幾個跟團小貼士俾想去不丹嘅朋友喇!

1) 團費跟政府規定劃一收費。每年3至5月及9至11月為旺季,每人每晚團費250USD﹔每年6至8月及12至2月則為淡季,每人每晚團費200USD。小編於二月農曆新年假期出行,算係淡季。

2) 香港無直航飛不丹,可於曼谷/新加坡/加德滿都/加爾各答等地轉飛不丹,比較熱門嘅轉機地點為曼谷/加德滿都。小編喺孟加拉達卡轉機,不過簽證超級麻煩不建議。

3) 不丹貨幣為努扎姆 (BTN),因為團費已包括大部分洗費,另外很多商店都接受美金,建議於機場兌換少量努扎姆即可(除非你需要整大量個人寫真郵票XD)。

相關優惠

發佈留言

This site uses Akismet to reduce spam. Learn how your comment data is processed.