香港航空｜香港航空復飛塞班島｜塞班島優惠｜香港航空 Hong Kong Airlines 宣布復飛塞班島，又可以直航飛去呢個海島狂玩水上活動！即日起至26年3月22日前出發，直航來回塞班$2,986 起 (連稅$3,909 起)，包1件23kg行李，平飛集中係明年3月。今次復飛每星期將會有兩班航班往返，夜機去凌晨機返，為目前唯一提供該航線直航服務的本地航空公司。
【香港航空塞班島優惠】直航回歸！來回4千1起包1件23kg行李｜一星期兩班航班
好消息！香港航空宣布由即日起至2026年3月22日復飛塞班島！使用指定優惠碼，直航來回塞班$2,986 起 (連稅$3,909 起)，包1件23kg行李。去到塞班島呢個海島，當然離唔開玩水，喺塞班島本島附近嘅軍艦島係當地水上活動大本營！
所有入境塞班島的旅客須申請並獲得經批准的 G-CNMI 旅遊許可電子授權 (eTA) ，請在預訂旅程後或在出發前往塞班島之前至少五天獲得旅遊授權 (了解更多)。
航班詳情
- 去程：HX076 18:40-01:30 +1 (逢星期四、日)
- 回程：HX077 03:00-06:00 (逢星期一、五)
【優惠日期】即日起
【出發日期】即日起至2026年3月22日 (視乎供應)
(11月30日前，用永安旅遊滙豐信用卡優惠碼 HSBC180T，未連稅滿$1,800即減$180)
(12月31日前經trip.com預訂，Flyday獨家機票99折優惠碼 FLYDAYF1)
▼ 經我們測試，用永安旅遊用滙豐信用卡優惠碼 HSBC180T 預訂，26年3月8日至16日出發，香港航空直航來回塞班$2,986 起 (連稅$3,909 起)，包1件23kg行李。
小編出走｜上天下海玩盡塞班島
講起陽光與海灘，唔知大家會諗起邊個地方呢﹖唔想次次都係果幾個選擇﹖今次小編有個好地方推介俾大家！距離香港約五個小時航程的美屬塞班島，位於太平洋心臟地區，整個海島被一望無際的海洋包圍，水質清澈透明，連TVB節目「當四葉草碰上劍尖時」同埋「三日兩夜」都曾經係度實地取景！一齊嚟睇下有咩玩喇！
嚟得海島，當然離唔開玩水！係塞班島本島附近嘅軍艦島係當地水上活動大本營！軍艦島外圍有一圈天然嘅環形珊瑚，阻隔咗海浪，係裏面潛水風平浪靜，好安全架！最重要嘅係，果度嘅景色真係靚到令人嘩一聲！靚到連一向細膽嘅小編都忍唔住玩咗浮潛、拖傘同埋海底漫步！
島上劃咗個安全區域俾人浮潛
玩完浮潛就去玩海上拖曳傘。著好安全帶，工作人員就開船拉咗小編上天！小編有少少畏高，上去果時真係有啲驚！不過係幾十米半空吹住風望返落嚟都幾得意！
一飛衝天！
而最令小編覺得amazing嘅就係海底漫步！就算唔識游水，只要戴咗一個類似太空人嘅頭盔就可以呼吸無阻咁係四米深嘅海床上步行！喺海底腳踏實地嘅感覺好奇妙！行行下工作人員仲俾咗啲腸仔小編餵魚，俾大量魚仔包圍嘅感覺超級幸福啊！
除外精彩嘅水上活動之外，塞班島亦係少有可以學習揸飛機嘅地方！只要你年滿14歲，就可以喺機師指導下，揸住小型飛機環塞班島二十分鐘！學完仲有一張證書留念添！
係機上望返落去好正
上完天下完海，一於做返啲靜態少少嘅活動喇！小編向來都覺得去一個地方旅行，一定要了解下當地嘅歷史。所以小編去咗參觀CNMI Museum of History and Culture。呢座由前日軍醫院改建而成嘅博物館，詳細介紹咗北馬里亞納群島四千幾年歷史，更收錄原住民查莫洛人和卡若蘭人的史前用品，以致西班牙、德國、日本、第二次世界大戰及美聯邦時期的展品，想了解多啲塞班島歷史嘅朋友就唔好錯過喇！
博物館外觀
傳統草屋
去完博物館，小編就去咗跟原住民學傳統手藝─香蕉樹畫同埋織花環！香蕉樹畫，顧名思義，即係用香蕉樹原木為畫筆，混合唔同顏色，用創意同埋想像印出你想要嘅圖案！
原住民導師，據說佢係當地部落大人物！
玩咗咁耐，係時候休息下！去旅行，美食當然係不可或缺嘅一環！小編推介PIC太平洋島度假村嘅Buffet！食物款式應有盡有！仲有啤酒同埋紅酒任飲！
塞班島實用資料
- 時差：快香港2小時
- 貨幣：美元
- 簽證：持有 BNO 及香港特別行政區護照可豁免美國簽證入境塞班島(必須同時出示有效的香港永久性居民身份證)，並逗留 45 天 。