又到聖誕，又到聖誕～日本一直係香港人聖誕節好鍾意去嘅國家，唔知大家買咗機票未呢？小編幫大家整合咗日本各地嘅聖誕活動，燈飾、市集，應有盡有！即刻一齊睇下有咩玩，計劃定行程啦！去之前記住睇埋羽田機場交通攻略、成田機場交通攻略、關西機場 -大阪市區京都交通攻略！
目錄
關東地區
【東京哈利波特影城聖誕點燈】
東京哈利波特影城開幕後首個聖誕節！ 由即日起至2024年1月8日，園區內外都會佈置聖誕裝飾，包括6米高嘅聖誕樹、金光閃閃嘅燈飾。仲有「海格與小哈利波特雕像」、「守護靈藍色馴鹿」！而園區內嘅餐廳都有聖誕限定menu，哈利波特fans一定要去啦！大家可以去睇下東京哈利波特影城攻略！
東京哈利波特影城
- 地址： 東京都練馬区春日町1-1-7 (地圖)
- 東京哈利波特影城官方網站
【澀谷「青之洞窟 SHIBUYA」】
東京澀谷嘅超人氣冬季活動「青之洞窟 SHIBUYA」又黎啦！今年活動由12月1日至25日舉行，每日下午5點至晚上10點都會點燈。到時候澀谷公園通至代代木公園林蔭大道之間，將會掛滿約 77 萬顆藍色燈泡，睇落就好似一條銀河咁，非常夢幻！最特別嘅係呢度嘅地板鋪咗透明紙，營造出鏡面反射嘅效果，十足十天空之鏡！另外，仲會有「Blue Cave Xmas Market」聖誕市集，大家一定要去睇下啦！
青之洞窟 SHIBUYA
- 地址：東京澀谷公園通至代代木公園林蔭大道之間
- 時間：下午5點 – 晚上10點
- 「青之洞窟 SHIBUYA」官方網站
【台場海濱公園海灘互動投影】
成個海灘都識發光！咁似大型戶外版teamLab嘅！
東京台場海濱公園將會舉行以「CONCORDIA」為主題嘅互動燈光投影，喺海灘上設置藝術區。活動場地足足有3,000平方米。呢個裝置結合藝術、科技，當踏入會場後，人工智能就會作出唔同嘅聲音以及光影變化，聽落有啲似teamLab。活動由11月18日至2024年1月8日，喺每日16:00至21:00進行。重點係呢個活動費用全免，唔使買門票！有機會嘅話一定要去睇下到底有幾犀利！
CONCORDIA
- 地址：東京都港区台場1丁⽬ お台場海浜公園 (地圖)
- 時間：下午4點30分 – 晚上9點
- 「CONCORDIA」官方網站
【丸之內迪士尼主題點燈】
唔使入迪士尼，都可以睇到迪士尼主題嘅燈飾！
今年「丸之內 Bright Christmas」將與迪士尼合作，打造一場超夢幻嘅「Disney DREAMS ＆ WISHES」點燈活動✨ 點燈以迪士尼經典電影為主題，包括《美女與野獸》、《白雪公主》、《灰姑娘》、《冰雪奇緣2》等等，迪士尼Fans一定會睇到好感動！活動由11月16日至12月25日，地點包括丸之內大廈、新丸之內大廈、丸之内OAZO、丸之內紅磚廣場、國際大樓，小編都好想去睇啊！
Disney DREAMS ＆ WISHES
- 地址：東京都千代田區丸之内2-4-1 丸ビル1F マルキューブ (地圖)
- 時間：下午5點 – 晚上9點 (每隔15分鐘一次)
- 「Disney DREAMS ＆ WISHES」官方網站
相關優惠：日本東京新酒店推介｜澀谷型格新酒店及國際品牌酒店｜附詳細介紹及預訂網址
【橫濱紅磚倉庫聖誕市集】
東京必去嘅聖誕市集又黎啦！
橫濱紅磚倉庫聖誕市集可以話係冬季必去嘅活動之一，今年迎來第14屆，市集嘅規模都擴大咗！呢個德國風嘅聖誕市集除咗有10米高嘅聖誕樹，仲有德國製木屋、德國小食、聖誕雜貨等，即使身在日本都有種置身歐洲嘅感覺。市集入場費係500日圓 (約$26)，而旁邊嘅「聖誕燈飾花園」就係免費入場。活動日期由11月24日至12月25日，大家記得把握時間去行下！
橫濱紅磚倉庫聖誕市集
- 地址： 橫濱市中區新港1-1-2 橫濱紅磚倉庫 (地圖)
- 時間：11月25日 – 12月8日：11:00-21:00；12月9日 – 12月25日：11:00 -22:00
- 橫濱紅磚倉庫聖誕市集官方網站
【植物園「HANA・BIYORI」和風點燈】
燈飾就睇得多，咁日本風嘅點燈你又見過未？
由東京讀賣樂園打造嘅植物園「HANA・BIYORI」，今個冬季將會舉辦和風點燈「HANA・BIYORI×竹燈『HANA燈』」。活動日期由即日起至2024年2月25日，點燈時間係每日下午4點至晚上8點。因為係植物園，所以呢度嘅燈飾以竹子為主角，將園內嘅植物同燈光結合。活動另一個焦點就係和傘點燈裝置，遊客更加可以事先喺園區嘅商店內租借提燈、和傘等道具，非常有特色啊！
HANA・BIYORI
- 地址：東京都稲城市矢野口4015-1 (地圖)
- 營業時間
- 電話：+81-044-966-8717
- HANA・BIYORI官方網址
【多啦A夢主題關東三大燈飾】
多啦A夢燈飾好靚啊！
位於神奈川縣嘅相模湖燈光展，被選為關東三大燈飾之一。今年將會聯乘多啦A夢舉辦「多啦A夢電影大雄之地球交響樂燈飾」！一入門口，已經可以見到多啦A夢、大雄、靜香、胖虎和小夫化身樂手嘅燈飾 。相模湖燈光展最有代表性嘅250米彩虹纜車，都會加入多啦A夢彩燈元素。一路坐纜車，一路欣賞咁靚嘅燈飾！活動日期由11月3日至2024年5月12日，就算最近未得閒去都唔緊要！
相模湖燈光展
- 地址：日本神奈川県相模原市緑区若柳1634 (地圖)
- 營業時間及休園日
- 「多啦A夢電影大雄之地球交響樂燈飾」官方網站
【目黑川冬季夜櫻景色】
冬天都有得賞夜櫻咁特別？
東京目黑川冬季傳統燈飾活動「目黑川Minna no illumi2023」又黎啦！今年再度以櫻花色嘅粉紅色為主題，以38萬盞LED燈打造獨特嘅冬季「夜櫻」景色！喺11月10日至下年1月8日，每日下午5點至晚上10點期間，Fureai水邊廣場都會進行點燈，好浪漫啊～大家會去東京嘅話一定要bookmark定到時去睇下！
目黑川Minna no illumi2023
- 地址：東京都品川区東五反田2-9 品川区立五反田Fureai水辺広場 (地圖)
- 「目黑川Minna no illumi2023」官方網站
相關優惠：關西新酒店推介｜日本首間W酒店！環球影城全新官方酒店｜大阪、奈良、京都新酒店
關西地區
【大阪光之饗宴冬季燈飾活動】
想喺大阪睇燈飾，一定要去呢度！
「大阪光之饗宴」係大阪嘅傳統冬季燈飾活動，係好多本地人、遊客冬季必去嘅景點！今年嘅活動日期由11月3日至2024年1月31日。活動範圍橫跨御堂筋大道、大阪市役所周邊以及中之島公園，街道兩旁都會掛起色彩繽紛嘅燈飾。除咗以往經典嘅 「御堂筋彩燈」以及「大阪光之文藝復興」，今年超人氣嘅TeamLab Botanical Garden亦都會首次加入活動！大家去關西嘅話，一定要去打卡啊～
相關優惠：九州JR Pass攻略｜全九州、北九州、南九州鐵路周遊券｜3種周遊券帶你玩遍九州熊本、鹿兒島、福岡、長崎、由布院
九州地區
【豪斯登堡聖誕市集、煙花匯演】
準備去九州過聖誕嘅話，豪斯登堡係一個好選擇！
豪斯登堡係位於九州嘅主題樂園，以歐式街道為主題，打造出異國風情嘅園區，例如佢嘅三層旋轉木馬就非常出名，金光閃閃嘅旋轉木馬同聖誕節好啱feel！ 豪斯登堡將會舉辦聖誕活動，即日起至2024年1月8日有「光之街聖誕市集」。除咗有聖誕雜貨、攤位遊戲，仲有好多特色美食，睇相都流晒口水！而聖誕重頭戲煙花匯演，就會喺12月16日、23日、24日、25日嘅晚上8點30分舉行，最特別嘅係可以睇到心型嘅煙花。喺呢度過聖誕一定好有氣氛啊！
豪斯登堡
相關優惠：東京攻略2024｜谷中銀座商店街7間必食推薦｜刨冰専門店、東京第五名炸肉餅、栗子甜品專門店
上機前最適合嚟呢度最後衝刺增磅？！今次有 @JAPANGoGoGo3 熱菇同朱菇拉帶大家去有貓貓街別稱嘅谷中銀座商店街，吃爆5間必食小吃店，當中仲有排隊名店同得獎名店，想知好唔好食就要睇片啦~
▼【東京必去】夕陽街？貓貓街？爆吃小吃街！😋谷中銀座商店街 | 得獎谷中炸和牛肉餅🐮栗子甜品排隊店值得去嗎？🌰必吃日式菠蘿油！🥯
相關優惠：淺草攻略2024｜掃街一日遊！4間必食美食｜入口即溶火炙芝士蛋糕、必食日本產超肥美鰻魚、宇宙最濃抹茶、花花造型可麗餅
去淺草🇯🇵淨係去淺草寺行一轉打卡影相📷就算？點得㗎🤔！日本菇菇菇 @JAPANGoGoGo3 上一次就帶大家去淺草體驗著和服，今次就會帶大家去掃街😋，實行要食爆所有街頭美食😎！下次去東京記得跟住熱菇嘅推介去淺草玩！
▼四間淺草必食美食！🏮掃街一日遊😋人生食過最入口即溶火炙芝士蛋糕🧀必食日本產超肥美鰻魚🍙！宇宙最濃抹茶🍵
相關優惠：日本藥妝攻略2024｜日本超公正雜誌推介必買藥妝｜由$32到$700都有！
係時候入下啲藥妝貨啦～🤩今次有註日小編Claudia同Mayu分享下佢地平時最鐘意用嘅藥妝同小物！最平$19蚊就買到啦～
▼遊日慳錢攻略💰最新日本商戶優惠券🤩 松本清/ Bic Camera必買好用藥妝小物👍日本超人氣美白酵素洗面系列🧏♀️/ HKD$18 去廁所神器🚽/ 每13秒賣出一支嘅捲髮器