日本四季分明，一年四季可以欣賞唔同花卉植物，賞花亦成為好多人去日本嘅目的之一！每年4至5月除咗係國營常陸海濱公園粉蝶花丘嘅花期，仲有富士芝櫻祭！小編為大家整理富士芝櫻祭攻略，包括前往方法、門票價錢、套票、本地一日遊旅行團，鍾意睇花嘅你一定唔可以錯過！另外，日本已經取消疫苗證明，但係記住仲要填Visit Japan Web啊！
富士芝櫻祭
芝櫻其實並非櫻花，而係針葉天藍繡球花嘅一種。佢有呢個名係因為花嘅形狀、粉嫩嘅花色同櫻花相似，而且花期緊接喺櫻花之後嘅4至5月。講起賞芝櫻，一定不可不提富士芝櫻祭。位於本栖湖旁嘅富士本栖湖度假村，每年春季都會舉辦富士芝櫻祭，係關東地區規模最大嘅芝櫻祭典，今年花期去到5月28日。50萬株芝櫻遍佈於超過1.5公頃大嘅範圍，一大片粉紅色芝櫻海，再加上富士山美景，非常值得一去！
如果想知道開花情況，可以留意官方Instagram，官方YouTube仲有直播俾大家睇實時情況添！
▼富士芝櫻祭
▼芝櫻
▼富士芝櫻祭地圖
門票詳情
即日起至5月14日：成日門票 (中學生以上) 1,200日圓；兒童門票 (3歲以上) 600日圓
5月15日至5月28日：成日門票 (中學生以上) 1,000日圓；兒童門票 (3歲以上) 400日圓
除咗喺會場入口購票，仲可以喺KKday預先購買門票。
相關優惠：日本東京新酒店推介｜澀谷型格新酒店及國際品牌酒店｜附詳細介紹及預訂網址
交通方法
想前往富士芝櫻祭，可以喺新宿出發，乘搭「特急 富士回遊」直達「河口湖站」；或乘搭「JR中央線 特急あずさ・かいじ」，於大月轉乘富士急行線「富士山ビュー特急」「フジサン特急」，同樣可抵達「河口湖站」。到達「河口湖站」後再乘搭前往富士本栖湖嘅巴士即可。
▼乘搭火車交通方法
如果想搭巴士，東京多個地區都有前往「河口湖站」嘅巴士路線 (參考下圖)，到達「河口湖站」後再乘搭前往富士本栖湖嘅巴士即可。
▼乘搭巴士交通方法
套票/本地一日遊
除咗以上交通方法，仲可以買包含富士芝櫻祭以及來回巴士嘅套票。
如果嫌自己搭車轉車太麻煩，亦可以考慮參加本地一日遊旅行團，除咗去富士芝櫻祭，行程仲包括埋乘搭纜車！
富士芝櫻祭
大阪呢個牧場除左有花睇，仲有得滑草同玩各種遊樂設施！竟然仲有童年回憶、森林家族嘅主題樂園添！
▼唔只係牧場仲係…？🤔大阪超美油菜花田🌼難波出發唔洗一個鐘！Harvest Hill🌷| 超人氣水豚、全日本最大級滑草場、森林家族主題公園
雖然築地嘅場內市場已經搬遷，但場外市場一樣係想食好嘢時嘅好去處。除咗一定要食嘅魚生、海鮮丼之外，而家日本妹竟然興去築地食意粉？今次就有日本菇菇菇 @JAPANGoGoGo3 同大家去行曬成個築地嘅場外市場，仲精選咗2023年20間必食美食！下次去唔洗怕唔知食邊間～
▼日本妹興去築地食〇〇?! 2023年築地現況🍣2023年20間築地美食 feat.日本菇菇菇
東京羽田機場旁邊嘅「羽田機場花園」(Haneda Airport Garden)終於喺2023年1月31日開幕！今次有 日本菇菇菇@JAPANGoGoGo3 嘅熱菇同朱菇拉帶路，睇下呢度有咩設施！呢度除咗有食店同商店，仲有2間高級酒店、天然溫泉、仲有直通日本各地嘅巴士總站，啱晒上機前最後血拼！
▼飛東京羽田機場必睇✈️直擊羽田機場花園開幕日🎉｜一次過買手信、食名店、浸溫泉♨️｜直通巴士可以去邊？🚌