相隔三年終於再黎到日本沖繩！上一篇文同大家介紹咗小編住嘅沖繩逸之彩深層溫泉酒店，除咗鄰近酒店嘅國際通之外，小編仲去咗其他景點，食嘅買嘅都有！即刻睇下沖繩有咩景點啦！
想知道關於沖繩逸之彩深層溫泉酒店更多資料嘅話，記住去睇詳細酒店review！而家即刻為大家介紹小編去咗咩沖繩景點啦！
國際通
酒店鄰近繁華嘅國際通，相信對大家嚟講都唔陌生。國際通餐廳林立，唔少更營業至凌晨，夜晚肚餓都唔怕冇野食！最為人熟悉嘅一定係國際通屋台區，餐廳以居酒屋為主，亦有壽司店、拉麵店等，提供各種沖繩料理。小編有去國際通大街餐廳，亦試過小店。 如果想體驗多啲當地文化，建議大家都係走入去巷內揀下啲小店，因為小店價錢實惠得嚟食物質素又高，又易啲同其他食客互動。
▼國際通
▼國際通屋台村
牧志公設臨時市場 & 壺屋通
行到牧志裡面有第一牧志公設臨時市場，入面除咗有海鮮肉類賣，林林總總嘅乾貨濕貨都有，而二樓就係食堂。有間鋪主要賣新鮮水雲同埋海葡萄，想買手信都可以嚟買呢啲新鮮食品！不過要注意返市場嘅營業時間～
牧志平和通商店街尾端係壺屋通，聚集咗好多賣陶器嘅特色商店，相比起國際通，呢到多一份悠閒感。由酒店行過去都好快，經過一條小路就到壺屋。行到壺屋嘅一條斜坡上面，有間迷你木質感設計cafe，麻雀雖小五臟俱全，唔單止咖啡種類多，櫃台旁仲有售賣由老闆娘烘焙嘅麵包蛋糕。行完牧志市場有時間嘅話，可以過嚟飲杯咖啡chill吓～
▼第一牧志公設臨時市場
▼第一牧志公設臨時市場
▼第一牧志公設臨時市場
▼新鮮水雲
▼海葡萄
▼平和通商店街
▼壺屋通
▼壺屋通cafe
▼壺屋通cafe
泊港漁市場
沖繩總共有3個漁市場，位於那霸市區內嘅泊港漁市場係其中之一，想食新鮮海鮮嘅話必去！自駕遊嘅話，市場出面有個免費停車場。泊港漁市場相對上就冇咁大型，只有兩條巷。而且可以坐低進食嘅地方唔多，只有出入口旁邊嘅幾張枱。小編就揀咗間可以堂食、即叫即煮嘅海鮮店。生蠔、拖羅刺身等的確新鮮，而經店鋪烹煮過嘅海鮮就不過不失啦～
▼泊港漁市場
▼泊港漁市場
▼泊港漁市場
▼🇯🇵沖繩全新2間絕美海景酒店＋必去景點🌊｜2022最新沖繩旅行攻略｜沖繩美麗海水族館、萬座海濱洲際度假酒店、Blue Steak Wonder Hotel、Ryukyu Hotel&Resort
