【Citi PremierMiles信用卡優惠】好正啊！新客戶開卡即送25,000 里數(相等於300,000積分)！即是一張日本/韓國來回機票！
史上最筍！富途證券用Flyday邀請碼開戶，送$2,000 Apple Gift Card/超市禮券！留存60日就送，無其他要求！
話說兩位小編諗緊下次旅行去邊的時候，就俾高加索呢個地區吸引到，高加索地區泛指格魯吉亞、亞美尼亞、亞塞拜疆三小國，呢個地區係中亞文明發源地，歷史悠久兼且風景優美物價低廉，因為個名實在太型的關係，小編s就趁放假一齊去探索呢個神秘地區！
小編s首站就去咗格魯吉亞首都第比利斯，首都好似仲停留咗係中古世紀咁，有好多古建築物，同布達佩斯有啲相似，小編特別鐘情於果啲古教堂的塔頂！除咗係市內遊走之外，因為格魯吉亞係葡萄酒發源地，所以我地都特登去咗品酒，係wine bar飲一杯靚紅酒都係2-3美金咋，連埋main courses每個人都係幾十蚊港紙，真係可以話係東南亞價錢，歐洲享受！
而由首都坐兩個鐘minivan，就可以到達高加索山區。小編s按照網上的一日徒步路線上山，以全歐洲最高的教堂為目的地，來回大約需要步行約六公里，沿途風景真係靚到不得了！不過段山路比較斜，而且未經開發，再加上岩岩落完雨，所以小編要好努力先去得到山頂！但就算行得再辛苦都好，望到咁多美景，一切都好值得！
有靚景，美食，紅酒，雪山，同埋溫泉，加上治安良好，物價夠晒平，格魯吉亞真係稱得上一個旅遊好地方。不過，小編去呢個國家前都有啲波折。話說小編做足準備，第一次申請簽證的時候竟然被拒簽，好彩趕得及出發前重新申請到，睇返網上亦有好多個案係莫名其妙被拒簽，所以如果大家想去格魯吉亞，小編就建議大家最好早啲申請定簽證喇！
