去東京旅行當然要瘋狂食食食！今次帶大家去有「貓貓街」別稱嘅谷中銀座商店街，睇下7間必食嘅小吃店，包括ひみつ堂、肉のサトー、和栗や、福ベーグル，當中更加有人氣排隊名店及得獎店。淨係睇已經流晒口水，想食地道美食一定要睇埋落去！
上機前最適合嚟呢度最後衝刺增磅？！今次有 @JAPANGoGoGo3 熱菇同朱菇拉帶大家去有貓貓街別稱嘅谷中銀座商店街，吃爆5間必食小吃店，當中仲有排隊名店同得獎名店，想知好唔好食就要睇片啦~
▼【東京必去】夕陽街？貓貓街？爆吃小吃街！😋谷中銀座商店街 | 得獎谷中炸和牛肉餅🐮栗子甜品排隊店值得去嗎？🌰必吃日式菠蘿油！🥯
目錄
【谷中銀座商店街】
谷中銀座商店街位於JR日暮里站附近，望下JR站出口上面嘅字，字體同一般車站嘅好唔同，竟然有啲貓貓圖案喺上面，超得意啊！唔怪之得谷中銀座商店街有「貓之街道」呢個別稱啦！想去谷中銀座商店街，可以喺JR日暮里站嘅北閘口，向西出口步行5分鐘就到達！
▼JR日暮里站
呢條商店街唔算好長，全長只有170米，裡面有60幾間店鋪。以前呢度有好多流浪貓喺街上面徘徊，不過近年因為絕育所以數量少咗。因為叫得做「貓之街道」，所以呢度亦有好多同貓貓有關嘅雜貨店。
▼谷中銀座商店街
相關優惠：日本東京新酒店推介｜澀谷型格新酒店及國際品牌酒店｜附詳細介紹及預訂網址
夕陽樓梯
喺進入商店街之前，會經過呢條好出名嘅「夕陽樓梯」。顧名思義，喺呢度睇夕陽非常之靚，好多人都會喺日落時分特登過黎！大家記得去打卡影相～
▼谷中銀座 夕焼けだんだん
在 Instagram 查看這則帖子
相關優惠：淺草攻略2024｜掃街一日遊！4間必食美食｜入口即溶火炙芝士蛋糕、必食日本產超肥美鰻魚、宇宙最濃抹茶、花花造型可麗餅
ひみつ堂｜IG爆紅刨冰専門店
ひみつ堂係Instagram上面非常高人氣嘅刨冰専門店，往往都大排長龍。不過要注意，11月2日之前店鋪都係秋季休業中，大家去嘅話記得要等到11月2日之後，唔好摸門釘啊！
▼ひみつ堂外觀
▼ひみつ堂刨冰
在 Instagram 查看這則帖子
ひみつ堂
- 營業時間：早上10點 – 晚上7點
- 地址：東京都台東区谷中3-11-18 (地圖)
- 電話：+81 03-3824-4132
- Tabelog餐廳資訊
そば 畔上｜高分鴨蕎麥麵
鍾意食蕎麥麵嘅話，可以黎試下呢間そば 畔上。不過想食嘅話最好早啲黎，因為有機會賣晒就無架啦～
▼そば 畔上
▼そば 畔上蕎麥麵
在 Instagram 查看這則帖子
そば 畔上
- 營業時間：早上11點 – 晚上9點 (逢星期一、二休息)
- 地址：東京都台東区谷中 3-11-11 (地圖)
- 電話：+81 03-5815-8710
- Tabelog餐廳資訊
相關優惠：日本東京新酒店推介｜澀谷型格新酒店及國際品牌酒店｜附詳細介紹及預訂網址
肉のサトー｜大賞炸和牛餅
呢間肉のサトー被選為「東京好味大賞」100品裡面嘅第5位，非常厲害！佢哋必食嘅名物就係得獎作品「谷中炸肉餅」。外皮好脆口，完全無油淋淋嘅感覺，裡面餡料有和牛，好重牛肉味！
▼肉のサトー外觀
▼肉のサトー炸物
肉のサトー
- 營業時間：早上10點30分 – 晚上7點30分 (逢星期一休息)
- 地址：東京都台東区谷中3-13-2 (地圖)
- 電話：+81 03-3821-1764
- Tabelog餐廳資訊
CHAYA matsuo｜日式年糕糰子
食完咁多鹹嘅嘢食，係時候食下甜嘢！呢間CHAYA matsuo必食嘅就係日式年糕糰子，小編推薦黃豆粉味、甜醬油加芝麻味。糰子非常煙韌，好有咬口，鍾意食日式年糕嘅話應該會鍾意～
▼CHAYA matsuo外觀
▼CHAYA matsuo糰子
CHAYA matsuo
- 營業時間：早上11點30分 – 晚上5點30分
- 地址：東京都台東区谷中 3-12-1 (地圖)
- 電話：+81 03-3828-8558
- Tabelog餐廳資訊
和栗や｜超人氣栗子甜品店
和栗や喺谷中銀座商店街入面都算幾出名，佢哋嘅名物就係栗子甜品。小編推薦栗子洋式芭菲、栗子和式芭菲、栗子蓉。全部甜品都好足料，栗子味非常濃郁，好似食緊成粒栗子咁！就算要排隊都好值得！
▼和栗や外觀
▼和栗や甜品
在 Instagram 查看這則帖子
和栗や
- 營業時間：早上11點 – 晚上6點
- 地址：東京都台東区谷中3-9-14 (地圖)
- 電話：+81 03-5834-2243
- Tabelog餐廳資訊
福ベーグル｜牛油紅豆Bagel店
福ベーグル位於谷中銀座商店街樓梯一落黎嘅旁邊，如果唔仔細睇嘅話好容易miss咗。小編最推薦牛油紅豆Bagel，裡面嘅牛油非常邪惡！另外，南瓜Bagel都係一大賣點！上面佈滿麥皮、穀物，口感豐富，裡面有芝麻香味。店裡面設有微波爐，如果鍾意食熱啲，可以叮完之後先食！
▼福ベーグル外觀
▼福ベーグル Bagel
在 Instagram 查看這則帖子
福ベーグル
- 營業時間：早上9點 – 下午5點 (逢星期一休息)
- 地址：東京都荒川区西日暮里3-10-6 セ・アベーレ谷中銀座 EAST・1階 (地圖)
- 電話：+81 03-5834-8908
- Tabelog餐廳資訊
甘味処鎌倉｜新式蕨餅飲品
甘味処鎌倉專門售賣蕨餅飲品，類似珍珠奶茶，不過珍珠就變成蕨餅，呢幾年喺日本都幾流行。小編推薦抹茶味，最頂層係cream，中間係抹茶，底層就係蕨餅。抹茶味道比較淡，唔算太甜，配合埋蕨餅嘅甜味就啱啱好！
▼甘味処鎌倉外觀
▼甘味処鎌倉飲品
在 Instagram 查看這則帖子
甘味処鎌倉
- 營業時間：早上10點 – 下午5點
- 地址：東京都荒川区西日暮里3-15-4 (地圖)
- 電話：+81 03-5834-7082
- Tabelog餐廳資訊
去淺草🇯🇵淨係去淺草寺行一轉打卡影相📷就算？點得㗎🤔！日本菇菇菇 @JAPANGoGoGo3 上一次就帶大家去淺草體驗著和服，今次就會帶大家去掃街😋，實行要食爆所有街頭美食😎！下次去東京記得跟住熱菇嘅推介去淺草玩！
▼四間淺草必食美食！🏮掃街一日遊😋人生食過最入口即溶火炙芝士蛋糕🧀必食日本產超肥美鰻魚🍙！宇宙最濃抹茶🍵
相關優惠：6個港幣兌日圓方法｜銀行、外幣提款機、香港/機場找換店、日本提款機、日本機場或便利店外幣兌換機｜邊個方法兌日圓最抵最簡單？
今次有菇咪咪同朱菇奶@JAPANGoGoGo3 帶大家攻略原宿食買玩一日遊，一次過滿足你３個願望😋而且仲有今年先開嘅景點添！
▼🇯🇵2023原宿食買玩攻略！超療癒貓咪CAFE😽專櫃香水護膚品任試女生美妝天堂！💄Godiva VS 藏壽司最新Crepe！其中一個有伏😭
相關優惠：日本藥妝攻略2024｜日本超公正雜誌推介必買藥妝｜由$32到$700都有！
入日本藥妝店唔洗再頭痛啦~ 認住呢個日本毒舌雜誌LOGO買大大減低中伏機會😬
▼【2023日本必買藥妝💄】跟著日本超公正零廣告雜誌買年度冠軍🏆化妝品護膚品😍| 上手立即白一度?! 由HK$33買到HK$700蚊!💰