日本紅葉預測2026｜日本紅葉情報出爐！今年天氣較熱，紅葉見頃預測日子比去年再稍微推遲，暫時預測札幌最早，紅葉11月7就見頃，東京11月29日、大阪/名古屋/福岡12月初，但相信實際日子會再推後。大家如果今年想去日本賞楓看紅葉，記得繼續留意見頃日子再決定！
目錄
【日本紅葉預測2026】最新第一回紅葉見頃情報｜札幌11月初、東京11月底、大阪 名古屋 福岡12月初
根據日本氣象株式會社公佈的紅葉見頃預測圖，預測今年見頃日子都會受到天氣影響而推遲。最新發佈的第1期紅葉預測就顯示，暫時札幌最早，11月9日就見頃，東京為11月尾，而大阪、名古屋、福岡為12月頭。
▼2026年日本紅葉預測
除了主要大城市外，其他地區日子如下：
熱門日本賞楓行程推介
群馬渡良瀨溪谷＆高津戶峽谷賞楓一日遊
位於栃木縣嘅足利市一向都係賞楓、櫻花及紫藤花必到嘅地方，由東京出發，大約1-2小時就到達！重點推介大家坐渡良瀨溪谷鐵道，因為車程途中可以由車窗欣賞溪谷上見頃嘅紅葉。另外市內嘅光之花庭園，仲有關東地區最大的燈光show欣賞！哩個近郊一日遊行程，一定可以滿足到準備去日本賞楓嘅你！
▼渡良瀨溪谷鐵道
▼足利光之花庭園
富士山 & 紅色地膚草之旅
去咗富士山咁多次，小編都係未成功見到富士山全相 (因為天氣問題)，唔知你又係唔係？11月-12月就係最好天氣，大機會見到富士山全相之外，仲有紅葉同紅色掃帚草 (地膚草)！
▼富士山河口湖紅葉
▼五合目紅葉
▼大石公園紅色掃帚草 (地膚草)
日光神社 & 寺廟 & 秋季特色景點之旅
同樣係東京近郊地區日光，以自然風景同寺廟聞名，例如華嚴瀑布同日光東照宮等，仲有頭文字D嘅名場面伊呂波坂山道，亦都係秋季賞楓嘅熱門景點！
▼華嚴瀑布紅葉
▼日光伊呂波坂又叫做紅葉坂
白川鄉 & 高山 & 金澤2日遊
去大阪旅行，當然都會去埋大阪市外遠少少嘅地方玩一兩日，例如白川鄉、高山同金澤等地方。雖然賞楓季節同白川鄉點燈日子仲有一段距離，但係其實秋天嘅景色都係日本絕景之一！咁難得去高山，當然要食埋飛騨牛啦！仲有日本三大名園之一 金澤兼六園嘅紅葉景色都行程中最吸引嘅一大景點！
▼白川鄉合掌屋紅葉
▼飛騨高山紅葉
▼飛騨牛又點可以唔食！
▼日本三大名園之一 金澤兼六園
