卡塔爾航空｜卡塔爾航空Privilege Club｜航空公司會籍｜卡塔爾航空 Qatar Airways最近推出Privilege Club 會員限定優惠，用優惠碼「LEVELUP」預訂及乘搭一次來回商務或頭等艙，會籍等級即可以升一級或保級！呢個優惠升上銀級就無咁抵，但升上金或白金就叫做超抵喇！如果本身係Accor 白金卡或以上會員，可以匹配至Qatar 金卡或白金會籍，加埋今次優惠就更輕鬆！
卡塔爾航空同英國航空一樣，都係用Avios兌換機票。近年佢地罕有下調全部航線所需里數，部份航線仲要比用英航Avios換更抵，加上卡塔爾航空同英航Avios 可以1:1兌換里數，記得check下用邊間換飛抵啲呀！
【卡塔爾航空Privilege Club】坐來回商務或頭等艙，會籍即可升一級或保級！
卡塔爾航空最近推出咗一個Privilege Club 會籍升級優惠，用優惠碼「LEVELUP」預訂及乘搭一次來回商務或頭等艙機票，會籍等級即可以升一級或保級！用嚟升級上金或白金，又或者用嚟保級，算係非常之抵！不過要享受呢個升級優惠就一定要係3月飛一次，有假同budget 嘅Privilege Club 會員咁就記得要快手喇！
【優惠日期】即日起至3月26日 04:59am (香港時間)
【出發日期】即日起至3月31日 04:59am (香港時間)
卡塔爾航空Privilege Club 限時升級優惠詳情
Privilege Club 會員用優惠碼「LEVELUP」預訂及乘搭一程商務或頭等艙機票，可享：
- Burgundy 會籍可升級至 Silver 級別(相等於寰宇一家紅寶石級別)
- Silver 會籍可升級至 Gold 級別(相等於寰宇一家藍寶石級別)
- Gold 會籍可升級至 Platinum 級別(相等於寰宇一家綠寶石級別，可以使用國泰航空頭等貴賓室)
- Platinum 會籍可保級一年
要享受此優惠，會員的旅程必須從以下任一出發地開始：
-
- 美洲：亞特蘭大、波士頓、達拉斯、聖保羅、休斯頓、紐約、洛杉磯、邁阿密、芝加哥、費城、西雅圖、舊金山 、蒙特婁 、多倫多
- 西南太平洋：阿德萊德、奧克蘭、布里斯班 、墨爾本、珀斯、悉尼
- 北亞：廣州、重慶、杭州、香港、東京 (羽田/成田)、首爾、大阪、北京 (大興)、上海、成都
▼ 如果你想享受今次升級優惠，可以考慮下坐卡塔爾航空香港來回羅馬嘅商務艙，成本大約$17,927 左右，順便去一次意大利旅行！
雅高Accor All 會員匹配活動
- 雅高金卡會員可匹配至卡塔爾航空Silver 會籍
- 雅高白金卡會員可匹配至卡塔爾航空Gold 會籍
- 雅高鑽石卡會員可匹配至卡塔爾航空Platinum會籍
卡塔爾航空兌換機票教學｜短途航線多亮點
香港可以轉做Qatar Avios既卡有：
卡塔爾航空同英航Avios 可以1:1兌換里數，但係部分航線 (尤其係非卡塔爾航空同英航航班) 所需里數不同，所以記得兩邊check左先換飛。另外卡塔爾航空可以兌換曼谷航空 (非oneworld航空公司)，英航不能。
以下為調整後「比用英航Avios兌換更抵」之航點 (單程所需里數)，全部航段都減唔少，但係短途航程先見到優勢，尤其係0-650 miles 及 651-1151 miles (Econ同Business) 及 1151-2000 miles (Business)，所需里數比英航Avios更低！所以記得用1:1方式轉去卡塔爾航空先換飛。
如果你本身已經有相應信用卡積分的話，可以趁住有兌換優惠推出嘅時候，轉過去換飛賺上賺。坊間有幾張信用卡可以換到Avios，可以留意 Citi Premiermiles、Citi Prestige、HSBC EveryMile信用卡。Avios換短途飛既優勢返黎啦！
▼以下為調整後「比用英航Avios兌換更抵」之單程所需里數 (亮點：0-650 miles 及 651-1151 miles (Econ同Business) 及 1151-2000 miles (Business))
▼以下為調整前之單程所需里數 (留意不再適用，只供對比！)
國泰航空：
- 高雄 6,000 avios (Econ)；12,500 avios (Business)
- 台北 6,000 avios (Econ)；12,500 avios (Business)
- 曼谷 9,000 avios (Econ)；16,500 avios (Business)
- 首爾 22,000 avios (Business)
- 東京 22,000 avios (Business)
- 新加坡 22,000 avios (Business)
- 加德滿都 22,000 avios (Business)
日本航空：
- 東京 22,000 avios (Business)
曼谷航空 (雖然曼谷航空唔係oneworld，但係用Qatar Avios換到，反而英航Avios換唔到)
- 蘇梅 11,000 avios (Econ)；22,000 avios (Business)
只係睇以上航線，係咪覺得卡塔爾航空Avios好正呢？但係世事唔係咁完美，暫時卡塔爾航空兌換伙伴航空機位 (卡塔爾航空同英航除外) 不能經過網上兌換，必須經過網上填form或者打電話 +852 3002 2731 去換飛，要check機位有啲不便，大家可以參考英國航空同美國航空 (但不等於100%準確)。
小編實測填左form之後幾日都未收到回覆，反而打電話好快就已經check到有位，成個兌換過程需要大約半小時，而且需要等職員回電，所以最好準備哂所需資料先好打去，希望卡塔爾航空將會引進網上預訂伙伴航空啦！
▼同一行程以英航Avios 兌換 (國泰商務曼谷至香港需要25,000 Avios + HKD330)
▼同一行程以卡塔爾航空Avios 兌換 (國泰商務曼谷至香港需要16,500 Avios + THB750 (~HKD167))
合拼英航及卡塔爾航空Avios
既然部份航線用卡塔爾Avios換比較抵，又既然兩者係1:1換飛，無理由唔轉過去換。大家可以check下用邊間航空公司換飛抵啲，之後根據以下步驟將里數轉換。
▼首次登入卡塔爾航空會員後，會彈出提示連接兩個會員計劃
▼點擊Dashboard後，在左下方會看到Combine Avios
▼之後可以輸入想轉換之Avios數量
常見問題：
Q：調整後有咩抵換航線？
A：卡塔爾航空大部分短途比英航抵，包括台灣、泰國，而換日本Business都抵！
Q：如何combine英航至卡塔爾航空Avios？
A：可根據內文步驟
Q：英航及卡塔爾航空Avios比例為？
A：1:1兌換兩者Avios
Q：卡塔爾航空 能否透過網上即時兌換機票？
A： 暫時卡塔爾航空只能網上即時兌換自家或英國航空航班， oneworld夥伴或其他航空公司只能夠以網上填表或電話形式兌換。
Q：是否即時combine 英航及卡塔爾航空Avios？
A：係
2 comments
打電話去換飛， 個工作人員死都話換唔到， 叫我上網換。。。。。。激死。。。
啲英文仲好難聽
可以用live chat,唔怕聽唔明